هذي مشكلتي مع أقرب الناس لي

السلام عليكم
مشكلتي يا بنات مع إختي , هي اكبر مني بسنه عمرها 22 .. كانت أمورنا تمام قبل 5 سنين وكنا صندوق أسرار لـ بعض ..
لكنها غلطت غلطه " إكتشفت إنها كانت تكلم شاب وبـ مساعده من صديقتها " وقدر الله وعرفت امي بالسالفه بس مو مني , وإنحلت المشكله وهاوشتها امي بدون ما احد يدري .. وهي قطعت علاقتها بصديقتها ..
بعد هالمشكله فقدت ثقتي فيها , صار أي حركه تسويها افسرها على إنها رجعت لـ عادتها . وكانت لي أسبابي , لإني كنت اشوف حركاتها تغييرت .. تجلس بالغرفه وقت طويل وبدون سبب .. غامضه كثير , تسوي نفسها مضطهده بالبيت وهي عكس ذلك تماماً ..
انا أعرف إنها نعاني نقص , وعارفه إنها تبي الزواج ومراعيه هالشي .. بس وش نسوي والنصيب للحين ما جاء , وأعرف إن هالأسباب ما تعطيها حق للغلط ..
اكثر من مره أكتشف إنها تكلم شباب والحمد لله واجهتها امي وحلينا المشكله واخذنا منها الجوال . وأنا أساساً محرومه من الجوال علشانها بس ..
هي ما تدري إني ادري عن اللي تسويه , بس شاكه ..
وانا نظرتي فيها تغييرت , صرت أشمئز منها وما احب أكلمها .. والود ودي ما اطالع وجهها .. غصب عني :44:
وهي أكثر من مره تقول لي بهواش " ليه تغيرتي ! غنتي فيك لعانه , إنتي متكبره .. أنا كل يوم أكرهك اكثر من اول لإنك تكرهيني فيك ... ومن هالحكي "
صرت أدور أي مشكله او أي زله علشان ما اكلمها واظل زعلانه ..
بنات أنا تعبانه .. أبي ترجع علاقتي مع أختي مثل قبل ..؟ أبي أطالع فيها وأفتخر إن هذي إختي ..
وربي تعبت ..
أنا ما أبي اكرهها ., أب احبها .. أبي علاقتي معها ترجع أحسن من قبل ..
ما أبي يكون لها عذر ترجع للطريق اللي كانت فيه ..
حتى أم فقدت الثقه فيها , بس الأم أم لو وش يصير بتبقى تحبها ..

ساعدوني ..
وش أسوي ؟
خصوصاً إن قبل شهرين إكتشفت أنا وامي إنها تكلم وهاوشتها أمي وهددتها بـ أبوي وهي إعترفت بفلطها وقالت إنها تابت خلاص ..

إدعوا لها بنات , وربي اللي فيها إبتلاء .. هي قبل لا تصير هالمشاكل ضحكت في وحده كانت تسوي نفس اللي تسويه إختي , وسبحان الله ربي بلاها ..
إنتبهوا تضحكون على احد مهما يكون ,

إدعوا لها
إدعوا لها دخيلكم , وإدعوا لي ترجع علاقتي معها احسن وأحسن :44: