هذي مشلكتي

بسم الله الرحمن الرحيم
اول شي انا اخت لكم ومشكلتي ماهي بسيطه اصعب من الصعبه
انا عمري 24 سنه قبل اربع سنوات تقريباً او خمس كلمت شباب بلحظه ضعف والشيطان حريص واستمريت على هالطريق لحد ماكتب الله وفضحني الرجال وكتب اسمي ورقمي وايميلي وكل شي عني بالنت وانشره قدام اللي يسوى واللي مايسوى المهم جلست سنه في حاله نفسيه سيئه اشوف البنات يتزوجون وانا جالسه محد يدق بابنا نفس قبل المهم بعد هالسالفه بسنه انخطبت لدكتور بالجامعه شفته وشافني بس ربي ماكتب اني اتزوجه انبسطت في نفس الوقت اني انخطبت وفيه ناس مادروا بالسالفه اللي هي فضيحتي المهم جلست اشوف البنات يتزوجون وانا جالسه لا وظيفه ولا دراسه ولا شي فراغ قااااتل بعد اللي صار لي ماتبت تعرفت على واحد ثاني المهم كملت معه اربع سنوات انخطبت قبل فتره لرجال محترم ماعليه يصير اخو زوجة عمي
المهم وافقت وتملكت الرجال ماحبيته بس ارتحت له اذا جاني وجلس عندي مافكر بكل شي انسى اللي آكلمه وانسى كل شي انبسط معه بس اذا كلمني اصرفه مارتاح لا اتصاله اطنشه اقوله شوي وادق وانساااه اكلم اللي كنت اكلمه وزوجي بالحلال انسسسسسسسسسسسساه واحقره هو طيب وحنون بس انا اللي العيب فيني المهم كثرت مشاكلي اتصيد اخطائه انسى انه زوجي وانه هو اللي طق الباب رغم كل اللي صار لي قام اللي آكلمه وقالي تطلقي وانا آجي اخطبك بس خليني اسأل امي بالآول انا صدقته مدري كيف كنت هبلا وصدقته كلمني من بكره قال امي رافضتك تقول انا ماحب بنات الرياض وانتي تطلقي وقولي لا اهلك هذا انا اكلمه ويبي يجي يخطبني المهم وقته قلت انا مو لعبه عندك تطلقني وتزوجني على كيفك انا انسانه مرتاحه مع الرجال والحمدالله هو مايقصر علي بشي على اني عند اهلي اذا بغيت الشي يجيبه
المهم صار يقولي زوجك شكاك زوجك مريض نفسي مافيه رجال يمنع زوجته من لبس البنطلون او النت الا هو شكاك علشان ادخل المسن واسولف معه مافيه رجال يمنع زوجته من لبس عباية الكتف الا شكاك مافيه زوج يهاوش زوجته الا مريض انا كنت اسمع منه وخذيت فكره ان زوجي مريض نفسي وجلست اتصيد اخطائه واتهاوش انا وياه واقوله اهلي ماكانوا يسون كذا وابوي مايسوي كذا قالي الرجال يختلفون ياقلبي المهم وصلت بينا للطلاق اول مره سامحني وثاني مره سامحني وثالث مره قال استخيري في موضوع رجعتك انتي توك بنت وعند اهلك وانا انسان اتزوج علشان الراحه ماتزوجت علشان ضيقة الصدر والكآبه وانتي تضيقين صدري بكلامك زوجي حساس ومايحب يسمع مني كلمة لا بأمكاني اكسبه بصفي وبكلامي الحلو والله انه طيب وحبوب انه يخليني اروح مع اهلي اختار غرفة النوم والمجالس وكل شي يخص البيت واتدلع وارفس النعمه بس انا مافكرت فيه افكر كيف اتخلص منه قلت لا اهلي خلاص بتطلق ابوي قال اللي يريحك امي قالت انتي فكري بعقلك وانسي قلبك اختي قالت من زين سمعتك علشان يجيك واحد ثاني غيره الحمدالله ان ربي رزقني وعندي بنت وانتي بتضيعين عمرك على سخافه وتفاهه
هنا بكيت من قلب حسيت ان اختي صادقه بكلامها لو محد يعرف وش اسمي ومن آنا بنته كان اقووول بكون مرغوبه بس رقمي واسمي وايميلي وكل شي عني منتشر وانتظر يجيني واحد او احد بيذكرني بالخير ضااااااااايعه يابنات مدري وش اسوي اترك الرجال اللي اكلمه واحسن اموري مع زوجي واتوكل على الله والتوفيق بيد رب العالمين او اتركه وتضيع حياتي وربي بيعوضني برجال صالح او اتطلق واجلس واعنس ومحد بيجبني
لان سمعتي صااااااااااااااااااااارت بالآرض حسبي الله ونعم الوكيل هذا اللي صار يابنات ابي نصيحتكم ورجاءً لاتغلطون بالحكي انصحوني