هذي نهاية الغزل ومكالمات اخر الليل

هذي مجرد مسرحيه او يمكن مشهد حقيقي المهم اني حبيت اوريكم اياه واتمنى يعجبكم



مشـــــــــــــــهد من ارض الواقع



الولد : الو مرحبا

البنت: اهلين

الولد : كيف حالك

البنت:طيبه

الولد : مافيه كلمة اشتقنا

البنت:لا مافيه

الولد : غريبه صوتك مو عاجبني

البنت:وانت وش عليك من صوتي

الولد : بس انا حبيبك ومن حقي اعرف

البنت:هذا كان اول اللحين ما عدنا حبايب

الولد : بس ليش وش اللي تغير انا اخطيت عليك بشي او وش الذنب اللي سويته

البنت:انت ما سويت معي شي بس انا احس اني ما ابيك

الولد : طيب وتوك تحسين وين هالاحساس من اول

البنت:المهم ممكن طلب



الولد : امري

البنت:ابيك تنساني وياليت ما تدق علي مره ثانيه

الولد : ابشري غاليه والطلب رخيص بس ممكن اطلب منك طلب
البنت:نعم

الولد :ممكن تسمعين مني هالكلمات وبعدها سوي اللي تسوين


البنت:اوكي تفضل




الولد : لا وحسافه ايامي اللي قضيتها معاك 000 كنت احسبك مثــل حبي تحبيني

بانت دروب الغدر في بداية ممشــاك 000 توك بس حسيت انك ما عاد تبيني

روحي ويحرم علي ما اتبع خطـــــاك 000وتاكدي مهما طال الزمن مصيرك تجيني

ما راح اقول قلبي وش قد عطـــــاك 000 بــس بقول انك لـــلاسف خسرتيني

وش عاد يعني لو قلتي لي ما ابغاك 00 وش عاد يعني لو انك رحتي وتركتيني

على بالك اني ما راح اقدر انسـاك 000 وعهدا علي غير انساك مثل ما نسيتيني

وان مر على بالي في يوم ذكراك 000 بدفن الذكرى في ما مضى من سنيني

تبيني انسى نفسي واتبع هواك 000 وشلون اتبعك وانتي من البدايه خنتيني

وان كان غرتك بيوم دنيا هذا وذاك 000 انا دنيتي مـــــا زانت الا يومك تركتيني

روحي حتى انا صرت ماعاد اهواك 000 بس لا تنسين ماجيتك انتي اللي جيتيني

البنت:خلصت كلامك

الولد : لا للحين عندي كلام

البنت:طيب وش قصدك من القصيده

الولد : والله افهميها مثل ما تبين

البنت:على فكره انت مغرور

الولد : وانتي بعد غبيه

البنت:ليش غبيه

الولد : مصيرك راح تعرفين الزمن راح يعلمك بالاجابه

البنت:انت تبي تحسسني ان مافيه مثلك بالكون ابد ترا اقدر اعشق غيرك ملاين

الولد : حتى انا بعد اقدر اعشق عدد شعر راسك

الولد : انا لو بغيت اعشق راح اللقى كثر حبات الرمال 000 لاكن انتي صعب مثلي تعشقين
البنت:ليش وش الفرق بينك وبين باقي الناس

الولد : مثل الفرق بين قلبي وقلبك
البنت:انت من تكون

الولد : مجرد شاعر قتلته الظنون

البنت:يعني افهم منك انك صعب تنساني

الولد : مجنون انا بعد اللي صار ارجع اعاني
البنت:بس مستحيل تلقى وحده بجمالي

الولد : جمالك صرت اشوف بعيوني خالي

البنت:غريبه وين كلامك الحلو اللي كنت تقوله لي

الولد : هذاك اول يوم كنت احسبك عزوتي وكل هلي

البنت:طيب لو ارجع لك راح تنسى اللي صار

الولد : ما اتوقع يرجع اللي احترق بالنار
البنت:تصدق بديت اندم على كلامي اللي قلته

الولد : وانا ندمت على كل شي لجلك فعلته
البنت:خلاص خلنا نرجع مثل اول

الولد : للاسف زمان اول تحول
البنت:بس انا متاكده ان قلبك الطيب ما راح ينساني

الولد : وانا متاكد ان عزتي عنك راح تنهاني

البنت:خلاص تبينا نفترق

الولد : هذا قرارك مو قراري
البنت:بس انا تندمت وما ودي اتركك

الولد : وانا تمنيت اني ما اعرفك
البنت:يعني مافيه امل نرجع لبعض

الولد : لا صدقيني صعب اتنازل عن كرامتي
البنت:بس انا حبيتك

الولد : وانا بعد كرهتك
الولد : ممكن اطلب منك طلب واعتبريه اخر طلب في حياتي

البنت:امر

الولد : ابيك تعتبريني مجرد حلم جميل جاك في ليله بارده ودفيتي من حنينه والصبح البنت:صار لك مجرد ذكرى
البنت:بس انا ما راح انساك انت عطيتني درس عمري ما انساه

الولد : وانتي علمتيني شي عمري ما راح انساه
البنت:وش علمتك

الولد : علمتيني ان الحب مجرد وهم وان العشق جنون وان الجرح عند بعض الناس عادي

البنت:خلاص ارجوك لا تكمل احس اني انسانه تافهه

الولد : توك تحسين

البنت:انا اسفه

الولد : بعد ايش
البنت:طيب وش تبين اسوي اللحين

الولد : ابد لا تسوين شي مع السلامه وانسي كل شي صار بيننا
البنت:مستحيل انسى

الولد : وانا مستحيل ارجع

البنت:خلاص

الولد : خلاااااااااااااااااص


اتمنى تكون اعجبتكم وعلى فكره ودي اوضح نقطه ترا مو شرط الشاعر او الكتاب انه ما يكتب شي الا اذا كان صاير له لا ابد كل انسان له اسلوبه بالكتابه لان فيه ناس كثار على بالهم كل ما اكتب قصيده او خاطره ان المناسبه صايره معي لا ابد ترا كله مجرد خيال شاعر ولا له من ارض الواقع اي مجال انا احب اكتب كل شي يجي في بالي او اشوفه في ناس غيري او اكتب عن ناس ما يقدرون يكتبون فا اجي انا واقول هذي احاسيسكم ومشاعركم ترجمتها لكم بطريقه تنسيكم معنى الجرح . فا ترا مو كل شي اكتبه معناته صاير معي . اتمنى وصلت لكم الفكره وهذي يمكن صايره مع احد بس انا جايبها من مخيلتي بس لا اكثر .



ياليتني ماعرفت الحب يالتني عشت وحداني...


تحياااتي ...