..حيااتج كئيبه الصراحه...الله يسعدج لكن ان الله لا يغير مابقوم حتى يغيرو ما بأنفسهم...بس شكلج مبسوطه على هالوضع..

بصراحة وماتزعلين مني وضعك مرررة مزري
قاعدة اتخيل عيالك يجون من المدرسة وينتظرون وجبة وانتي مازلتي بالفراش..؟؟
وفي الاخير توكلينهم ساندوتشات يعني ساندوتش الصبح والظهر..؟؟؟
وفوق هذا انك تطالبينهم يساعدونك وهم بالاساس قايمين من فجر الله وكااارفين بالمدرسة
طيب انتي تنامين بعد مايروحون المدرسة...يعني قولي على الساعة سبع
اعتقد من 7 الى 1 الظهر هذي 6 ساعات...يعني كفاية نوم..؟؟وترا كثرة النوم تجيب التعب والهزل...يعني 7 ساعات نوم للشخص البالغ كفاية
طيب حاولي تقومين قبل لا يجون يعني على 12 و سويلهم اكلة خفيفة تكونين مجهزة مقاديرها الصبح..ولما يجون ماتاخذ معك وقت في الطبخ
وبعد مايتغدون المفروض ينامون...ليش ينامون العشاء...؟؟؟او اذا ناموا العشاء خلاص خليها تكون نومتهم الاساسية الى الصبح...ترا نومتهم هذي مضرة لهم.. لاهي الظهر ولا هي النومة الاساسية
نرجع لك الحين...الظهر بعد مايقيلون نضفي بيتك وشيلي من بالك النت نهائيا...ترا ماودانا بداهية الا النت
على اذان العصر بتكونين خلصتي...صحي عيالك..وسويلكم شاهي وسناك واجلسي معهم جلسة عائلية>>>ترا هالجلسة بتقعدين طووول عمرك تتحسفين عليها لما يكبرون..العبي معهم وامزحي اسأليهم عن ادائهم بالمدرسة...وش صارمعهم... حسسيهم انك ام وغدقي عليهم من حنانك
على المغرب خلاص كلن يتجه لعمله...الاولاد لدروسهم...وانتي للمطبخ عشان تجهزين لكم العشا
بعد ماتخلصين ادخلي الحمام وخوذي لك دوش واتهندمي وتجهزي لاستقبال ابو الشباب...اذا حاب يتعشى مع عيالك كان بها...يبغى يناام...؟؟؟خلاص عشي العيال وخليهم يجلسون عند التلفزيون شوي وعلى 10ونص او 11 بالكثير ينامون...ذيك الساعة يكون الوقت مفتوح لك مارسي فيه هواياتك وعلى الوحدة بالكثير صلي الوتر واقري الورد على نفسك وبيتك وعيالك وادعي ربك انه يعينك على حمل المسئولية..وعلى طوووول للفراش
انتي جربي وحاولي على الاقل محاولة اسبوع واحد..صدقيني بتاخذين على هالوضع وبتتحسفين على الماضي
وبعدين بالمناسبة اغلب الامراض النفسية من روتين الحياة الممل..وعدم الاحساس بالمسئولية
صدقيني السعادة مو بالجلوس وارتشاف الشاي على النت بالساعات
السعادة لما تحسين انك قمتي بدورك خلال يومك سواء مع عيالك او زوجك او مع نفسك من خلال اهتمامك بصحتك وعدم السهر...وبعدين لما تجلسين على النت آخر النهار رح يكون له طعم خاااااص
ونصيحة اخيرة اذا تبغين عيالك يكونون ناجحين ويبرونك خليك مثال لهم وقدوة حسنة
يمكن كلامي يكون قاسي عليك ولكن والله ماكتبته الا رأفة بك

الله يعينك على نفسك
تدرين انا كنت نفسك وكنت كله مريضه وتعبانع بس
بطلت النت والسهر الحمدالله تعدلت حياتي
الفال لك

لا لا لا مايصير كذا يا اختي
حرام عليك وعيالك تراهم امانة وكل هذا الكسل من السهر او فقر دم روحي حللي واذا مافيه فقر دم اكيد من السهر حاولي تنظمي نومك......... خخخخخخخخ ....يامعلم علم نفسك... بصراحة انا اعاني من السهر ..
طيب وين زوجك مايبغى غدا ،فطور ،...
نصيحة من اخت لاختها .
1_نظمي نومك
2- عليك بأذكار النوم..
3_عليك بتنظيم اعمالك ووضع جدول
وسوي شغلك في الصباح بدري وشوفي الفرق. وتنفتح نفسك للشغل والبيت..

كتبت لك بالاحمر عشان تحسنين وضعك
وبالاخير احنا اخوات نحب بعض ونتناصح لوجه الله
فتقبلي كلامي بصدر رحب

شوفي ياقمرررر انا زيك كسوووله لكن عندي شغاله مغطيه علي

لكن اوقات اكون بدون شغاله تدرين وش اسووي
اسوي جدول للتنظيف
مثلا المغاسل يومي
الحمامات كل يومين
يوم غسيل يوم كوي
يوم تنظيف وحده من الغررف
يوم المطبخ
يوم الحوش
ولاتنسين عيالك اذا كبار ينظفون معك مثل مسح الطاولات وترتيب بعض الاشياء

شوي شوي ببتصيرين ست بيت شاطره