اهلين ياغلا حوائيات
انا احبكم في الله ومسامحتكم مع انه والله ماجاني منكم الا كل خير ونصح وتوجيه جزاكم الله الف خير
الموت حق وانا عمليتي الاسبوع الجاي عمليتي نوعا ما حساسة وماحب اتكلم فيهااا نهائيا ان شاااء الله اذا ربي كتب لي عمر وتهيئت نفسيا اكتبها بس ماوعدكم
وصيتي
حبيبي زوجي انا احبك واعزك واغلى شي عندي بالدنيا
حبيبي انتبه لحمودي تراه اغلى شي عندي بالدنيا الله يخليك له ويوفقك انتبهله وبعد وفاتي وصيتي لك انتبهله واذا حبيت تتزوج لاتتزوج قبل سنه علشان الناس مايتشمتون بي وانا بقبري
ياقلبي لاتنسى تدعيلي وخذ عمر علشاني وحج عني وتصدق وان حصل تبنيلي مسجد بشرق اسيا او أي مكان احد محتاج اكون شاكرتلك واذا ماقدرت برادة ماء علشان العمال يشربون منه
وانا مساااامحة كل الناس ومحللتهم وامك معهم وقله تقولك رهام انه مسامحتك ومحللتك بس لاتاذين االلي حولك حرام اخذ وا من الدنيا كفايتهم خليه يعيشون حياتهم
وقل لامي وابوي اني احبهم مررررررررررررررررره وخواتي بفقد جمعتكم المغربيه واحبكم اكثر من كل شي كنت اتمنى اني اتوظف علشان ماينقصكم شي بس هذا المكتوب ان شاء الله ربي يغنيكم من فضله
وقل لامي اصبري الدنيا مهب طويلة لاحد ويجي للظالم يوم كل ظالم وله نهاية
وقل لابوي انه اغلى شي عندي واحبه وخله يشيل الهموم اللي بقلبه وينتبه لنفسه ويترك الدخان تراي كاشفته هههههههههههه انا خايفة عليه من السرطان
وللزعيم يااغلا اخ بالدنيا كل شي بحياتي انت انت سندي وراس مالنا انتبه لنفسك ولاتسرع بالسياره وان لك خوات يبونك وام قلبه جمر كل مابغيت تجي عندنا الله يحفظك ويزوجك ويرزقك الذرية الصالحة والرزق الواسع
واهلي كلهم انا احبكم وتراني محللتكم كلكم
وانا اللحين بكون بالدار الثانية لاتبكون علي ابي دعواتكم لي هذا اللي بيوصلني
هذا نموذج وصيتي بس ماعرف اكتب وصية اذا كان ناقص شي ممكن تقولون لي
حبيت اقولكم ان نجاح عمليتي ان شاء الله 98% بالمية بس مهما يكن الواحد مايدري وش بيصير
دعواااااااااااااااااااااتكم القلبية لي
رهومــا @rhoma_1
محررة
يلزم عليك تسجيل الدخول أولًا لكتابة تعليق.
كان زمان322
•
الله يقومك بالسلامه
يـــاحياتي انتي
الله يشفيك ويقومك بالسلامه ويخلي لي زوجك وولدك واهلك واحبابك ويطول بعمرك على عمل صاااالح وصحه وعافيه
الله يشفيك ويقومك بالسلامه ويخلي لي زوجك وولدك واهلك واحبابك ويطول بعمرك على عمل صاااالح وصحه وعافيه
الصفحة الأخيرة