قصتك موووجعه حد الألم والله العظيم تألمت منها اسأل الله ان يصبرك ويربط على قلبك ويصلح ما بينك وبين ابو عيالك ويبلغك في عيالك خير ولا يحوجك لاحد
صدق عش رجبا ترى عجبا أقرى قصتك وانا مستغربه أنكم إخوان من ام وأب
حبيبتي أرقي نفسك و قابلي الإساءة بالإحسان ما بقول لك حبيهم وتوددي لهم بس سلمي عليهم تطمني على مريضهم مؤ حبا فيهم ولا خوف منهم بس حبا لله اللي أمرنا بصلة الرحم ، هذولاء إخوانك ولا توصين عيالك على القطيعة صح من حقك تحرمينهم من الوسطات والفلوس وكل أمور الدنيا بس الا صلة الرحم تراها تمد في العمر
ادري كلامي مؤ عاجبك بس ما حبيت أنصحك بقطعة رحمك
دعواااتك غاليتي

الله يفرج همك ويلم شملك مع عيالك
مثل ماقالوا الاخوات ارقي نفسك واذا قدرتي بعد خذي اثر من اخواتك كلهم واغتسلي فيه
واذا فيه سبيل للرجعه الى زوجك حاولي
واذا لا اسأل الله العظيم رب العرش الكريم ان يعوضك بخير وأفضل منه في القريب العاجل

المصااااااااالح للاسف هي السايده بين الناس وحتى بين الخوان

انصحك تقوين علاقتك مع الله

وتكثرين من الاذكار والاستغفار


وتحاولين ترجعين لطليقك او تتزوجين

او تاخذين اطفالك لان اذا كبرتي ماراح ينفعونك غيرهم

ياحياتي انتي الناس اخاصه اقرب الناس اذا لهم مصلحه عندك حطوك فوق الراس واذا ما ماعاك شي ماعاد حسبو لك حساب...
والله اني موظفه وانا الي اصرف على امي وخواتي وسويت شغلات مايسويها الرجال من راتبي ومالي فضل ابدا...مهما كان امي وخواتي بس تعبت من الدوام واخذت اجازه وفلست والله العظيم اني طلبت امي بس مبلغ مية ريال وارجعه لها الف ريال لما ارجع سوت لي سالفه وجلست شهرين لا اكل ولا اشرب معاهم ويمكن اكثر بس اصلي الليل واقرا قران واستفغر ربي وما اسال باحد حسيت جاني تبلد مشاعر لابعد حد لدرجه يمكن اشوف احد منهم ميت قدامي ما اتاثر جاني زي الصدمه في اهلي وخواتي طالعات داخلات مطاعم واسواق وماحد منهم سال فيه ونسيو تضحياتي وبخلي على نفسي عشانهم...ياقلبي اذا ما معاك ريال ماحد بيشوفك شي حتى اقرب الناس لك ...
اسفه طولت بس تذكرت حالتي وانا اقرأ كلامك ..حسيت مو انا بس وحدي الي عايشه هالوضع مع اهلي...

الله يجزاكم كل خير على ردودكم اللي تثلج الصدر
وانا ثقتي برب العالمين كبيره وان شاء الله بيفرج همي وبيعوضني خير عن كل الله شفته
وافوض امري لله بالعكس يالغلا نصيحتك على العين والراس
ترانيم المساء الله يفرج همي وهمك وهم كل مسلم انه على كل شيء قدير
الله يسعدكم يابنات ويوفقكم دنيا واخرة