بسم الله الرحمن الرحيم
اول شي شكرا لكل وحدة قرأت قصتي وجزاكم الله كل خير
برجع لتكمله القصه ....
متل ماحكيتلكم منعوني عن الحمل لمدة تقريبا سنه هالمرة مجبورة عالمباعدة سبحان الله ،مرت السنة تقريبا 9 شهور ونويت ع الحمل لأنه كتير كنت خايفة بعد ما قرأت بالنت انه مو دايما بصير حمل واذا رح يصير فرصتي فيه 50% ، كل شهر احاول وتصيبني خيبة امل وشهر ورا شهر وازعل واتضايق اعمل مناحة بالبيت لدرجة انه حكيت لزوجي انه يتزوج خلص من حقه انه يجيب اولاد طبعا هو ردة فعله اول يضحك وتاني شي يلا دوري لي ع عروس "من باب المزح طبعا"، الصراحة كانت عمتي تسمع معايرات من الي حواليها وهي تحكي عنا بنوته والحمدلله نعمة كريم وما عرفت بالحكي ابدا غير بعدين حتى ماتتعب نفسيتي زيادة " الله يخليلي اياك يا احلى حماة بالدنيا "
لآخر شهر مر علي اتأخرت علي 3 ايام فرحت كتييييير وطبعا مو من عوايدها تتأخر ابدا ابدا وعلى طول عالمختبر ، بعد ما سحب الدم حسيت اللحضة ساعة وانا استنى وبس نادى على اسمي الدكتور حسيت قلبي صارت نبضاته مليون حكيتله نعم حكالي ...... مافي حمل ومية مثلجة انكبت علي ضربت ع وجهي وسحبت حالي وطلعت متل المجنونه حطيت النظاره ع وجهي وماشية بالطريق وببكي وماما لحقتني وتنادي علي وصارت تبكي بس شافتني بهالحالة ما بعرف كيف وصلت البيت رنت ماما ع زوجي وحكتله الي صار طبعا هو هاوشني وحكالي انا خلص مابدي اولاد انت وبنتي الله يخليلي اياكم والحمدلله نعمة كريم هو الصراحة ريحني كتيييير فوق ماتتصوروا الله يخليلي اياه لحظتها قررت انه خلص اسيب الشغلة لربنا ومتى ما كتبلي ربنا الحمل حتى لو بعد 5 سنين انا اكيد راضية ووكلت امري لربي ومتل ما حكالي زوجي انت نيتك طيبة وربنا ان شالله رح يجزاك كل خير
طبعا هي اجت بعد ما اتأخرت 4 ايام وشرفت بس صارت نفسيتي مرتاحة والحمدلله طبعا كنا ع ابواب دخول شهر رمضان
اجى شهر رمضان واجت كل خيراته وبركاته وصرنا بنصه يعني صرنا بالثلث الاوسط من شهر الخير وكان عندي وقتها عزيمة لأهل زوجي وكنت مشغولة بالطبخ وكانت يومها متأخرة علي يومين وانا صدقا ما فكرت فيها متل ماحكيتلكم توكلت عربي والنعمه بالله
خلصت العزيمة وكانت سهرة كتيير حلوة وطبعا يومها تعبت كتير بس عن جد تعب حلو لانه مافي احلى من لمة العيلة ونمت من تعبي متل القتيلة وتاني يوم انعزمنا عند اهلي وبحكيلها الي صار معي وحكتلي ان شالله خير
واخر السهرة حكيت لزوجي انه اجيب الفحص البيتي طبعا رفض وبشدة وانا حكيتله انه حاسة بشي غريب جواتي
ومتفائلة كتيير بعد اصراري جابه وحكالي اذا بتبكي او بشوف نكد ما بتلومي غير حالك
وصلنا البيت وجهزت السحور ونميت بنتي وقمت نظفت البيت من جلي ومسح والخ ... دخلت اجلكم الله التواليت وانا مترددة وخيفة وقلبي دقاته مليووون ماسكة الانبوب بدي ادخل القطرات ومابدي يعني قعدت 5 دقايق وانا خايفة خصوصا انه ماعندي اي اعراض حمل كنت خايفة احط القطرات بالاخر اتشجعت ويلا..... ظهر اول خط استنيت دقيقة وبدأ يظهر خط تاني بس خفيف ....... انا لما شفته صرخت كانت الساعة 3 الفجر اجى زوجي ع صراخي حكالي شوفي حكيتله حاااااااااااااااااامل اول شي انصدم كان بده يطول مي من الثلاجة ترك الثلاجة فاتحة وضل صافن فية من الصدمة ما حكى شي وبعدين ما صدق وانا متل المجنونه ابكي واضحك بنفس الوقت حضني زوجي وهو لسة مصدوم وما بحكي قسما بالله لحضة ولا يمكن انساها وهلأ نزلن دموعي لحالهم وانا اكتب الموقف هاد تاني يوم عالدكتورع طووووول ،عرف قصتي وكنت متخوف يكون حمل خارج الرحم وهو كمان بس الحمدلله دائما وأبدا حمل سليم
نسيت احكيلكم بعد ما طلعنا من الصدمة رنيت ع ماما وكانت بتجهز بحالها حتى تطلع بكير عالعمرة حكيتلها ماما بدي احكيلك قبل ماتروحي اني حامل هي حكتلي حبيبتي مبااااارك الف شكر الك يااارب الف شكر يارب وصارت تبكي واسمعلكم صوت صراخ وضحك من خواتي ومرت اخوي مبااااارك مبااارك ورجعت ابكي مع ماما
بدأت اداوم عند الدكتور بأنتظام وبشرني بالشهر الخامس انه ولد هو صحيح انه كتير تعبت بحملي بس ع قلبي احلى من العسل وملرت الشهور وفات الشهر التاسع حسيته سنة خصوصا اني اكلته كله وخلفت وشرف احلى هدية من ربنا شرف" غيث" سميته لانه اسمه برمز للخير والنعمه والبركه مثل شهر الخير الي حملت فيه جبته كان وزنه ما شالله تبارك الله 4 كيلو و200 غرام وصحته ووضعه تمام وع فكرة خلفته طبيعي وبلا بنج بحكم عمليتي بس ما اهتميت لانه كان تفكيري باللحظة الي بدي احطه بحضني وابوسه وهو هلأ عمره 11 شهر نايم بحضني وبوسته
طولت عليكم بعرف بس ان شالله تكونوا عشتوا معي كل تفاصيل قصتي وتوته توته خلصت الحدوتة والسلام عليكم ورحمة الله وبركااااتة
om gaeth @om_gaeth
عضوة جديدة
يلزم عليك تسجيل الدخول أولًا لكتابة تعليق.
الله يخليلك غيث
والحمدلله نهايه سعيده بقدوم البيبي
وعقبال كل وحده يارب الله يعطيها باهالشهر الحمل السليم
والحمدلله نهايه سعيده بقدوم البيبي
وعقبال كل وحده يارب الله يعطيها باهالشهر الحمل السليم
الصفحة الأخيرة
الله يخلي لك ولدك وبنتك وتشوفينهم
معاريس يارررب