هربت شغالتي (حسبي الله ونعم الوكيل)

السلام عليكم ورحمة الله وبركاته

وشلونكم بنات ان شاء الله تكونون بخير ........... طبعآ عرفتو الي ابغى اقوله من العنوان ..

حسبي الله على الشغاله غافلتنا ونحاشت في عز الظهر مع انها ماكان باين عليها نية الهروب

وهيه اول مره تشتغل يعني غشيمه وماتفهم عربي زين ولانفهم ايش تقول .... وهيه لها شهرونص

بس وبعد ماجت بسبوعين فقط ازعجتنا تبي تسافر وتقول انها ماتبي تشتغل وماتنام في الليل من

التفكير في اهلها والأنها اول مره مومتعوده على فرقا اندونيسيا واهلها وتقول ان ابوها وامها

متوفين وزوجها متوفي قبل 7شهور وعايشه مع اخواتها واخونها وهيه مهي صغيرة عمرها

29 سنه يعني عاقله حتى في تعاملها وشغلها ومع بناتي كويسه ........ بس ماادري ليه انحاشت

واحنا يوم قالت اول مرة انها ماتبي تشتغل وتبغى تسافر طنشنها وقولنا راح تتعود وتشيل فكرة

:22: السفر من راسها بس ...... مافيه فايده .. صارت كل يوم تغثني :eek: مدام تعالي

فتشي شنطتي ابغى اسافر .. ( خلاص العمه قررت السفر وفتشو شنطتي الي يشوفها يقول انها

خلاص على طول على المطار ) المهم اتصلنا على المكتب علشان يشوفون لها حل وكلمها واحد

مترجم اندونيسي وقالها انه لازم تشتغل والآ راح يكون خساره عليها .. وبعدين اقتنعت مؤقت

:30: المدت يومين ورجعت مره ثانيه تقول انها تبغى تسافر وانها ماحبت الشغل .........

وزوجي عصب منها مرة :22: وقال امشي اوديك للمكتب يشفولك حل .... انا قلت احسن الآنها

طفشتني وهيه تقول ابغى اسافر طول اليوم وهيه تشتغل ...... وبعد 3 ساعات رجع زوجي والشغاله

معه ... قلت ليش رجعتها قال وروها العقد والشروط الي فيه وانها لازم تشتغل المدة سنتين

وبعدين تسافر واعطوها اوراق تقراها علشان تفهم ايش نقولها .... ورجعت للشغل وماجابت

سيرة السفر بس قامت تتشكى تقول يدي تعورني ظهري يعورني ارقبتي تعورني علشان نسفرها

وهكذا كل يوم تطلعلي شيء جديد يعورها مع كذا ودينها المستشفى واعطوها حبوب وكريمات

لمفاصلها ... وستمرت اسبوعين على كذا .............. وجاء اليوم الموعود ( حسبي الله عليها)

يوم الخميس 4 صفر الساعه الثانيه والنصف ظهرآ ... وقبلها بساعة قالت لبنتي الكبيره هاتي

عباتك ونقابك علشان اغسله ... بنتي اعطتها ... وقلتلي الشغاله مدام ابغى اروح تحت اسوي

نظافة يعني عند الباب حق الحوش قلت روحي وماتوقعت ولاخطر على بالي انها بتنحاش ...

ومااكتشفنا انها انحاشت الا العشاء وانا ماكنت فيه طالعه مشوار وبناتي في البيت ويقلون

ماما احنا انادي على الشغاله وماتردعلينا اكيد نايمه واناعرفت على طول انها انحاشت

وطلعت لغرفتها وماحصلت شنطتها وتاركه الملابس الي شريتها لها والكريمات يعني مااخذت

شيء احنا اعطيناها لها .. بس الي فقدناه هو نقاب بنتي وطبعآ عرفت ليش اخذت النقاب علشان

مااحد يعرفها ... بس السؤال وين راحت وهيه اول مرة تشتغل وماتعرف احد حتى شكلها مرة

غلبانه وماتعرف شي ........... والله يعين على مشاكل الشغالات .... وماعليه طولت عليكم

بس من القهر الي في قلبي والله يستر لاتكون من الشغالات الي يسحرون ..................

وابغاكم تاخذون عبره مني علشان يوم ماقالت انها تبغى تسافر كان وديناها المكتب ولا رجعنها

*************** تحيااااااااااااااتي ************

:( :22: :(