هرمون التكيس مرتفع جدا الله يطمن قلب اللي ترد علي

السلام عليكم 

اعرف موضوعي مكانه تاخر الحمل 
بس الردود هينا افضل 
واتمنى القى ردود تطمن قلبي لو بدعوووه صادقه 

بقولكم حالتي من البدايه وابي رايكم وتجاربكم 
انا حملت اول ماتزوجت بدون اي شي 
بعدها اجلت الحمل سنتين ونص سنه ونص بحبوب 
والباقي بالعزل 
بعدها صارلي 5 شهور احاول احمل وماصار 
فالاول الدوره تتاخر عندي ومو منتظمه بس تجي كل شهر
تتاخر مم 10 ل 14 يوم كذا وتجي بدون استخدم شي
ومو من النوع اللي اهتم بدورتي ابد 
ودورتي عادي ومعقووله 
راجعت عند دكتوره قالتلي سبب التاخر فيه تكيس بسيط 
على مبيض واحد وعطتني دوفاستون بسس 
وقالت اذا انتظمت الدوره بيروح لانه مره بسيط 
استمريت عليه شهر واستمريت ع البردقوش والميراميه 
واهتميت بدورتي 
وفعلا جت دورتي ذيك فموعدها وكانت افضل من اول 
ويوم راجعت قالتلي كويس مره مافي تكيس 
وعندك بويضتين وحده يمين وحده يسار وحده حجمها 19 ووحده 10
بس ماصار حمل جتني التهابات هذاك الشهر 
الشهر اللي بعده اضطريت اروح مع زوجي لظروف عمله 
ومافي مستشفيات كويسه هنا وراجعت عند دكتوره
مااعرف هي كويسه هي لا 
من اول ماجيتها تبي تعطيني كلوميد ورفضت 
وقلت بس باتابع تبويض 
اول شهر قالت عندك بويضه مقاسها 10وثاني شهر نفس الشي 
سوتلي تحليل هرمون حليب وغده تمام
وكل شهر تزن علي بالكلوميد وارفض لان عندي بويضات
لو ماعندي ممكن فكنت ابي اشياء طبيعيه
هالشهر رحت ثاني يوم من الدوره 
هذا اول شهر فحياتي تجي دورتي مررره خفيفه
صح سبع ايام بس اولها دم بني بعدين دم احمر غامممق 
رحت سويت تحليل هرمون تكيس وانا طلبته منهاولا هي 
ماعندها سالفه الا كلوميد 
وجيت اراجع 10 يوم من الدوره 
اول شي ارسلت السستر تجيب تحليلي لما جت السستر
قامت وسوتلي سونار مهبلي بس قالت مافي تبويض 
وتعالي يوم 15 اشوف يمكن تبويضك متاخر 
وقالتلي بالحرف ( ع فكره تحليلك كويسه )
قلت الحمدلله يوم قمتجلست شوي و قالتلي انتي خلفتي قبل
قلتلها ايوه قالت تحليلك مرتفع مره 54 ومفروض يكون 10 !!
انا وقتها مااعرف شي وفهيت ونسيت انها قبل قالتلي كويس
اصلا مااعرف ايش هالارقام
قلت طيب وش علاجه قالت كلوميد وابر من الشهر الجاي 
قلت طيب وطلعت 
يوم رجعت وبحثت بالنت انصددددددمت 
ان 54 يعني مرتفع جدا ويعني عقم 
ويعني سن ياس مبكر ويعني مستحيل حمل الا بمشيئه الله 

انا انصدمت ان ماعندي اي اعراض قبل 
يعني اللي قريت مواضيعهم فمثل هالحاله 
فهم من قبل دورتهم ملخبطه من هم بنات ماسبق خلفوا 
لهم فتره مافي تبويض نهائي 
بس انا كل شهر عندي تبويض دورتي منتظمه 
ماعندي اي عرض من اعراض التكيس 
يعني ممكن يرتفع ب مايوصل 54 فجاااه 
وانا لي 4 شهور في بوييضات تطلع 
وواحد منهم بويضه حجمها كبير 

والله يابنات بكيت وانهرت وصليت ودعيت
وزوجي لسا ماعلمته 
بديت اوسوس 
اول شي شكيت ان تحليلي اول يوم دوره وقريت انهم يسوونه ثاني او ثالث يوم  
ممكن يعطي نتيجه خطا؟؟
ثاني شي ال دوره اشرب اناناس بكثره صرت اقول يمكن هو رفعها
ثالث شي شكيت بالدكتوره كيف تقولي كويسه وتغير راييها 
قلت يمكن استغلاليه وتبي تعطيني ابر وبس لانها ماورتني التحليل
ولها فتره تقنعني بالمنشطات وانا اقولها دام في تبويض لو ضعيف 
ماراح اخذ منشط 
بعدين اقول لا مستحيل دكتوره بتكذب بتخاف
مع العلم ان المستوصف مشي حالك ومافي غيره بالديره 
وكثير اخطائه الطبيه 
واللي شككني فيها تبي تعطيني الشهر الجاي ابر وكلوميد
وانا قريت حالات كثير دكاترتهم فوق ال 20 يرفضون يعطونهم منشطات
كيف انا 54 وتبي تعطيني 
مدري وسوست وشكيت بكل شي 
احس مو قادره استوعب لازم في مقدمات 
معقوله فشهر واحد يوصل كذا !!!! 

مدري بنات واسوني هدوني وجهوني 
قولولي تجارب فعلا يصير فجاه وهو قبل في بويضات !!
ممكن تكون غلطانه الدكتوره ولا مستحيل !!!
تمنيت اني خذت تحاليلي وقريتها 

الحمدلله على كل حال اللهم فرجها علي