هرمون الذكوره وعلاقته بتساقط الشعر

السلام عليكم يا بنات
بسبب تجربه مريت فيها قررت اكتبها لكم

اولا

وانا بنت صغيره كان شعري كثييييييييييييييير مغطيني وطبعا كحال كل البنات من دخلت المرحله الثانويه بدا يتساقط وبدا القص والعب فيه والاستشوار
والحين صار شعري فيه فراغات ويضيق صدري :06:

ثانيا

شعر جسمي يا بنات وماودي اقولها لاني مستحيه بس بقول عشانكم
شعر جسمي كثييييييييييييير كل سنه الاحظه يصير اكثر من قبله استخدمت له جميع وسائل ازالة الشعر من حلاوه لموس لكريم كللللللللل شي بس انه يطلع اكثر واكثر وعلى فكره حتى وجهي طلع فيه حول شفايفي وفي الدقن


ثالثا

الدوره الشهري بدات تتلخبط عندي تجي شهر ايه وشهرين لا واحيانا اربع شهور ماتجي وهكذااااااااا


طبعا انا من خبالتي على بالي انه شي طبيعي وراثه مع اني ماشفت احد مثلي بين اقاربنا بس قلت برضو شكله من الله واصبر واتحمل

وفي يوم من الايام رحت للمستشفى لاني تعبانه شافت الدكتوره الشعر في بطني وهي تكشف على بطني قالتلي لازم تحليل هرمونات لان الشعر مبين انه مو طبيعي

ولما سويت التحليل وانا في قمة الخوف من الابره وسحب الدم بعد اربع ايام عرفت النتيجه وهي ايييييييييييش

ارتفاع في هرمون الذكوره

وايش يسبب اذا ارتفع شوفو ايش يا بنات
1- عدم انتظام الدوره الشهريه
2- نمو للشعر في جميع انحاء الجسم وبسرعه(يعني لو تشيلين الشعر بالحلاوه يطلع بعد اسبوع)
3- تساقط شديد لشعر الراس(لان معروف ان الرجال شعورهم خفيفه والصلع عندهم نسبته اعلى من النساء)


الحقو يابنات على انفسكم وسوووو التحليل وشوفو يمكن كل المشاكل من داخلنا وعلاجها قدامنا بس مانشوفه الحقو بسرعه لان العلاج ياخذ وقت طويل ومعقد شوي بس النتيجه يرجع شعر راسك ويختفي شعر جسمك


وانا بس وضحتلكم لاني كنت مادري عن نفسي

واتمنى اكون افدتكم