السلام عليكم
كيفكم يابنات
انا ماحب اتشكى الى لله سبحانه بس هالموضوع طير من عيني النوم انا الحمدلله راضية بقسمتي ونصيبي
وعايشة الحمدلله بنعمة بس ماناقصني الا الذرية الله يرزقني وخواتي بقسم تاخر الحمل
المهم مالكم بالطويلة ابيكم تقولون معي حق والا لا ماحب اظلم احد
السالفة ومافيها كنت وزوجي جالسين عند قناة بداية فيها موضوع عن العين والسحر ابعدها الله عني وعنكم
المهم وزوجي يحط بباله هالشي مع انه ماعمره صار له كذا بس مدري وش طرا عليه
بقولكم نبذة عن زوجي
زوجي انسان طيب وعلى نياااااته مرة وعنده ثقة عمياء باخوياه يعني ماله طلعات وروحات من قبل لاياخذني
ولايعرف معادن الرجال مدري شقولكم ويوم راح للعمل خبر خويه بالموضوع خويه انسان متزوج وكبير وعنده عيال كبار
وقاله ابيك تقرا علي عشان العيال والشفاء باذن الله
المهم ويوم قال لي المغرب بعد ماجاء من الدوام انصدمت وش الطاري عليه وليش خويه بالذات هذا
طبعا خويه هذا معه من عشرين سنة يوم كان زوجي بالمتوسط المهم انا على نيتي قلت كلام ربي مامنه الا كل خير
واحسبه بيقرا مرة وخلاص
المهم وبعد ماقرا عليه انصدمت ان زوجي يتصل علي ويقول خذي فلان بيكلمك :angry2:
انا انهبلت رديت عليه من جوال زوجي قال انه بيسال عن بعض الاشياء اول مكالمته كان مرة منحرج وثقيل انا وجهي
احمر وانا ارد ويالله اتكلم سالني وجاوبته وسكر وانا بصدمة :09:
بعد يمكن نص ساعة اتصل زوجي وارد ابي اهزئه الا يقول خذي بيسالك عن شي وانا والله لو تغزوني بدبوس
مالقيتوا قطرة دم ويسال وارد ويتعذر مني ويقول لانه صاحبي وماتدخلت وسالت الا لمصلحته وابي له الخير
لاني اسال واخذ معلومات اسال شيخ المهم بعدها اتصل زوجي الا يقول خذي نسى يسال عن شي وانا
خلااااااااص بخنق زوجي رفضت وقال خذي بيسال عن شي ضروري الا ويدخل بادق التفاصيل وسكرت منه
ويوم راح اهزء زوجي ليش كذا ليش تعطيه يكلمني ولو كان هو غريب ويسمعني ويتدخل بامورنا الخاصة عمك اصمخ
واثق ثقة عمياء بالرجال لانه كبير المهم يوم الاربعاء بروح لاهلي وبيروح له يقرا عليه لانه قريب من حي اهلي
واتصل زوجي عليه قال بجيك قال لاتجي انا بروح عند مكان قريب عند بيت عيالك واخذك لان الطريق مسدود من
عند حيهم عاد حنا بشرق الرياض وهلي بجنوب الرياض ونمر الا يلحقنا الين عند باب بيت هلي ويوقف وياخذ زوجي
استغربت ليش هالحركة وقام الفار يلعب بعبي قلت لايكون بيشوف شكلي استغفر الله
المهم وانا جالسة مع امي ونتقهوا الا يدق بعلي وار ع بالي انه بيعلمني انه بيروح للبيت الا يقول خذي ابو فلان
بيكلمك وانا فهيت كاني مخدرة وارد وانا بعيد عن اهلي ويقول لي اذا تقدرين بعدي عن اللي عندك يقاله مايبي احد
يدري عن موضوع ان زوجي يقرا لا اهلي ولا اهله المهم ويكلمني عند زوجي ويقول انه وهو يقرا عليه عرق وعيونه
حمرت شوي وبدا يسالني عن اشياء بغيت اهزئه بس مابغيت احد ينتبه قلت طيب الا يقول انا الحين بعيد عن زوجك
وابيك ترسلين لي رقمك عشان اذا صار شي او لاحظتي تغيرات عليه بعد القراية تدقين وتقولين لي لاني مابي اقول
ويبدا يراقب نفسه :icon33:
المهم واسكت واسكر ومابغيت اقول لزوجي الين جاء اليوم جاء وقرا على زوجي وجايب حلى وفطاير واذكار المساء
والصباح
جا زوجي وقال حطي العشاء الرجال مستعجل المهم وااحط العشاء ويتعشون ويجلس يقول كلفنا عليكم وكذا
قلت زين انه مادق والا بتكون اخرته
يوم طلع الا يقول لزوجي جب شماغك اعطره تحت بالسيارة وهو بيروح وينزل زوجي معه وابطا وتوني جالسة بتعشى
الا يتصل زوجي احسب هذاك راح الا يقول خذي ابو فلان بيسالك وانا دمي يغلي رديت وسلكت له ويوم بدا يسال عن
اشياء خاصة قلت بقول لك شي لاعاد تتصل علي انا انقهرت انه يكلمني وهو بسيارته وزوجي ينتظره
قلت لاعاد تكلمني انا صبرت باول مكالمة وثاني مكالمة بشوف وش وراك ولاعاد تتدخل فينا وماعطيته فرصة يبرر
وسكرت بوجهه
المهم يوم جا ابو الشباب واكمل عليه وهو في حال صدمة قلت له عن سالفة يوم يطلب الرقم ويتصل خويه
ويتعذر قال افتح السبيكر بتعذر منها وابيها تسمعني ولاترد علي قام يقول انا والله ماكان قصدي اللي انتي فهمتي
وانا مسؤل يوم القيامة عن اللي اسويه وهو خويي ومشكلته من ثمان سنوات وابي له الخير
المهم يوم سكر قلت لزوجي انت ترضى انه يكلمني والا يرضى انك تكلم زوجته حتى لمصلحتهم وجلست اهزئه
الى متى وانت على نياتك ماعندك غير ة مو لهالدرجة الثقة والمشايخ بكل مكان والمستشفيات بدون محد يعرف عن
حياتنا وخصوصياتنا
المهم انا اسفة على الاطالة بس ابي اراء الحكيمات ولا ابي احد يرد ويجرح واللي بتسب وتجرح الله يسامحها
هل انا معي حق والا خويه
وانا عارفة ان طيبة زوجي وثقته خلت هذا يتجرء ومابي احد يسب في زوجي
اخيرا ادعوا لي ان الله يرزقني الذرية الصالحة والستر والعافية
وشكرا :26:
اتمنى اكون ام @atmn_akon_am
محررة ذهبية
يلزم عليك تسجيل الدخول أولًا لكتابة تعليق.
وربي معك حق المفروض مايكلمك الا بسبيكر وزوجك موجود هذا اذا كان فعلا شيخ وزوجك شكله وثق فيه ثقه عميا وانتي انتبهي منه لانه طلب رقمك وهذا مو من عادات الشيوخ ياقلبي بس اذا زوجك ماتفهم بلغي اخوانك وبالتوفيق
الي سويتيه عين العقل
زوجك جدا غريب وع نيااته
قهررني موقفك
وماالومك
الله يرزقك عاجل غيراجلا
زوجك جدا غريب وع نيااته
قهررني موقفك
وماالومك
الله يرزقك عاجل غيراجلا
ياويليييييييييييييييييييييييي ياجحفي جحفااااااااه تكفييييييييييييييين حتى لو شيخ مايخليك تكلميييييييييييييننه شنو هذا انصدمة لاعاد تردييييييييييييييييييييين عليه ولاتكلمينه هذا واحد مايستحي ع وجههه وزوجك فين غيرته عليك يخلي الرجال يكلمك حتى لو ع نياته انتي ارفضضضضضضييي تخلين حد يسمع صوتك غيييييييييير محارمك ياويلي انصدعت انتبهي ع بيتك وع زوجك هو شاف زوجك ع نياته استغفرالله ياربي لاتعقبنا اختي يالله يرزقك الخلف الصالح اتركيه والشيوخ مايسولفون مع النسوان كل شوي
الصفحة الأخيرة
طولها وهي قصيرة