((((هـأأأأم))) الله ينولها أجر هذا اليوم الي بتعطيني هالوصفات لفطوري>>حآآآيسه ومرتبكه

ههههههههههههههههههه يا حبيبتي الله يفرحك ويكون الاكل مافي الذ منه ان شاء الله وربي يفرحكم ببعض ويرزقكم الذرية الصالحة
رمضان كريم

ااااااااااامين ياقلبي ولك مثل هالدعوه يالغلا مشكوورة عالدعوه ومبارك عليك الشهر

شوربة العدس
حطي القدر على النار وشوية زيت ملعقتين كافي وحطي بصلة مفرومة ناعم وراس ثوم مفروم او اقل
واحمسيهم دقيقتين ع النار وجيبي العدس انا اغسل زبديه وانقعها بموية ساعه واصفيها وحطيها على البصل وحركيها
وملعقة فلفل اسود ورشة كمون وملح على حسب الرغبة ملعقتين اكل يكفي
وحطي مكعب ماجي وصبي عليها موية وغطي القدر 20 دقيقه بالضبط تكون استوت طفي عليها
بعد نص ساعه حطيها بالخلاط واضربيها ضربا مبرحا :)
بعدين لما كلها تختلط تصير كأنها كريمه تطييير العقل
رجعيها القدر وسخنيها قبل التقديم
طريقة التقديم
تصبيها بالزبدية وترشي ع الوجه خبز مقرمش مقلي زي حق الفتوش
ولذيذة مع الخبز الصامولي
زوجك راح يدمن عليها وبسيطة والكل يحبها


بالنسبة لشوربة الكويكر
احمسي مع الزيت بصله وثومه وحطي عليعا خمس طماطم مطحونات وخليهم على النار بعدين اضيفي عليها لو تحبي دجاج يكون مسلوق من قبل افضل واسهل واهم شي تحطي لومي (ليمون اسود وفلفل اسود وملح ) ورشة كمون
بعدين قبل لاتطفي عليها اضيفي نص كوب كويكر وصبيها بالخلاط (من دون الدجاج)
واضغطي بس ضغطتين واحد ثنين مو تطولي تخرب :)


العجينة انا ماظبطها والمهلبية كمان خايبة فيها :)

بالنسبة للكباب سوي صوص على جنب اما طماطم وبصل او سلطة لبن بالخيار ورز ابيض



ولانسينا من دعوة ياعسل

ام عدنان مشكوورة حبيبتي عالوصفات ربي يسعدك ويوفقك ويتقبل طاعتك يارب زي مافدتيني
جعله الله فموازين حسناتك

المهلبية
لكل كاس ماء 2ملعقة كاسترد نص فنجان سكر و2 ملعقة حليب واخلطيها وحطيها على النار مضبوطة وخيال واذ تحبي النكهات ضيفي عليه روح الموز اذا سكرتي النار

عجينة فطاير راااائعة
كاس ماء فنجان سكر فنجان حليب ملعقة زبادي ملعقة خميرة ذرة ملح اخلطيها مع بعض وخليها خمس دقايق واضيفي 2كاس طحين واعجني مضبوط ثم اضيفي فنجان زيت
أخليها تخمر نص ساعة