ياحبيبتي ماعليك من الناس
هذا إحنا ماعندنا أولاد يقولوا ماعندهم ولا جابوا ولا ظفر ولد
الناس ماعندها غير الكلام
ماعليك منهم
وربي يحفظ لك بنتك ويمكن تكون هي البارة فيك وفي أبوها لما تكبروا
وإذا أحد إتلقف من الناس قولي في عيووني وعيون أبوها قممممر
وربي يرزق كل من يتمنى الذرية الصالحة

حبيبتي إنتي صعب تغيري الناس
لأن كل واحد وأصله
لكن
لاااااااازم إنتي تتغيري
واضح إنك طيووووبه بزياده
ومستهينين فيك
وإلا والله لوعاملين لك حساب ماقالو كذا مره وثنتين وعشره
حبيبتي
أبدآ لاتسكتي وتنطشي مثل ماقالو بعض الأخوات
أو تقولو تكبر وتحلى هذا معناته تأيديهم برآيهم
لا بالعكس
قولي بصراحه مايعلق على الأشكال
إلا شخص سخيف
ولاتكبرين السالفه كلمه ورد غطاها
وإرجعي عااااااادي سولفي ولاتوتري الجو
ولو شخص كبير وتحترميه زي ابو زوجك
قولي بكل أدب ماظنيت ياعمي إنت من بين الناس
تعلق كذا وقولي بمزح
وهذا وإحنا بغيناك بكره تجيبلها عريس ههههههههههه
يعني خليك نبيهه وقولي كلمه دق وكلمه مزح وإحرجيهم الكبير والصغير
ولو إستمر الحال
إرجعي قولي بصريح العباره أنا ماأحب حد يعلق على بنتي وماطلبت راي أحد
فلو سمحتم كل واحد يحتفظ برايه لنفسه

ياقلبي لولقينا لك رد مسكت على وحده بكره بيطلعو لك ألف
لازم إنتي من جوتك تتغيري
ولاتسمحي لأحد ابدااااااااا يعلق على بنتك
وتذكري إنها أمانه في رقبتك وصوني الأمانه وحافظي عليها
من كل ضرر
حتى الضرر المعنوي اللي أثره أشد ويدوم العمر كله
أنا متأكده لو تغيرتي راح تعرفي كيف تردي عليهم
إحترامي لك
وبوسه لبنتك القمر .

الحمد لله على العافيه اهم شي العافيه والصحه ولا كل شي يهون

حبيبتي والله وانتي تتكلمين كأنك تتكلمين عن بنتي والله اول ماجبتها الكل يقول من وين جايبينها سمرا وملامحها غريبة شيييييييينة لاعلي ولا على ابوها وانا وابوها بشرتنا بيضاء لكن هي سمراء والله كل من شافها يقولي ماكنها بنتك بس والله الحين بنتي احلوت مرررررررررررة بقدرة قادر الحين عمرها 5سنوات والسمار محليها اكثر اخوها الي اصغر منها اول ماجبته الكل يقول غطى على اخته بياض وزين بس والله العظيم البنت الحين احلى بكثييييييييييييير من الولد..
والله اول كنت آخذ في خاطري من كلام الناس حتى تخيلي يوم جبت الولد الكل يسأل أمي يقولون عساه ابيض مو مثل اخته وبعدين تعالي شوفي المقارنات الي تقطع القلب..بس والله الحين بشهادة الجميع ان بنتي احلوووووووووووووت والحمدلله وتعالي شوفي نظرات الإعجاب إذا شافوها لدرجة انها الحين ازين البنات الي في سنها في عايلتنا صح انها شوي سمرا بس والله زينها مغطي على سمارها

بعدين شيء طبيعي ان الطفل في مرحلة ماقبل السنتين ما تبين ملامحة بس بعد السنتين تبان ملامحة
انتي ياعمري لاتشيلين هم وادعي ربي انه يزين بنتك والله كريم..
آآآسفة على الإطالة ياعمري بس والله ذكرتيني بحالتي ..

اضحكي عليهم وقولي بكره تكبر وتشوفونهااا , وياويلك لو تجين تخطبينها لولدك ترا من الحين مرفوووض ماعطيك لو ولدك ينتحر
قوليها بثقه وبالفم المليان ولا يهمووونك