اهديها طقم عطور
مع ساعه ماركه

جزاك الله خير .

بس بنـات ابي هـدايا مميزهـ
مو تقليـــديـة ..

حسب ميزانيتك ياقلبي .. تقدري تختاري مجموعه من الهدايا وتحطيها بصندوق هدايا ..
مثلا تقدري تجمعي بين كدا حاجه .. افكاري كثيره وانتي نسقي بين الهدايا اللي تناسبك

اهديها كتاب طبخ منال العالم او ايباد 3 او جهاز جوال تحسي نفسها فيه او ليلتين في فندق فخم في نفس مدينتهم او مدينه ممكن يزوروها كمان تقدري تهديها بطاقه لمجموعه محلات الشايع فيها مبلغ معين وهيا تروح تختار بنفسها ( اغلب الماركات العالميه في المملكه تابعه للشايع او الحكير ) تقدري تهديها ساعه او شنطه ماركه تناسب ذوقها .. اهديها عنايه كامله بالجسم في منتجع سبا لو انتي في جده في منتجعات زي كدا او اهديها اشتراك في دوره لفهم الحياه الزوجيه في كتيير دورات ولمدربين معتمدين تقام خصوصا في جده او دوره طبخ او برنامج علاجي للبشره او الشعر في مركز متخصص .. يعني الهدايا مو شرط تكون عينيه دحين البنات فاهمين وتفكيرهم مختلف ويحبو الاشياء اللي زي كدا

عموما اختيار الهديه يكون حسب شخصيه صديقتك شوفي اي شي تحبو وشخصيتها كيف واهديها حاجه تناسبها ..

اهديها طقم عطورات لوشن جسم مع مزيل عرق مع مجموعة عطورات في صندوق واحد وغلفيه


وللمعلوميه رد العضوة خادمة مصلحة البلد يغنيكـ عن كل الردوووووووووود

ممكن من ضمن الهدايا :
1/ باقة ورد كبيييرة بحرفها .. وخلي ربطة الباقة بشريطة عريضة مطبوع عليها مبروك و ممكن بيت شعر على الشرايط النازلة :
ألف مبروك صاحبي وين ما كنت .. يزف لك نبض الخفوق التهاني
ألف مبروك كثر ما بي تمكنت .. كثر الغلا اللي في الضلوع المحاني



2/
صندوق اكسسوارت و مجوهرات و ساعات .. تلاقيها بسنتر بوينت أشكالها حللللللللوة غير اللي بالصورة ..
و فصلي لها تعليقة ذهب أو فضة حسب ميزانيتك ..تكون التعليقة بحرفها أو اسمها و نازل منها أرقام سنة الزواج أو تاريخه ..ارسمي التصميم اللي تبين و وديه لصاحب المحل أو قولي له فكرتك و بيساعدك ..
و ممكن حلق بنفس الفكرة .. و ممكن اسوارة اللي تجيك سلسال و نازل منه أشياء ظريفة مثلا: قلب و كعب جزمةو عروسة و وردة و تاج ..وحروف اسمها بعد ثم نزلي من ضمن الأشياء بحيث تكون قريبة من جهة القفل اللي يسكر السواره : دائرة فيها سنة الزواج أو التاريخ ..

3/إذا هي تحب نوع شوكولاتة معينة .. سوي لها مثل هالشكل عند محلات الكيك اللذيذ مثل سعد الدين و الشيف ..


4/  ممكن تشتري غرشة عطر كبييييييرة أهم شيء حجمها مناسب و فيها مساحة مستوية بحيث تقدرين توديها محلات اللي يطبعون عالأكواب و التيشيرتات و تخليهم يطبعون عليها بيت شعر أو أي كلام حابة تهديه لها .. و لو تقدرين تجيبين صورتها وهي صغيرة فيااااااسلاااااام .. اطبعيها عالغرشة.. و بتطلع تحفة خطيييييرة ..
و بعدين عبيها بعطر تحبه من نكتار أو زهور الريف أو محلات العطور الجملة اللي يأخذونها بالزواجات و يعبون منها التولات ..
و طبعا كلمي أو روحي للمحل إذا ينفع يطبع على الزجاج للعطر أو لازم خامة معينة مثل السراميك و كذا ..
و حطي الغرشة بعلبة كشخة مليانة ورد طبيعي أو مجفف ..




دعواتك (؛