دلوعه راشد
عنده ربع .....يمشي مع احد من ربعه؟ واذا عنده خلي ابوج يحاول يفهم منهم تغيره

انزين يوم ما يبي المدرسه شيسوي يقعد بالبيت ولا يطلع بالشارع


الله يهديه ويصلحه

:( :( :(

اليوم انحاااااااااش من المدرسة والحالة تزداد للأسوأ

:(

سويت شسوي ؟؟؟؟؟؟ ابوي مسافر

اختي دود
مشكورة يا قلبي


خلاص أمي اليوم أخذت منه الفلوس والموبايل ومفتاح البيت والجاري وحرمته من الطلعة وقالته كيفك بس رح أخليك تيي تترجانا كلنا عشان ترد المدرسة وتحس بطعم الحرمان

بس بصراحة بنات أخوي كاسر خاطري حييييييييييييل :( نفسيته متدمرة وجهه أصفر


ياربي شسوي ؟؟؟

اختي اخوك اذا ماكانت هذي حالته من الاول يعني التغير عليه جديد فهو واحد من ثلاثة امور:
1- عين او حسد ولازم تقرون عليه او تودونه احد يقرأ عليه
2- سحر يمكن من احد يكرهكم او احد يغار منه المهم تودونه لشيخ يقرأ عليه
3- حاله نفسيه وغالبا يصاب بها المراهقون وعلاجه تودونه طبيب نفسي
اتمني الشفاء لاخوك

السلام عليكم أختي شجرة الدر

الطبيب النفسي :( :( الوالدة رافضة هالفكرة خييييير شر مادري ليش

بس رح نشوفله أحد يقرا عليه لأنه مثل ما قلتي ماكان جذي والله أعلم بيلي صارله
واحنا والله ماقصرنا قاعدين نقرا القرآن بالبيت بس بنشوف شيخ أفضل
ومشكورة على مشاركتك

بصراحة أختي مشكلة كره المدرسة صارت منتشرة بين الشباب وخاصة المراهقين
ولكن أختي بما انها صارت مشكلة نفسية فأعتقد ان في سبب وأخوك مو قادر يقول لكم عنه
وبما انك قريبة منه حاولي تستدرجينه بالكلام
وانا وربي شاهد مابي أخوفك بس ظاهرة التحرش الجنسي صارت منتشرة في المدارس ويمكن
أخوك تعرض لمثل هالشي وخله نفسيته تعبانه وكره المدرسة

وطمنينا عليه
والله يوفقك ويوفقه إن شاء الله