هـــذا الـــمـــوضـــوع .. يُـــخـــاطـــبـــنـــي ..

هـــذا الـــمـــوضـــوع .. يُـــخـــاطـــبـــنـــي ..

مساء الخير والنور والسعادة والسرور ..

في بعض الأحيان لما أدخل المنتدى؛ فيه عناوين

تلفت انتباهي .. تجذبني .. وفي نفس الوقت تسعدني

جداً قراءتها خصوصاً إذا كنت مظايجة أو في خاطري

أي شي مكدرني .. أحس الموضوع سبحان الله من عنوانه

وكأنه موجه لي .. فيه إرشاد .. نصيحة .. تجربة واقعية

لإحدى الأخوات .. وبمجرد انتهائي من قراءة الموضوع

أحس بانشراح في صدري .. راحة .. تفاؤل ..

المهم أن الشعور السلبي اللي كان مكدِّر خاطري شوي

شوي أحسه ينزاح من صدري .. طبعاً مثل هالمواضيع

بالنسبة لي أحفظها في المفضلة .. أو .. أتذكر العنوان

وأبحث عنه متى ما احتجت لقراءته ..

يا ترى هل فيه مواضيع معينة حسيتي أنها موجهة

لج عشان تريحج وتبدد القلق والحيرة اللي كنتِ تحسينه

قبل قراءة الموضوع .. تراها نعمة من الله تكونين في عز

الضيق والكدر وتدخلين المنتدى ومب شرط منتدى عالم

حواء؛ أي منتدى ثاني وتحصلين موضوع وكأنه رسالة

من الله سبحانه عشان يفرجها عليج .. أتمنى من كل عضوة

صادفت مثل هالمواضيع أنها تحط رابط الموضوع لعل الله

يجعلها سبب في تفريج هم .. حزن .. كرب .. تعاني منه

أخت لها في الله .. وسلاااامتكن ..