انا ارهقتنى الهدايا والله لخبطت ميزانيتى لدرجه ما اشتريت شئ لنفسى

ما خلينا احد من كبير الى الصغير اطفال شغالات

امشكلتنا نستحى من الناس

اشتريت للكل شنط ومحافظ والاطفال ملابس

والشغالات حجاب وبلوزة
صح التسوق رخيص فى اندنوسيا بس م مرة

يعنى فستان اطفال ب 40 ريال هنا ب 60 ما فرق

هذى المرة قلت ما راح اجيب شئ ابدآ خلاص يكفى الى جبناة
الهدايا المفروض تكون رمزيه

احنا شنطتين هدايا كل احد يودعنا يقول لا تنسوننا يقولون صنادلهم حلوة
والثانيه تقول ما اوصيكم الشنط يقولون رخيصه
والثالثه تقول جيبى ادويه والرابعه والخامسه
يعنى خجلووووووووونا .. الاهل يستاهلون الهدايا اكيد

بس احيانآ تكون خربطه على الميزانيه
اندنوسيا حلو المولات بس والله غاليه

انا انصح تجيبين للكل محافظ
حلوة وجودة وتعتبر رخيصه وشيلها سهل فى الشنطه

حبيتى انا اقول لاتجيبين لاحد الاامك وابوك بس فكى نفسك الميزانيه حقتكم يادوب تكفيكم روحى انبسطى واستانسى ترى اذاقعدتى تفكرين فى الهدايا بتصير روحتك تقضى ولهف مين ترضين ومين يستاهل الهديه الغاليه والرخيصه ولو بتجبين ماراح يرضيهم

الله يسعدكم كلكم يارب والله يجمعني بكم في جنات النعيم
وحاخذ بكلامكم عين الاعتبار طمنتوني وريحتوني الله يريحكم
وبأحط جهدي حسب مقدرتي

نصيحة اذا بتاخذين هدايا روحي سوق منقادوا الشنط فيه روووعة واسعارها رخيصة

والساعات بعد خيااال بس عليك بالمكاسر لانهم ينزلون احياناًً اكثر من نص السعر

أنا العام رحت اندونيسيا و ارهقت نفسي بالهدايا خصوصا انها كانت السفره الأولى , وتقريبا نفس عدد العيله كانو حوول الـ 30 شخص وللأسف مرره قريبين مني ماكنت اقدر افوت أحد لأنه بنجتمع بنفس المكان دائما .. فـ شوفي التقسيم كيف كان : اشتريت للأطفال تحت سن ال 3 سنين فساتين حلوه ورخيصه وتنفع للعيد لأني رحت في شعبان فاوفرت على اهاليهم يشترو فساتين العيد خخخ واسعارها طيبه كانت بحدود 20 الى 50 ريال وحلوه و تدووم بعد الغسل وكمان جبتلهم شباصات واطواق .. البنات إلي بعمر 5 سنين وفوق شكلت بفساتين كمان وساعات هالووكيتي واساور وكمان رخااص ..البنات الصبايا الي بعمر المراهقه كان الهدايا على بلوزه وحده و محافظ جوالات و سلاسل في بنهايتها مرايا ..الكبار زي ماما و اخواتي شكلت من عطور و ناس صنادل و ناس شنط كلن على حسابه ايش يحب ,, نجي للشباب مثلا بابا الله يسعدو اشتريت له جزمه شرقي و عطر عوده و اخواني بلايز يجي مكتوب عليها المدينه مثل/ بلايز مكتوب عليها جاكرتا او انشول او باندونق يعني تعرييف بالمنطقه وحلوه تي شيرتات بارده واسعارها جيدهـ بحدود 30 ريال ,, اما الشباب الي بعمر ال 20 وطالع (الشباب الكوول) هههه اشتريت تي شرتات حلوه عليها صور وزخارف مرره رايقه وبألوان فرايحي و الي اشتريتلو اشياء خاصه بالجوال مثل كفرات للبلاك بيري تجي منقوش عليها رسومات وبعضهم محافظ ماركات بس تقلييد تكون رخيصه و ميداليات ....
يعني كفييت ووفيت بصراحة والأسعار مومرره غاليه يعني حاولت انووع ناس اجيبلهم رخيص و ناس غالي لأنه بصراحة مايبين و الأولاد مايفرقو , الغالي بس كان لأخواتي والقريبين مرره مني او يفهمو بهالشي اما البقيه يفرحو بأي شي والشغالات كانو 2 جبت لوحده البندانه إلي يلبسوها تحت الحجاب تجي مطرزه وشيك بالنسبة لهم و كمان التانيه جبتلها بلوزه من سوق رخيص الي تجي طويله وفيها الوان كتيره (يحبوها مره الكل لابسها هناك ) .. اهم شي تعرفي الأسواق الرخيصه و تجيبي منهم وتكتبي كل واحد بعيلتك ايش اهتمامو لأنه راح يفرح بالهديه اكتر من شيء مايحبو وبكذا ح تكوني خسرتي تفسك ..بالتوفيق و سفرهـ سعيدهـ