توتو206 @toto206

عضوة فعالة

هــــــــل أنا مجرمـــــــــه ؟؟؟ عــــشاني ما حملت ؟؟

السلام عليكم ورحمه الله وبركاته ..
هل انا مجرمه عشاني ماحملت ؟؟؟؟؟
طيب اذا الجواب بلا .. ليه الكل يعاقبني ...والله وبالله وتالله ...انه لا نومي نوم ولا اكلي له طعم...
وجهي شاحب اصفر واضح عليه الهم ...
انا ياخوتي معلمه ... وتعرفون مجتمع المعلمات ...كل سواليفهم عن الحمل و الولاده .. والاطفال ..
طبعا طول الوقت سااااااكته اسمع واتحسر ... اذا جيت اشاركهم ...نطن بوجهي : وانتي وش عرفك ماجربتي
طيب اعوذ بالله الواحد مايقول معلومه ... ذا ك اليوم تقوم وحده : العام حملت فلانه وفلانه ...الخ وهالسنه دور فلانه وفلانه وفلانه .... الخ .. طبعا انا ماقالت اسمي ... وانا بينهم ... تدرون ليه : غاسلات ايديهن مني ....
تجريح عينك عينك ....وكله كوم واذا اجتمعن وراحن المقصف كوم ...عشان يشرن لاطفالهم ... لازم يحرجووني تدرون ماعندي احد اشريله ليه الاحراج ....؟؟

طبعا هذا في العمل اذا جيت البيت زوجي مايقصر يقولي كلام يقصم الظهريقولي : أنتي كئيييبه و الحياه معك ممله ؟؟؟؟:(
ويطلع ويدخل على الصامت ...ماله نفس حتى يناظر وجهي ... طيب ليه .. انا وش سويت عشان الكل يحااربني
يااربي هل أنا مجرمــــــــــه ؟؟؟
اجل انا وش اقول الي كل هالضغوط علي ....والنفسيه الي الله يعلم بها ...
يا بنات هل انا فعلا ...مجرررررمه ؟؟؟؟

يلزم عليك تسجيل الدخول أولًا لكتابة تعليق.

تسجيل دخول

yasmona • 15 سنة

لا حول ولا قوة الا بالله
حبيبتي فوضي امرك لله
واحتسبي واصبري ان الله مع الصابرين

http://forum.hawaaworld.com/showthread.php?t=1965558

!سماء! • 15 سنة

كبري عقلك
انتي اللي والله حساسة

يا اختي ربي ياخذ ويعطي حطيها ببالك

حرمك ربي من العيال لا بد وينحرمون من شي مو لازم انتي تعرفينه

احب سوسو • 15 سنة

الله يعينك اختي ويرزقك بالذريه الصالحه
بالنسبه للهم والله مالبيد حيله كلنا في الهواء سواء ولا لنا غير الدعاء
رغم انه عندي ولد لكن سبحان الله الشوق للحمل والولاده غريزه ماتسكن ابد..

القلب الكبير..؟ • 15 سنة

قولى الحمد الله على العافيه كلنا زيك بس وش نقول الحمد الله على كل شى

توتو206 • 15 سنة

انا ما يذبحني .... الي يقول انتي حساسه ..
انا ماني حساسه ....انا عنجد اعاااني ماني حساسه
جزاكن الله خير ياخواتي