هـــل أنـــا عــــانــــس ؟؟؟؟

..
..
..



بسم الله الرحمن الرحيم ...



والله العظيم اني ترددت كثير قبل اكتب لكم .. لكن قلت من باب الفضفضه .. ومشكلتي اهوّن بكثير من المشاكل اللي دايم اقرأها هـنا ( الحـمدلله ) بس حبيت افضفض واطلع اللي بقلبي لكم :(

.

انا يوم كان عمري 18 تراددت مع اختي اللي اكبر مني وقالت لي روحي بس يالعانس !!!!!!! .( والسبب انها هي تزوجت لما كان عمرها 18 ويوم صار عمري 18 وانا ماتزوجت اعتبرتني عانس). لدرجة انها الى الحين اذا شافتني توني صاحيه من النوم وشكلي حوسه قالت ووووووووع من بيـآخذها هذي ؟ من بيرضى فيها ويتزوجها ؟ روحي روحي بس لـ محمد ( سـواقنا ) خليه ياآخذك وزين اذا رضى فيك بعد .. كفووك على مستواك !!!!!!!!!!!!!!

.

مع اني مملوحه بقـووووووة ( وهذا مو رآيي رآي كـل اللي يشوفوني ) ..

.

وهي متزوجه صار لها 5 سنوات وزوجها له اخو اصغر منه .. واكثر من مره امه لمّحت لآمي انها تبيني له بس انا رافضه ( ماابيه عشان مايصير فيه منافسه او خلافات بيني وبين اختي )
.

المهم .. مره كانت اختي عندنا واتصلت ام زوجها على امي .. امي يوم شافت رقمها قالت لآختي هذي خالتك يؤيؤ لآتكون بتخطب اختك .. قالت واذا خطبت اختي بتوافقون ؟؟ قالت امي ماندري عن اللي الله كاتبه .. قالت والله ثم والله ثم والله اذا وافقتو على اخو زوجي والله لآاخرب سمعت اختي عندهم عشان يكنسلون الخطبة !!!!!!!!!!!!

.

وربي مدري وش اسوي مع آختي مدري ليه تكرهني ودايم تجرحني وتتعمّد تحرجني عند الناس وتبي اي شي تمسكه ضدي ودايم تقلل من قيمتي .. والله العظيم اني احبها واموت فيها ولا عمري فكرت اجرحها ...

.

ومره كانت قاعده تسولف تقول : انا عندي ان البنت اذا تعدت الـ21 خلاص تصير عانس !

.

والحين انا توني داخله بالـ20 وربي يابنات خايفه ادخل الـ 21 وانا ماانخطبت عشان ماتقولي اختي يالعانس مره ثانيه .. ((( قالت لي يالعانس وانا بالـ 18 اجل لو ادخل الــ21 وش بتقووووووول ؟؟؟ ))) والله العظيم يابنات اني مو مستعجله على الزواج بس كلام اختي خلاني اقول يارب اتزوج عشان ماتعايرني :(

.
.

يابنـــات تكـفـــوووون (((( ســـاعـــدونـــي )))) وأدعــــوا لـي بظهــر الغـــيـب أن ربــي يــرزقـنـي زوجـآ ذا ديـنٍ وخـلقٍ ومـالٍ وجمـال (|| عـاجــلآ غيـر آجــل ||) وآن يـجـعـلـنـي مـاء عـيـنـه ودم قـلـبـه ودفـئ حـيـاتـه ويـسـعـدنـي مـعـه ولايـشـقـيـنـي إنـه عـلـى كـل شـيء قـديـر ..

.
.

..__( سبحانك اللهم وبحمدك أشهد أن لاإله ألا أنت أستغفرك وأتوب إليك )__..


..
..