هـــل اهــدالــك زوجـــك هـــديـــه يـــومـــا مــا.......

الحال من بعضه حبيبتي بس انا ناقشت هالموضوع معه قلت المفروض تجيب لي هديه من وقت للثاني زي كل الازواج 00000000 تدرين وش قال 000000000 قال انا انزلك السوق واللي تبغيه خذيه واذا ناقصك شي قوليلي واجيبه بس هدايا ما شوف لها داعي 0 عاد انا خلاص تعودت على طبعه 000 مشي بس بالطول بالعرض الحياه تمشي 0 الله يسهل علي وعليك

الرجال مثل بعض مايهتمون بالهدايا زينا يالحريم ....واحيانا انا المحله انه نفسي في هديه ...:hahaha:

انا احب الهدايا
بس تصدقين عاد هدايا الرجال يمكن تكون تافهه بنظرنا لكن هم يعتبرونها هديه
مرة جايني بعد صلاة الجمعة ومبسوط متشقق يقول جبت لك هديه..
واشوف تنكه<<مدري اذا تعرفون التنكه بس زي الي بالصورة

لكن ماعليها ستكر ولاشي مو مبين وش فيها هههه
قلت يمكن يستهبل علي وبداخلها هديه صدقية بس فتحتها ولقيت بداخلها قرص عقيلي مرة طارت عيوني وش ذا هذي هديه؟؟!
وجلست افكر ماقد قلت اني احب قرص العقيلي ولاجبت طاريه بشي!!
بس قال عشان تفطرين عليه بدل الكورن فليكس :(
<<<قصمان يعني وش ارجي منه هدية الا كليجا او قرص هههههههههه

اكثر من مرة يسوي زي كذا هالحركة يجيب شي مااصدق انه هديه
او يقول لي بطلع فيك مشوار وانصدم من المشوار احسه مايستاهل ههههههههههههههههههه
والا يقول نتعشى سوا على بالي بياخذني مطعم او شي ولكن يجيب فلافل ويجي للبيت

يعني الرجال مو زينا :o يهدون بطريقة غريبة.........

ترى أغلب الرجال كذا

مثل ماقالت ##ام الهنوف##

لا تزعلين ولا شي أعرف رجال مغرق زوجته بالهدايا عشان بس تسكت ولا تعمل مشاكل

ومع ذلك الله يهديها دايما بمشاكل وياسبحان الله لسه مغرقها هدايا :D

يعني أقصد من كلامي مادام الحب موجود تغاضي عن الهدايا

أي أهم ... أكيد الحب أهم

ويمكن ضروفه الماديه ماتسمح

ترى اللي عندي نادرا مايجيب هديه .. في بداية زواجنا بسبب الضروف المادية ... وبعدين أبد

تمر الأيام والمناسبات عيد زواجنا عيد ميلادي ذكرى خطوبتنا ولا كأن صاير شي

ويوم اني تكلمت ...

يروح في نفس اليوم او الاسبوع جايب لي هديه ..... طبعاً مايصير لها طعم لأن كأني أنا اللي طالبتها

يا عطر ... يا ورد يعني ... انا عارفه الهديه بمعناها ولكن كأني أنا اللي طالبتها مثل ماقلت :06:

وحلو مره بالغلط لو يجيب شي مفاجأة لكن ماهي مشكله خلاص تعودت مثل ماقالت الأخت

ويمكن أنا السبب راعيته في بداية الزواج وتعود

الله يخليه لي ويحفظه ويرزقنا الذرية الصالحه وهذا اهم شي

وترى أختي إذا تقارنين بينه وبين زوج أخته او فلانه وزوجها مهما جاب لك راح تحسين انه ولا شي

مثل وحده من قريباتي كل يوم والثاني تقول لي ايه اختي فلانه زوجها جاب لها هديه كذا وكذا مو حظي اللي جايب لي بس خاتم

الله يسامحها شوفي كيف الخاتم مو عاجبها من المقارنه مع انه زوجها مرااااااات يهديها طقم ذهب ومراااااات كثير تذاكر سفر تخيلي يعني

ماشاء الله عليه دار فيها تقريبا في اوربا و مره في استراليا و ماليزيا وغيره كثير لكن الانسان طماع مايملي عينه غير التراب

الله يجزاكم خير على الردود

صدقتو اخواتي الهديه اذا جت من غير نفس ماراح يكون لها طعم حتى لو كانت من اغلى شي

انا قصدي من الهديه اذا جابها لي تعوده على العطاء مو تخليه يبخل علينا وعلى عياله

ابي اذا رحنا نزور اهلنا يكون في يدينه شي اذا دخل على امه وابوه يكون جايب لهم شي معه موشرط الهديه عطر او طقم او شي ثمين على الاقل شي يفرح البزران ويكون من نفسه

مشكورين على المرور