PINEAPPLE :

الموضوع هذا يعبر عن شريحة محدودة جداً... لأن الواقع يقول إن الأغلبية العظمي من موظفي وموظفات المستشفيات متزوجين ومعيلين وما عليهم خلاف... أعتقد كل شخص رفض الشغل بالمستشفيات وتعامل مع موظفي القطاع الصحي بإقصائية من واجبه إنه يجاوب علي سؤالي..( والحل؟) ليش حنا دايماً نناقض نفسنا؟ نفس الحرمة اللي رافضتنا ..ممكن تأجل موعدها مرة وإثنين وثلاثة إلين ما تحصل حرمة زيها تكشف عليها والشي هذا صار معي أكثر من مرة..وكثير فضلوا يستنوني شهر وشهرين لين ما أرجع من الأمومة ولا دخلوا علي الرجال! وفيه منهم تجي ولما تشوفه رجال ترجع... نفس الرجال اللي ينتقدنا ويعمم علينا بأننا وأننا...يصر إن محارمه ما يدخلون علي رجال... وبنفس الوقت يزعل لما أقول له أستني برا..زوجتك تدخل لحالها... أنا ما أدخل رجال عندي بالعيادة...! مع إن دخلته مالها أي داعي..لكن بنظرهم خلاص اللي تشتغل بمستشفي كل شئ عادي عندها! وش هالأزدواجية... كل قطاعات المجتمع فيها الصالح والفاسد... الفرق الوحيد بينها وبين القطاع الصحي إنه بالمستشفيات كل شي مكشوف...المحترم معروف والخفيف والفاسد معروف... ونفس الكلام ينطبق علي البنات... علي الأقل... لما يخطبك موظف مستشفي وتسألين عنه..بيكون معروف بمكان عمله هل هو محترم ولا منحرف علي الأقل من ناحية الحريم... بس طبعاً..مجتمعنا النجدي المحافظ ما يعترف بالصراحة والوضوح... مجتمع معليش سووا كل شئ بس لا يدرون الناس..أهم شئ الواجهة الإجتماعية ما تنهز... غطي مرتك بالرياض و خلها تفتش برا أهم شي ما يشوفها سعودي ولا واحد من الجماعةَ!َ للأسف ما أحد أشتكي من هالشي إلا حنا وكأن ما فيه إسلام إلا عندنا!

الموضوع هذا يعبر عن شريحة محدودة جداً... لأن الواقع يقول إن الأغلبية العظمي من موظفي وموظفات...

أغلى وصال :

أقول يا بنات خلوكم من التقييم الغللللللللللط ليه ينرفض الشاب اللي يعمل في مستشفى ؟؟ عشان الاختلاط ؟؟ و ربي إنه خطأ تقييمك يا حلوات . الفتنة في كل مكان و الحريم في كل مكان و الصائعات في كل مكان فليه أخربط الموازين ؟؟؟ عاد تدروووووووون إن : : أصيع الموظفين من ؟؟ هم العسكريين و المدرسيين ........... و لا تجيني وحدة تقول لي مقولتك غلط .. لأنها صح مليوووووون %100 .. معروف أغلب المدرسين و العسكريين ما عندهم إلا الدجة .. على الأقل أغلب موظفين المستشفيات مرهقين بعملهم المتواصل و دراستهم الشاقة .. فيه شيء يشغل فراغهم .. مو مثل غيرهم ساهي لاهي ..

أقول يا بنات خلوكم من التقييم الغللللللللللط ليه ينرفض الشاب اللي يعمل في مستشفى ؟؟ عشان...