زمن الأصدقاء الأوفياء خلاص راح من زمان.........

انا اللحين مصادقه نفسي .......

شـتــكــي لــوســادتــي دنـــيـــاي واسـمـعــهــا تـــنـــوح ....كنهـا بعـضـي وبعـضـي ويـنـه هــو مــن هــو مـعـه
وراس مــالــي ذكــريـــات وحــلـــم وامـــــال وطــمـــوح .....لاصــــديــــق و لا رفــــيــــق و لاطــــريــــق اتـــبـــعـــه

ماعندي صديقات كل الي عندي زميلات وانا من النوع الي ماأثق في احد حتي ايام الدراسه ماكنت احب اغيب لاني احس ان البنات مايكتبون كل المحاضرات ولا اثق فيهم خخخخ مدري وش احس فيه

للاسف بهالزمن نادر بتلقي صديقه وفيه وخاصة بالنساء لانهن ماتأمنينها على شي ابد ابد

ونفسي هي صديقتي وما اشكي الا للي خلقني

واذا ابغى افضفض من شي ضايقني فأتكلم مع زوجي ياربي تخليه وتحفظه لي

لي صديقة اكتشفت اني جعلتها اخت لي
اخبرها بكل شيء لاجدها لا تخبرني الا بالقليل

امحق صداقة وانا اعدها اخت
وما زلت بس ياليت اتعلم

شكرا لك ولموضوعك الحلو

أخت فزاع ليش هذه النظرة التشاؤمية...صدقيني الدنيا ولله الحمد بعدها بخير وأهل الخير فيها وااايد بس الشيء محتاج وقت لا أكثر ولا أقل إذا صادفتي أي شخصية عطيها فرصة حاولي تتقربين منها يمكن تكون فيها كل المواصفات اللي تتمنينها في صديقتك...صدقيني الحمد لله بنات الحلال وااايد أنتي بس اتخلصي من النظرة السوداوية اللي يمكن هي السبب اللي خلتك ما تكونين صداقات...حبيبتي هذا رأيي وأتمنى ما أكون ثقلت عليك...أسعدني مرورك يا الغلا...



حكاية حلم الله يهديج أنتي الثانية الحين بس عطيت أخت فزاع محاضرة طول بعرض صدقوني الدنيا بعدها بخير وبنات الحلال اللي تستاهل صداقتك بعد وايد والدليل على كلامي :biggrinlo:biggrinlo:biggrinlo أنا مثلاً من بنات الحلال...أسعدني مرورك يا الغلا...



بنك الفلوس والله ردك وناسة ما تغيبين عشان ما تثقين في البنات يعطونك ملخصات المحاضرات...بس تدرين والله عندك حق البنات في الدراسة أعوذ بالله من غضب الله أحزاب اللي عندها معلومة عن الامتحان أو ملزمة فيها تلخيص للامتحان من حسدها بس تخبر صديقاتها عضوات الحزب أذكر أيام المدرسة إذا المعلمة عطت بنت ملزمة تلخيص للامتحان وخبرت بس صديقاتها ونحن ما ندري إلا بالصدفة إذا الله أراد يفضحها وتطلع الملزمة صدقيني من أشم خبر أن فيه شيء يخص الامتحان وتم التحفظ عليه أقل وصف أقدر أقوله تصير حروب داحس والغبراء...أنا مش شريرة بس ما أحب الأنانية وحب الذات...الحمد لله أيام وعدت سامحيني وااايد بربرت على راسك...أسعدني مرورك يا الغلا...



أرجع وأقولك الدنيا بعدها بخير وإن شاء الله ربي يوقف بنات الحلال اللي يستاهلن صداقتك في طريقك وربي يحفظ صديقك اللي هو زوجك ويجمع بينكم على خير بحول الله وقوته إنه على كل شيءٍ قدير...