هلا بمدرسات الانجلش..مرحباَ بلغالياااااااات..ابيكم بكلمة راس؟

هلا و الله بالغايبه عن منتدانا

الله يعينك ويوفقك ترى السنه الجايه بتقولين الله وين ايام التربيه العملي والكليه

<<<<<<< كذابه:01:

المهم انا باشرح لك الدرس اللي شرحته وجاتني الموجهة فيه والله العظيم انه الدرس اعجبها وقالت انه درسي ممتاز علشان كذا باعطيك ياه

وعلى فكره اسلوب الاستاذات في الكليه غير اسلوب المدرسات في المدرسه:23:

والله كنا نعاني كل واحده لها طريقه :29:

وحتى استاذات الكليه كل واحده لها اسلوب وكم عانيت منها لانه اسلوب مشرفتي في المتوسطه غير اللي في الثانويه وكلهم طبعا من كليه واحده :06:



ملاحظه من مجربه:
مو لازم المظاهر والوسائل الكثيره والشرح يكون اي كلام اهم شي لغتك لغتك لغتك تكون سلييييييييييييييييييييييييييييييييمه من الاخطاء وانت تتكلمي ولا تتكتبي هذا بيرفعك في عيون الجميع :41:
وكمان حاولي اسلوبك في الشرح يكون بسيط يعني لاتتفلسفين كثير وبسرعه ترى الطالبات مساكين ماراح يلحقوا:42:


الدرس اللي باقول لك عليه في الوحده الثالثه الدرس الرابع عن المدارس

اول حاجه مراجعه سريعه للدرس اللي فات بعد طبعا ماتحلين الواجب بسرعه معاهم

وتكون المراجعه بابرز الاسئله

Revision:
1- How many Kinds of schools are there in KSA and Britain?
2- At what age can children in these countries start school?

So We took school in Britain & we know school in our country but we have no idea about school in USA ( it means America



ونبدأ الدرس بعد هذه المراجعه و تطلبين منهم فتح الكتب بعد ذلك

1- تطلبين من اي واحده انها تقرأ الموضوع
2- تكون عندك صورة لطلاب متخرجين و تأشرين على صورة في الكتاب وتسألين
what 's happening?
they are leaving school or graduating
وتقدمين كلمه graduate طبعا تورينهم الصورة للمتخرجين وتقولين لهم معنى الكلمه بالانجليزي وتخلينهم يكررونها وبعدين تكتبنها على السبوره

3-بعدين تأشرين على الصورة في الكتاب الاولاد اللي يتمرنون علشان تقدمين كلمه ( مادة التربيه البدنيه ) PE
can you see the picture?
these are kinds of sports

وتشرحين معناها بالصور وانها ماده تعلم دروس رياضيه وتكتبين الكلمه

4- تأشري على اخر صورة طالبتين ماسكين شهاداتهم وتقولي
what are they holding?
they are holding certificate or diploma
طبعا وتقدمي كلمه diploma


***********************************

تقريبا الان قدمنا نصف الكلمات والان نبدأ في الدرس ولا تنسين انه هذا درس قراءه يعني الشغله اللي فوق كلها لازم تاخذ منك ربع ساعه اكثر شيء
انت الان تكوني مجهزة لوحه عليها الاسئله ( طبعا هذي اللوحه معايه طول التربيه العملي للاسئله والتمارين )
الاسئله هذي تخص درس اليوم من كل قطعه تخرجين اهم سؤال ولا سؤالين وتكتبينها في اللوحه

*********************************
then i ask them what do you think we want to know about schhol in USA
So we should read these questions then answer them from the passage

وضعت 7 اسئله
بعد القراءه للاسئله تسألينهم الاسئله المعتاده في كل درس قراءه ( كم عدد القطع ؟ كم عدد السطور؟)


/////////////////////////////////////////////////


قبل كذا اشرح معنى كلمه

in general تعني usually

++++++++++



بعدين اقولهم ان القطعه الاولى تتحدث عن انواع المدارس وابدأ اقرأبصوت عالي قراءه نموذجيه وبعدين اسالهم حسب الدروس الماضيه ماهي انواع المدارس في السعوديه ؟
طبعا اقولهم انه في امريكا نفس الانواع لكن بمسميات مختلفه
elementry school
junior high school
high school

وحاولي تشرحينها لهم بطريقه سهله يعني تكتبنها على السبورة وتقولين
primary = elementry
وهكذا وطبعا كل كلمه من الكلمات الجديده تكوني مسويتها فلاش كارد
وبعد الشرح تقولين يجاوبون على اول سؤالين المختصي بالقطعه الاولى

//////////////////////////////////////////

القطعه الثانيه اطلب من كل طالبه قراءه جمله جمله بعدين اسألهم عن ماذا تتحدث ؟
واسألهم اذا فيه كلمات جديده او صعبه عليهم واشرحها زي كلمه Spanish واشرح الكلمه ثم اكتبها على السبورة
( على فكره في كل قطعه تسألينهم اذا فيه كلمات صعبه وحتى لوكانت ماهي جديده واخذوها من زمان تكوني مجهزة نفسك للرد والجواب عليها باللغه الانجليزيه صحيح ماهو لازم فلاش كارد الا على الكلمات الجديده )

بعدين نجاوب على الاسئله المختصه بهذا البراقراف



////////////////////////////////////////////


اروح لاخر قطعه واسالهم اذا كانت راح تتكلم عن الاختبارات ولا لا؟ واطلبهم يقرأون قراءه صامته علشان يجاوبون على الاسئله المختصه الباقيه

وبعدين اسألهم فيه كلمات صعبه ...... راح تكون فيه كلمتين جديده percent اجيب لهم صورة العلامه % يكونوا عارفينها


وعن كلمة course

اقول لهم لاحظوا في السطر 19 متى استعملت ؟ بعد English

يعني نقول (Arabic, religion, science ................. courses
course= group of lessons

وبعدين يجاوبوا على الاسئله الباقيه

/////////////////////////////////////////////


كذا يكون انتهى الشرح باقي تشوفي فاهمين ولا لا ؟ طبعا انت اثناء الدرس وجوابهم على الاسئله اللي على اللوحه راح تعرفي
لكن اسئليهم بعدين كم سؤال من عندك بصيغه سهله
Are there two schools in USA?
Do students take exams when they leave schools?


*********


بعدين تسألينهم عن بعض الكلمات الجديده يحددون في اي سطر وجدت وهذا يريك مدى قدرتهم على القراءه السريعه والملاحظه



********

وعشان تعرفي تحقق الهدف من الكلمات الجديده تكوني مجهزه على اللوحه هذا التمرين ونفس التمرين طبعته في اوراق صغيره وزعته عليهم علشان الكل يشوف ويجاوب

هذا عشان تشوفي قدرتهم على الحفظ والكتابه وهذا التمرين ينفع لأي درس فيه كلمات جديده خصوصا درس Word Study
التمرين:
Substitute the underlined words with another that has the same meaning :

1- Usually, quiet classes ar better than noisy ones.
2- Mary leaves high school with a certificate.
3- Ali likes lessons in sport and health very much.

الحل:
1- in general
2- graduate , diploma
3- PE التربيه البدنيه

طبعا هذا التمرين تعبوني على بال مافهموه المره الاولى لكن لما جاتني الموجهه في الدرس هذا خلا ص صاروا متعودين عليه وما تفشلت:42:

الواجب اسئله من نفس الدرس وزعي عليهم الأوراق الليتكوني طابعتها عشان الحصه ماتروح وانت تكتبي اسئله الواجب على السبورة وتكون ثلاث اسئله هامه

وخلاص

ملحوظه صغنونة:
طريقة تقديم الكلمات تختلف من واحده لاخرى يعني لما سألت قالوا بعضهم يحبذون انك تقدمين كل الكلمات الجديده في اول الدرس وناس قالوا لا كل كلمه في وقتها عشان يخمنون المعنى

وانت يا حلوه لك اسلوبك وطريقتك والله اني ما كنت اعتمد على دفاتر البنات وكنت احضر من نفسي عشان اعتمد على نفسي وكنت اسأل معلمات المدرسه واستاذتي في الكليه عن طريقه شرح الدروس اللي تصعب علي وكيف ابدأ وايش الطرق يعني كنت ما اخلي في قلبي شيء واذا جيت البيت نظمت كل شيء واهم شيء تخلصين النيه وتسمعين كلام المشرفات وتطبقين اللي يقولونه .......

هذا اللي عندي وسلامتك :27:

معليش اسفه على التأخير لكن ماعندي كتب بس عندي دفتر التحضير فجالسه اتذكر وان شاء الله المعلمات هنا يفيدونك زياده بالطرق لانهم اكثر خبره وانا قلت لك عن تجربتي فقط

يسعدك ربي دنيا واخرة قولي امين


نفس الدرس والمشرفة قد تشرف غدا


ياربي تعينين بنفس المدرسة الي جنب بيتكم


جزاك الله الف خير


عن جد قربت ايأس

وجيت وفرحتني

الله يفرحك باخرتك ودنياك

الفففففففففففففففففففففففففففف شكررررررررر

ومن جد انتي اكثر من اخت بهالمنتدى

مشكورة
باسوي طريقتك بس بتغييرات شوي

الله يحفظك واهلك

امين

لكن طمنيني عليك ايش صار:26:

الحمدلله
تسلمين
تبين الصراحة
المشرفة طلبتها ماتحضر والله يسلمها وافقت
ليش؟؟
لان في امتحانات والوقت مقتطع من الحصص

الله يعدي باقي الايام على خير

رمضان+وقت قليل+طالبات ما عندهم ماعن جدتي
الله يعين بس

الف شكررررررررررررر
اقين
give a kiss to ur daughter ihope she is fine

الله يعينك على الشرح في رمضان والله العام لحقت من رمضان ثلاث حصص جابولي الجنان فيها الين حنت علي مدرسة المدرسة واعفتني من الرابعه

لكن ان شاء الله المشرفات يقدرون وضعكم السنه هذي لانه فعلا الطالبات مايقدرون والله حتى في رمضان قلة ادب

ونصيحه حاولي تاخذين فصول في العلمي لانه والله اني في المنفصل دخلت لادبي وعلمي وفرق بينهم زي اللي بين السماء عن الأرض

ويختلفون من مدرسه لاخرى

وبنتي الحمدلله بخير ........

وباسالك سؤال انت من وين ؟؟؟