هلا حبايبي ممكن مساعدة بانسبة south ampton

الأخت الغالية انا ساكنة في هالمدينة من 3 سنوات بحكم الدراسة بجاوب على إسالتك بالترتيب
-بالنسبة للسكن اذا تبغين فله كاملة بتلاقين وسيعة ودورين مع الحديقة والسعر يبداء من 650 باوند لاني ساكنة فلة بهالسعر في منطقة شيرلي وانت اذا جيتي بتروحين مكتب عقار وكل المكاتب موجودة في شارع اسمة اوكسفرد سترييت ,اما اذا تبغين شقة على البحر بتكون صغيرة بس الأثاث فخم وبتكون غالية وأنا راءي انك تاخذين بيت كامل احسن واوسع اذا طبختي ماتمتلي الشقة بريحة الطبخ والحديقة تفيدك بالغسيل واذا عندك اطفال.وعلى فكرة هنا النضام ماياجرون باقل من 6 شهور يعني لازم تقعدين 6 شهور اقل شي والشقق اللي على البحر تاجر بالاسبوع بس نار شابة الاسعار.
-بالنسبة للحجاب ابد والله محد حولك لان المدينة مليانة باكستانيات مسلمات ومتغطين بعد فلا تهتمين المدينة هادية وماهي مثل لندن وفي مسجد كبير والكل يصلي فية الجمعة
-بالنسبة ونيسة هي ونيسة وفيها حدايق وفيها ملاهي اطفال وفيها الستي سنتر وفية السوق وسوقها ترى حلو يعني يجون من لندن الناس ,بس ماهو كبير,والمدينة قريبة من مدن كثيرة تقدرون تروحون بورنموث ولندن,
- بالنسبة للمطاعم في مطاعم هندية وصينية ويوصلون للبيت ومطاعم بيتزا حلال وبعد في سوبرماركت اكثر من وحدة هندية كل اللي بالخليج فيها ابتداء من الجبن كاسات لحد الحليب النيدو واللحم والدجاج ذبح حلال.
بس تعبت من الكتابة يارب اكون افدتك واذا في أي شي لايردك اللا لسانك

مشكوره اختي
الف شكر
على الافاده القيمه


ارجو من البنات الي عنده معلومات تفيدني

اختي الغالية نوني اسفة على التاخير بس واللة كان عندي ضيوف بالنسبة لاسالتك انا بجاوبك
-التجمعات انا ماتخالط فيهم بحكم الدراسة واني دايم مشغولة بس سمعت ان الطلبة السعوديين لهم نادي اجتماعي ودايم يسوون جمعات ويطلعون حدايق بس هالكلام يتغير على حسب الطلبة الموجودين .-
-الجو هنا اكيد بارد بس ادفى من باقى بريطانيا بحكم انة جنب البحر والصيف يهبل الجو خاصة اذا عندك حديقة
- السواقة انا عندي صعبة حيل وانت مو بحاجة تسوقين مثل امريكا كل ماعليكي انك تعرفي رقم الباصات وين تودي وترى سهلة مرررررررة امي تعلمت عليعا.
-بالنسبة للهاوس كيبينق ياحلوة مافي هالدلع بامريكا هنا واللة انتي جيبي شغالتك معاكي احسن بس ديري بالك الشغالة لازم تكون مخلصة سنة على الأقل تحت كفالتك وللا مايطلعون لها فيزة وتأكدي انها زينة وتبي تجي معكم ماهو لاوصلتو ستعسرت وقالت برد وشتكتكم على المخفر انا انبهكي من البداية لأنها صارت مع طلبة كثير وإذا ماعندك اطفال كثار استغني عنها وانا اختك واعتمدي على نفسك مثلي وبتحسين باستقلالية
-حبيبتي بالنسبة للدراسة انا ادرس ماجستير انتي شناوية تدرسين قولي لي وانا انصحكي بالاسهل لان عندنا جامعتين واكثر من كلية حددي التخصص وانا اقدر اجيب لك معلومات كاملة عن الكورس ,وللاسف وقت جيتكي بكون مخلصة وراجعة بس ولا يهمك من هنا الى ما تجون أي شي انا حاضرة ولك عيوني ماابي اللا دعوة بظهر الغيب إن الله يفك كربتي واخلص على خير ,يارب اكون افدتك

نوني
الغالية نوني انا اسفة لاني ماعرف ارد على الخاص بس المهم بالنسبة لاسالتك اول شي اذا تدرسين بكلريوس تراني سويت سيرش ولقيت لك برامج كثيرة بكلريوس في تخصصك وكلها موجودة في معهد ساوثهامبتون,ادري ماسمهتي عنة هو قوي وتابع لجامعة نوتقهل,لان زوجي يدرس فية ماجستير وانا ادرس في الجامعة والدراسة فية ترى اسهل بكثير من الجامعة والجامهة اصلا مافيها هالبرنامج انا شيكتلك .
فلاحسن انك تجين مع زوجك لاتخلينة لحالة ترى المغريات هنا كثيرة والشباب العزابية يخربون بعض عن تجربة انا زوجي يخاف اللة ويقول لي دايم اللة يعين اللي مامعاة زوجتو شلون يتحمل لانهم يشوفون البنات بالجامهة مفاصيخ ياكافي.غير كذا هنا انتي وياة بعيد عن اهلك واهلة بتقوى علاقتكم وتقربون من بعض اكثر
السكن اذا تبون فلة موجودة بكل المناطق انا مثلا بيتي في منطقة شيرلي بس ترى تلاقون في اماكن ثانية
اذا تبغين ا تتاكدين من الكورسات الموجودة انا بعطيكي الموقع حق المعهد وانتي شوفي وبعد بقولك في نفس المعهد يعطون الطلبة كوس انجليزي لمدة سنة وبعدين يبدون البكلريوس .واذا بتجون سمهت عن واحد انجليزي يساعد الطلبة باللغة يعني تعطينة واجبك قبل ماتسلمينة يشيك لك على اللغة بس طبعا بفلوس
الموقع وشكراwww.solent.ca.uk