أم حمد. :

السلام عليكم كيفكم يا أخواتي الغاليات واحب اشكر كل اللي ردوا علي وكل ما سجدت ودعيت ربي اجعلني مقيم الصلاة ومن ذريتي ربنا وتقبل دعاء أتذكركم وادعي لكم . ما عليش أعتذر عن التقصير ولكن خبركم الوقت ضيق في رمضان غير الجمعة مع الأهل يمكن ما أقدر ادخل بعد كذا الا بعد العيد أو إذا رجعنا للدوام ( وعيدكم مبارك مقدماً الله يعيده علينا وعليكم بالمسرات ) وانشغلت هاليومين مع ولدي اللي رايح للجامعة جته كحة شديدة وهبلتنا لدرجة انه إذا كح يشهق ويتوقف نفسه ويجلس فترة والله اني انهبلت حسيته بيموت بس الحمد لله وحجزنا له عند دكتور يمدحونه في دله اسمه الحمد وقال انه من تطويل السجود على فرشة المسجد وهي مغبرة ( المفروض الواحد يحط مكان سجوده شماغ أو منديل ) وعطاه علاجات وبخاخ والحمد لله تحسن وعندنا عزيمة كبيرة ثاني العيد زوارة لبنت أخوي وبنت أختي توهم متزوجات ومشغولين بالمرة نحمد ربي على شفاء كل مريض وما تشوفون شر جميعاً وما ودي أكدر عليكم بس أبيكم تدعون لأخت لنا أرملة مثلنا صار لعيالها الثلاثة حادث انقلبت سيارتهم ووقعوا في حفرة ماء والصغير توفي عمره عشرين سنة يدرس هندسة والكبير مغمى عليه في العناية المركزة ولا نعرف حالته والأوسط فيه كسور ومصدوم ومفجوع من الحادثة والأم الله يكون في عونها ويثبتها ويصبرها منهارة اللهم اربط على قلبها وارحم جنينها واشفي الآخرين وقر عينها بعافيتهم وشفائهم عاجلاً غير آجل تكفون ادعو لها فهي في أمس الحاجة لدعائكم

السلام عليكم كيفكم يا أخواتي الغاليات واحب اشكر كل اللي ردوا علي وكل ما سجدت ودعيت ربي اجعلني...