أسعد الله مساءكم يالغالـيـــــات

بتسالين نفسك طيب كيف أعدل صلاتي واصححها؟.


كيف اتلذذ بصلاتي واخشع فيها ؟.



أول حاجه //


خلي هذا الحديث نصب عينك .


(( قم يا بلال فأرحنا بالصلاة ))

و حديث"وجعلت قرة عينى فى الصلاة "



ثاني شيء //


اعقدي علاقة حب وعشق مع صلاتك ..

نصيحه لكل وحده تعاني من ثقل في اقامة الصلاه .

تعاني من شرود من فقدان الروحانيه والخشوع..!


(( اعقدي علاقة حب بصلاتك ))


كيف ..؟

حبيها اعشقيها خليها انسك وراحتك ..!
ملاذك وقرة عينك ..!
يعني كرري بداخلك صلاتي هي حياتي .
صلاتي هي انسي وراحتي ..

كيف ماتكون راحتي والرسول قال ارحنا بها يابلال ..
صلاتي هي كل شي سعادتي فيها انسي فيها ..!


متى مانشأت علاقة الحب بينك وبين صلاة


وش راح يصير..؟

راح تتعاملين معاها مثل ماتتعاملين مع محبوب تبين توصلين معاه للكمال

صلاتك نفس الشي هي محبوبتك ..!


لكن بنقااااااط //


أولها //


_ دربي نفسك على محبتها ،،
وانك تبين تستحوذين على الراحه اللي بتهديها لك الصلاه,,!


ثانيها //


_ وقت الاذان طالما الاذان يسمع داخل بيتك هذه رحمه سخرها لك رب العالمين..

وش يصير اول ماتسمعي الاذن ؟.

محبوبتك تناديك حي على الصلاه


قولي ,,


ياسلام الراحه تناديني
بقوم انااجي رب العالمين الملك الجبار الرحيم
بروح اصلي لله باشكي لله ..!
باركع لله باسجد لله بادعي الله ..!
بروح لراحتي وحبيبتي وانسي صلاتي
قوليها بداخلك ..!

كرري مع المؤذن واحرصي على هذا التكرار راح تشعرين بعمق السعاده .!




ثآلث شيء //


اتركي كل غالي ونفيس بالدنيا وعلى طول قومي توضي وتجهزي للصلاه..
النت الشغل الهاتف كل شيء بيدك اتركيه ..!
وجاهدي نفسك على هذا الشيء
في البدايه بتحسين بثقل بعدها من نفسك تقومي ..!




يتبع

هلا ويبقى والله أحبك وأحب كل اللي بالملف وأسأل الله أن تكون محبة لله وفي الله
وأن يجمعنا ومن نحب تحت ظله يوم لا ظل إلا ظله
ويبقى إذا مافتح الرابط معك ابحثي في قوقل موقع الواحات وادخليه وإذا مانفع يمكن ماعندك برنامج الريل بريل..
أنا على الصامت أحب استفيد منكم صراحه تعلمت منكم أشياء كثيره
خصوصا نصائحك لي أنت وشوشو الله يحفظكم كنت أستشير زميلاتي إللي ما تزوج عليهم أزواجهم لكن ما أحس انهم فاهمين الوضع ولا أقتنع برأيهم لأنهم ماعاشوا الموقف مثلكم ...
مرت علي أول فتره من زواجه أحس متخبطه ضائعه ومهمومه (طبعا مادريت إلا بعد ماتزوج) والله من كثر الهم بس استفرغ تكرمون كأني أتوحم..
كل مره فكره وكل مره أصدر قرارات سجلت في تحفيظ وانشغلت عنه والله أحيانا ماألقى وقت للتفكيرفيه وكل مره أقرأ كلام وأطبقه مره أقول أكرهه ومره بدق على أهلي ياخذوني ومره أعيش أحلام ورديه وأقول طالما اني صغيره بخلي العيال معه وانتظر خير منه واحد يحبني وأحبه (اشتغلت العاطفه) أو ابقى عند أهلي عزيزه مكرمه وفي بداية زواج زوجي والله أضحك .. مره أضحك معه وأسولف ولا كأن شي صار ومرات أتمنى إني ما أشوف وجهه نفسيه متقلبه ومزاج متعكر..
لكن المصيبه مع الوقت تهوووووووووون ...

الحين داخله استشيركم في حالتي:
اليوم جايني زوجي صايره له مصيبه .. متحطم على الآخر..يقول تعبااااان ..
ياااااالله
تذكرت لما كنت تعبانه وطايحه وهو مستانس وكان يخطط لزواجه وأنا مدري
تذكرت لما اشكي له ويقول أنتي بس تتشكين
تذكرت لما كنت أقوله يابوفلان تذكر لما وقفت معك وسويتك الشي الفلاني والفلاني يقول من قالك تسوين والله قهر بعدين يقول أمزح ويقول طيب سويتي معاريف بذليني فيها...
تذكرت لما كنت محتاجه لحد افضفض له لما أكون تعبانه يقول اسمعي اسمعي صوتك وش ذي النبره ..
بعد زواجه كان يبغاني انسى الماضي ولا أذكره بشي ويبغاني ارجع مثل أول أحن عليه بس ما قدرت يقول انتي تغيرتي...وجالسه تتنتقمين إسأل نفسك وش اللي خلاني اتغير؟؟؟؟؟
تذكرت وتذكرت وتذكرت..
يااااالله ماأبغى اتشمت عليه والله مصيبته صعبه...


بالله كل وحده لو إنها مكاني وش بتسوي؟؟؟؟
وش ارد عليه ؟؟
المرأه طبيعتها حنونه وطيبه هذه فطره؟؟
ودي أقوله هذا جزاك ويمكن دعوه صابتك ؟؟
وودي أرتقي بأخلاقي .. يقول الله ((ادفع باللتي هي أحسن))
ابغى ردة فعلكم لو أنكم مكاني ...

طيب لما بتقابلين غالي وش تسوين ؟.



اكيد بتقابلينه باطيب العطور ..
شرشف صلاتك وسجادتك عطريها بخريها..!
قبل كل صلاة سوي هذا الشي انك تعطرين نفسك وشرشف صلاتك


ليييييييه ؟.

لانه لحظه بلتقي فيها بحبيبك ومعشوقتك وانسي وهي صلاتي ..!
بأكون بين يدين رب العالمين ..

فبأي صوره تلتقين فيها بربك ؟.

اكيد باحسن الصور وبأطيب العطور..!
واحرصي على نظافته وتزيينه عشان النفس تتستريح وتشعر بالراحه..!


فكل ماباغتك هم نكد حزن ضيق
اي عارض من عوارض الحزن والهم ..!
على طول تذكري هذا الحديث ..

(( أرحنا بها يابلال ))

استشعريه بقلبك وجوارحك وسمعك وبصرك ومن صميم قلبك ..!
لانه خطاب من الرسول ارحنا بها
بمعنى الصلاه راااحة لنا

فكيف نصل لهذه الراحه ؟.


قبل ماتكبرين قولي بداخلك هذا الشيء

قولي ارحنا بها يابلال
اي والله صلاتي هي راحتي ..
وماراح اخلص من الصلاة الا وانا مرتاحه
من كل هم وغم ونكد
وخليك متيقنه بانها راحتك مو كلام لا حسسي نفسك انها ماراح اسلم من الصلاة الا وانا مرتاحه باذن الله,..!


الان لحظة ماتقولين



(( الله أكبر ))



بعد كذا اول ماتقولين الله اكبر
استشعري هالاحساس انك الان بين يدين ارحم الراحمين
انه الان هذه مناجاه لله
ان الله يسمعك ومطلع عليك
وحسسي نفسك انه الله يراني
في هاللحظه يسمعني عالم بخضوعي ,,!


اركعي ركوع خضوووووع لله رب العالمين ..!
واسشعري سبحان الله العظيم وبحمده
كرريها ليست كهذيان وترديد ..!
كرريها بانها تسبيح وحسنات تكتب لك يوم القيامه .


اسجدي سجود الذليل لله رب العالمين
الفقير لرحمته وكرري سبحان ربي الأعلى وبحمده
كحسنات وادعي بقلب صادق ..!


مثلا السجده الاول ادعي بان الله يغفر ذنوبك وخصصي دعوات لغفران الذنب

مثلا اللهم اغفرلي ذنبي كله دقه وجله علانيته وسره

السجده الثانيه من الركعه الاولى اسالي الله الجنه ونعيمها

وهكذا في كل سجده ادعي فيها دعوه وتعووودي عليها

صدقيني تصيرين تحبين السجود سمعت الشيخ عبدالمحسن الاحمد يقول كانه عندنا حساسيه من السجود ننقره وبسرعه

سبحان الله فعلا هذا حالنا..!



انتهى

وانا اصبت فمن الله وان اخطأت فمن نفسي والشيطان
واعتذر ان كانت طويله وسامحوني

الهدف من فعالية حي على الصلاة
اننا نحسن علاقتنا مع الله ونتفقد صلاتنا وركوعنا وخضوعنا لاننا بحاجه لهذا التعديل ومتى ماصلحت صلاتنا
صلحت كل حياتنا
لاننا للاسف افتقدنا روحانية الصلاة وخشوعها ولذتها واصبحت واجبات تؤدى وهم وينزاح

فاتمنى كل واحد تقول الخلل اللي في صلاته ونسعى لتعديل بعضنا البعض
نحاول من خلال تجمعنا ان نصلح ركننا الاول وهو الصلاه

عني انا هذا برنامجي في تلذذي بالصلاة
واي وحده عن طريقة اتبعتها وشعرت من خلالها بالتلذذ والخشوع لاتبخل بها علينا
لاننا متعطشين لهذه اللذه

اللهم اجعلنا مقيمين الصلاة وذرياتنا واجعل الصلاة قرة عيننا وانسنا وراحتنا وملاذنا