كوبونات الراقية تسجيل الدخول

myousef
myousef •
omhabeeba omhabeeba :
اختى مودى جزاك اللة خيرا وجعله فى ميزان حسناتك
اختى مودى جزاك اللة خيرا وجعله فى ميزان حسناتك
الطاقيه موجوده فى الرابط ده يااااااااااريييييييييييت تشرحي لى بقلل ازاى لحد ما اقفلها بسرعه الله يكرمك
:heart: :heart: :heart:

http://www.garnstudio.com/lang/en/visoppskrift.php?d_nr=85&d_id=5&lang=us
myousef
myousef •
myousef myousef :
الطاقيه موجوده فى الرابط ده يااااااااااريييييييييييت تشرحي لى بقلل ازاى لحد ما اقفلها بسرعه الله يكرمك :heart: :heart: :heart:
الطاقيه موجوده فى الرابط ده يااااااااااريييييييييييت تشرحي لى بقلل ازاى لحد ما اقفلها بسرعه...
إنتى فييييييين يا مودى ما حدش عارف يشرحهالى أزعل ولا إيه؟
:heart: :heart: :heart:
modylolo
modylolo •
معلش يا ام يوسف ظروف والله مشاغل ما كانت ع البال ولا الخاطر وياسمينا بنتي كمان مريضة والدنيا كلها مكركبة وكمان الجهاز خد له يومين عطلان لغاية ما ربنا كرم وهداه واشتغل سامحيني حاشرحهالك باذن الله
modylolo
modylolo •
بنات راجعوا دورة التريكو تلاقوا بونشو بناتي جميل يناسب اعمار مختلفة
modylolo
modylolo •
modylolo modylolo :
بنات راجعوا دورة التريكو تلاقوا بونشو بناتي جميل يناسب اعمار مختلفة
بنات راجعوا دورة التريكو تلاقوا بونشو بناتي جميل يناسب اعمار مختلفة
ام يوسف دلوقتي الباترون بيقول تنقيص 1 عدل بيكون انك بتشتغلي 2 عدل معا
اما لتنقيص واحدة مقلوب فدة بيكون انك بتسلتي غرزتين كانك بتشتغليهم مقلوب الي الابرة اليمني كلا علي حدة وبعدين بترجعي كل واحدة منهم تاني للابرة اليسري لوحدها بعد ما تلويها يعني ازاي اقولك بدل ماتدخلي الابرة من قدام الغرزة بتدخليها من وراها وتنقليها للابرة اليسري تاني وتكرري ده للغرزة التانية وبعد كده تشتغليهم مقلوب مع بعض
اما الشرح بتاعها
فأنتي بتكوني 96 ( 104) غرزة علي ابر مفتوحة الطرفين وبتحطي علامة وتبدأي تشتغلي بيهم 2 عدل و2 مقلوب باللون الاضافي اربع سطور وطبعا بنستخدم حوالي اربع ابر مفتوحة الطرفين في الشغل وانا بأفضل انك تشتغليها علي ابر دائرية عشان كبداية تحكميها وبعد كدة لما تبدأي التنقيص استخدمي الابر المفتوحة الطرفين
وبعد الاربع سطور باللون الاضافي حتشتغلي 6 سطور باللون الاساسي بنفس الطريقة وبعد كدة تشتغلي سطرين باللون الاضافي ثم نعود ثانيا للون الاساسي
ولما يوصل طول القطعة لحوالي 15.5 (18.5) سم ابدائي في تنقيص كل 2 مقلوب لواحدة مقلوب زي ما شرحت ليكي قبل كدة حتوصلي لعدد غرز 84 (91) غرزة مع ملاحظة انك حتوصلي الي العلامة وحتتوقفي عن التنقيص واكملي الشغل لفتين بنفس الطريقة وبعدين ابدأي في تنقيص الغرز المقلوبة المتبقية بنفس الطريقة حتنهي بعدد غرز 72 ( 78) غرزة
( بصي انتي بتقيسي الطول الاول وبعد كدة الغرز المتبقية لغاية العلامة كل 2 مقلوب بتخليهم واحدة وبكدة فيه لسة مجموعة فيها 2 مقلوب حنبدأ ننقصها تاني بعد كدة يعني المهم انك بتحافظي في شغلك علي ال 2 عدل دايما وبتخفضي ال2 مقلوب الي 1 مقلوب عشان تدي السحبة الي اخر الطاقية ومعلش مني انا علمي البداية اللي انتي بدأتي عندها التنقيص )
حتشتغلي لفتين تاني وبعد كدة نبدأ في تنقيص الغرز العدل من نفس المكان اللي بدأنا منه التنقيص للمقلوب الغرزتين العدل اللي بعد المقلوب نشتغلهم مع بعض عدل ونكمل بنفس الطريقة لاخر اللفة حنوصل لعدد غرز 60 ( 65 ) غرزة وبعدين نشتغل لفتين ونبدأ في تنقيص الغرز ال2 عدل المتبقية الي 1 عدل باننا نشتغلهم عدل معا حنوصل لعدد غرز 48 (52) غرزة وبعدين نشتغل لفتين تاني وبعدين بعد كدة علي طول اللفة نشتغل 2 عدل معا لاخر اللفة حنوصل لعدد غرز 24 ( 26) غرزة نشتغل لفة عدل واللفة التالية نشتغل علي طول اللفة 2 عدل معا لاخر اللفة بنوصل لعدد غرز 12 (13) غرزة في النهاية و نقطع الخيط ونمرره بداخل الغرز باستخدام ابرة الكنفاه ونزم الغرز وندخل الخيط من الداخل وبكده بتكون خلصت ومقياسها زي ما بيقول من الاول للاخر بيكون حوالي 22 (25) سم من البداية
بس ياريت تكون وصلت ومعلش ع التأخير اقبلي اعتذاري تاني