up

مساء الرشاقه :)

الموضوع من زمان ماتحرك
ولأني سويت العمليه وقمت بالسلامه قلت خلني افيد البنات

انا ياحلوات نزل وزني 36 كيلو والحمدلله وصار عندي ترهل شديييييييييييد بالبطن وضعف في العضلات

واخير ا بعد مازوجي طلع روحي وافق اني اسويها
رحت للطبيب في مستشفى حكومي وشرح لي كل شي بالتفصيل وقال انتي تحتاجي شفط دهون اعلى البطن وتحتاجي شد للجلد والعضلات

المهم بعد شهر جا موعدي
دخلت المستشفى قبل يوم من العمليه طبعا قبلها بيومين كنت مسويه التحاليل والأشعه وكل شي والحمدلله
تحليل سكر
اشعه مقطعيه للبطن والصدر
تخطيط للقلب
المهم في الليل جهزوني المغذي والمضادات وتعقيم لبطني

الصباح جتني نوبة ضحك غير عاديه وبس المس الترهل الب ببطني اودعه :)
دخلت العمليات وبداء الدكتور يرسم الموناليزا على بطني
بعدين جا استشاري التخدير
قلت له ترى وراي كوم لحم خلك حنون بالبنج ..انكت ماشاء الله علي
المهم ماصحيت الا بعد 6 ساعات وانا احس بغثيان والمس بطني ولا وش اقوووووووووووول
واااااااااااااااااااااااااااااااو


سيده مافي مطبات منطقه حساسه وسر :)

الحمدلله يارب اللهم لك الحمد ولك الشكر كما ينبغي لجلال وجهك وعظيم سلطانك

المهم طبعا تعبانه وجسمي كسلان ماقدر اتكلم بس اشاره وغثيان شديد
بعد3 ساعات او اربع والله مو متأكده حاولت اقوم بمساعدة امي للحمام بس دخت وبغيت اطيح من طولي
طبعا في الم بس اعتقد مكان الشفط مؤلم اكثر لأن مكان الشد مقطعين الأعصاب فما تشعري بألم
بس معنوياتي مرتفعه تخليني اتحمل


ارجع اقول الحمد لله الف مليون مره
تقريبا لحد 4 ايام ظهري منحني امشي كأني روبيانه بس خامس يوم تحسنت شوي بس كتوفي منحنيه
مع المسكنات تمشي الأمور عاديه
اليوم لي 12 يوم الحمدلله اقوم واجلس واروح الحمام واتحمم بس مازال الضمادات على الجرح والبلاستر يضايقني طبعا
تعليمات الطبيب
الصلاه جالسه لمدة شهر ونص
المشد ماافصخه لمدة شهر ونص الا وقت الحمام
الجماع مافي شهرين:(
ممنوع طلوع ونزول الدرج شهرين

بس وسلامتكم

ومن جد رغم كل الألم والتعب بس النتيجه تستاهل

انا شفت وحده عمرها 45 ما شاء الله مخلفه سته بطنها لاصقه بظهرها
سوتها مجاني ببلاش في المستشفى العسكري بالرياض عند د / الشلاش
ورتني الاثر بعد سنه ونصف خط بسيط فاتح ما تميزينه كانه من التشققات
بصراحه روعه لو عندي كرش ما ترددت لحظه اسويها عنده الحمد لله رب العالمين

بنات المشد الي استخدمتوه عقب العملية ،،كيف شكله؟؟
ومن وين اقدر اشتريه..؟؟

لأنو ابي استخدمه عقب العملية القيصرية..احسه هو الي ينفع

( بنت السوريه )
جزاك الله كل خير ما قصرتى قلتى كللللللللل اللى ودنا نعرفه
وعساج ع القوة
وان شاء الله ما يرد الترهل مره ثانيه ويعطيج العافيه يا رب
بالنسبه لى ما افكر اسويها ان شا ء الله لانى مسويه 5 قيصريات
ومع ان الترهل عندى على قفى من يشيل بس .............................
ما ودى ارجع بكامل ارادتى لمبضع الجراااح الا على صرخة ياااهل
يا رب لا تحرمنى
وعموما انا من مشتركى قنوات شوتايم واشوف على طووول برنامج المفضل على قناة E
واغلب عملياتهم شد البطن وتكبير الصدور ليما تكونت عندى خلفيه لانهم يطلعوون
كل شىء من الالف الى الياء
ولقطااات مرعبه بس انا مستغربه هناك اللى يسوونها يدووب مخلفين 2 او 3
والترهل بسيط بس لانهم يموووتون على البكينى والجينز يطلبون العمليه
يالله العافيه هنى كروش وشحووم منسدحه على جنب ولا نفكر
لان الوحده مننا كل همها تخلف كتيبه ويااالله على ما تكتمل العدد المرغووب
الاخلف الله الزوج هج وانحااش ووالضروووس طاااحت والشعر غدا ابيض
وخلااااااااااااااااااااااااااااااااص
فيج سكر ..................وضغط ........................وقولون
والعمليه ما تنفع لج
ههههههههههههه
يالله الله يسلم الدراريع تخش بلاااوى