صباحكم/مساكم كادي
نخيكتم ياصبايا طلبتكم تكفون وادرى انكم فزعه وللخير ماتقصرون
بيتنا بيرمم بعد الشين وافقو وين مانطقها عويه (لكن ربي لك الحمد على كل حال تيسرت الامور وبنرمم بيتنا
وبما انى مدرى وش اثاث والوان وماعندى خبره بالامور الحلوه هذي
طلبتكم انا رسمت لكم توضيح بسيط لتصميم البيت وابى فزعتكم
احترت كثير بالصاله ابى اقتراحاتكم وش اخليها وخاصه انها فيه تقريبا ثلاث ابواب وقوس جبس وزوايه مكانها غلط مدرى وش احط فيها
والوان الغرف (حنا بنخلى البويه سادهـ بس بنحط اطار بين السقف والجدر يارب فهمتوا علي طبعا جبس انا اسميه ديكور مدرى كورنيش ع قوله الوالد
مساعدتكم ابيها
1-الصاله (بنخليها رخام )الوان الجداران ايش وش نخليها وخاصه انها كانها ممر
2_الغرف وش انخلى الوانها والجبس الاطار وش يكون
3_المدخل تكفون ومغسله الحريم وش اخليها نفس الوان الحمام تكرمون او نفس الوان المدخل
ملاحظه
المداخل بنخليها تعتيق رااايكم ورخام .
