السلام عليكم ورحمة الله وبركاته
من اسبوع طبخت منسف بس ماكنت فاضية اولادي عندهم اختبارات بس الحمدلله بكرة اخر اختبار من غير شر
المهم طبعا اول شي بتجيبي لحمة بس بتكون قطع كبيرة بتغسليها كويس وبتحطيها بالطنجرة مع شوية زيت زيتون وبصلة مفرومة فرم ناعم وبتحطي بهارات مشكلة وملح وهيل مطحون وقرنفل مسمار مو مطحون كم وحدة يعني 3 او 4 بس وقرفة مطحونة وفلفل اسود وطبعا كلو بنسب بسيطة جدا يعني رشة من كل نوع وكم ورقة غار في ناس مابيحيو يحطو بهارات بيحكو انو بيغير من لون اللبن بس بيحطو ملح وفلفل ابيض بس انا مابكتر بهارات وبيطلع طعمو ازكي المهم بعد ماتتشرب اللحمة المي ونقلبهم كويس بنحط عاللحمة مي مغلية عشان يستوي اللحم كويس ومايطول وبيكون طعمو اطيب بس نسيت اصور اللحمة لما حطيت عليها المي وقبل ما احط اللبن
Swr1
Swr2
ولما تستوي اللحمة تقريبا تلث ارباع استواء بنقدر الشوربة اذا كانت كتيرة بنشيل منها وبنصفيها وبنخليها على جنب شوي يعني تكون الشوربة بس مغطية اللحمة للاسف كل هادي الخطوات نسيت اصورها اعذروني وبنخلي النار عالية وشرط تكون الشوربة عم تغلي ونضيف اللبن عليها وبنخليها تغلي على نار عالية واحنا عندها لأنو اللبن بيفور لما يغلي بالاول وبعدين لما يغلي بنحرك وبنوطي النار وبنخليه يغلي على نار هادية
لحد مانشوف اللبن والشوربة اختلطو مع بعض واللحمة استوت وفي ملاحظة بس تستوي اللحمة ويتشرب اللبن ونطفي النار ونغطي الطنجرة بعد شوي رح تشوفي انو اللبن تصفى في قعر الطنجرة والشوربة فوق عااااااااااااادي لاتخافي حركيهم وبس
واذا شفتي انو الللبن تقيل كتير بتزيدي من الشوربة يللي خليناها على جنب واذا مافي شوربة عادي اغلي مي وحطي عليها
نيجي للبن انا ماجبت اللبن المعتاد يللي هو الكركي يللي بيكون متل الحجار وطريقة عملو انك تكسريه وتحطي عليه مي مغلية من الليل طبعا احسن وبعدي بتخلطيه بالمولينكس وبتصفيه وبتحطيه عالشوربة هاد طعمو طيب كتير بس شفت اني اجيب اللبن الجاهز اسهل ونفس الطعم تقريبا انا حطيت لبن الكسيح وهادي صورتو
Swr9
وفي طريقة تانية للبن وهي انك تجيبي اللبن الرايب العادي او لبن الشرب متل نادك وغيرو لكل كيلو ملعقة نشا أو بيضة وتحطيطهم بالخلاط وتخلطيهم وبعدين تحطيهم بطنجرة لحالهم على نار هادية لحد مايغلو وبعدها بتحطي اللبن عالشوربة وبتضلي تحركي لحد مايغلي اللبن مع الشوربة حتى مايفرط اللبن ونفس الطريقة وهي صورة اللبن لما صار جاهز مع الشوربة طبعا
Swr3
انا بصراحة كترت الشوربة عاللحمة عشان اعمل الرز بالشوربة وعملت الرز بالسمنة والافضل والاطيب تكون سمنة بلدية واذا عندك سمنة طعمها قريب منها بيكون كويس وممكن بالزبدة وممكن بالزيت كلو كويس انا ماعندي سمنة بلدية بس عندي سمنة طعمها متل السمنة البلدية اسمها البلقاء
Swr8
وبتجيبي خبز شراك واذا ماعندك خبز عادي بيمشي حالو وبتفرديه بالصينية الخبز عندي كان كبير عشان هيك ضميتو من الوسط
Swr4
وبتشربيه باللبن عشان يصير طري
Swr5
وبعدين بتفردي الرز عالخبز وبتحطي اللحمة عالرز وبترشي على الرز واللحمة المكسرات وبقدونس مفروم بس زوجي مابحب البقدونس عشان هيك ماحطيت وبتقدم مع اللبن وصحتين وعافية
Swr6
وهاد من قريب
Swr7
ولا تنسو كلمة شكرا لأني تعبت وانا اكتب واشرح
طائعة لله @tayaa_llh
محررة
يلزم عليك تسجيل الدخول أولًا لكتابة تعليق.
الصفحة الأخيرة
:
يعطيك العاافيه أختي ..
الصور صغيرة جدا بس شكله لذيذ يمي يمي ..
يصلح للشتا شكله يدفي :D
يسلمو ايديكي