هلمو للوناسه والضحك مواقفكم المضحكه مع ال....هههههههه

السلام عليكم 
صباح الخيرات 
نبي مواقفكم المضحكه اثناء او بعد الولاده بحدود طبعا 
انا عندي موقف دايم اتذكرة واضحك على نفسي
جاني الطلق وانا حامل بولدي وجالسه اتنافض وجلست فترة ثم ولدت اثنا الطلق اعطتني الدكتورة مثل الأكسجين تقول يسهل الولاده!!وانا اصدقها واشفطه شفط مع شده الألم تقولون اشفط شيشه والصوت طررررر
وشكلي هلوست واتكلم معها بكلام مدري ايش هوه شكلي جبت العيد ههههههههههه اهم شي ماتعرفني "علا قولتهم ديرة مافيها خوالك لوح بسروالك"ههههههههه
لمهم خلصت الخياطه تكرمون وراحت كان نفسي في شي  حار جوعاننه واصيح اناديها بصوتي كله وانادي ما احد جاني واسمع صوتها في السيب ولا جات واطالع في السقف وانا منسدحه وانادي فجأه استوعبت اني انادي زوجي هههههههههههههههههه
جلست اضحك وتحمست مع الضحك ونزلت من السرير وبووووم طحت من طولي جات النيرس ومعها عاملات ويشيلوني وانا اضحك. شكل البلا من الاكسجين الي عطتني يخفف الألم على قولتاها 
الي تتذكر موقف مضحك تقول لنا