هلمو ياحوامل متى نجهز للبيبي ووش نجيب ياخبيرات؟؟

اولا حبيبتي المشي يجيب الولاده المبكره وخاصة في ذا الوقت انا كنت مستعجله على المشي مثلك ومنعتني الدكتوره انتبهي تمشين قبل اخر الثامن
وبالنسبه للشهر السادس زين تبدين تشتري
انا في التاسع انتظر الفرج من الله ادعيلي حبيبتي اول شي اشتريت سرير ومفرش استقبال للنونو ومفرش لي وشنطه ومدس طقم واحد اسباني علشان يكون عندي الاساس عارفه الوانه وبعدين ملابس داخليه يكفي 6 وبعين بربتوزات حاولي تكون مصكره علشان البيبي ماياخذ برد عندك في بيبي شوب اشكال تجنن وشيكو ومذركير تكون الوانها مناسبه مع مفرشه ولفات 7 والقبعات انا احبها تجي مع البربتوز اشكال كثيره في بيبي شوب واخر شي في التاسع فوط ومراضع وشامبو وحفاظات واغراض الصيدليه وشنطة المستشفى للنونو بس لبس وملف ومدس علشان اذا طلعتي ولك قمصان رضاعه وفرشه ومعجون وعطر وفرشة شعر وكريم مرطب وملابس داخليه وفوطه واي استفسار من عيوني

ام مشمشه ماااااااااقصرتي جعلني ماخلا منك
بخصوص المشي انا ما اقصد اني امشي مشي سريع ويوميا لالالا بس اقصد
بالاسبوع او بالاسبوعين اطلع للسوق مثلا وتعرفين يحتاج مشي كثير
بس امشي بشويش احيانا يعورني ظهري مررره وبطني من تحت :(

بخصوص التجهيزات يعني تنصحين نبدا من السادس ؟
والسرير وش الشكل الي المفروض ناخذه للمولود ؟ له شكل او اسم معين يعني اقصد الافضل ايش

ومشكووووووووووره جعل ربي يسهل عليك ويوفقك :26:

وينكم ياباقي الامهات والحوامل يادافع البلا ؟؟؟؟؟؟؟؟؟؟!!!!!!!!!!!!!!!!

يعني قسم حمل وولاده غالبا اغلبكم مرو بالحمل وتجهيزات البيبي والحوسه ذي
ماتبون تساعدون خواتكم بالاسلام وتكسبون فيهم اجر وثواب !!!!!

ترا لو نعرف ماسئلنا واحرجنا انفسنا واحرجناكم تكفووون الي تعرف تساعدنا

على الاقل كل وحده تعلمنا في اي شهر بدت تجهز حق البيبي
ووش بدت فيه ووش نصائحها لنا من خلال تجاربها السابقه

انتظرررررررررركم :(

السلام عليكم..
أنا عندي ولد واحد,, الله يعينك يختي على حوسة التجهيز وخلافه..ذكرتيني بحوستي أيام حملي بوليدي...الله يهون عليك ياخيتيوتولدين بالسلامة...
بالنسبة لنصايحي من تجربتي الشخصية:
أولا:
التجهيز للمولود (ملابس- مفارش-سرير)
أنا اشتريت ملابس التقديم-البربتوزات الداخلية-ملابس البيت اليومية من محل سناء اللي على طريق الأمير عبدالله مقابل سيتي بلازا..على فكرة القمصان والأرواب عندهم نعومة ومش بطالة..
ورحت بعد لأسواق طيبة, وأخذت لولدي طقم كامل, سرير مربّع ملبّس مع شنطة كبيرة للغيارات وشنطة صغيرة للزيارات وكيس خاص بعلاق للبامبرز, وصندوق سلة غسيل وسلة مهملات صغيرة...كانت تشكيلة حلوة في وقتها (قبل سنتين تقريبا) ومدري إذا نزل حاجات جديدة...
أنصحك بعد تروحين للهرم وتقشقشين لتس من هالبربتوازات والقبوعات والملفات..وكثري ..ترى الطفل يحتاج غيارات يومية لأن من كثر ما يطلّع حليب بعد الرضاعة تصير له ريحة محمضة <<<<آبوك يالألفاظ... :hahaha:

بالنسبة لأغراضك الخاصة أنتي:
جهزي لك شنطتين1-للمستشفى: قميصين مريحات واحد خفيف وقطني للنوم وأوقات راحتك,, وواحد حلو قطعتين للزوار وأهل زوجك..ملابس داخلية (في حال احتجتي لها, لأن المستشفيات الأهلية يجهزون لك ملابس داخلية خاصة لاستخدام الفوط النسائية الكبيرة)-خذي معك علبة صغيرة فيها شوي كمون مطحون وعلبة فيها كم كسرة مرّ عشان الشمم بالمستشفى..هالممرضات يجن متبخبخات بالعطور-خذي معك لبسة أنيقة للبيبي إذا بغيتي تطلعين بالسلامة يبون يطلبون منك ملابس للمولود- خذي لك فرشة شعر ولوشن لليدين غير معطر((أنا عن نفسي ولدت في مستشفى دلة, كل شي لقيته جاهز في غرفتي...يعني يعتمد على المستشفى البتروحين له..
شنطة كبيرة لبيت أهلك(البيت اللي بتتنفسين فيه):
عشر بجامات للنوم (كثري الملابس لأنك بتحتاجين تغيرين كثير)
عشر قمصان رضاعة قطنية مع أرواب
ثلاث أو أربع قمصان كشخة (العساف عندهم حاجات روووووووعة...شوي اكسبنسف بس تسوى) لاستقبال الضيوف, وثلاث أربع جلابيات كشخة للاستقبال آخر أيام النفاس...هذا اللي أتذكرة..ابروح أسترجع معلوماتي,,ولي عودة بإذن الله أعلمك عن سر الأسواق الحلوة الرخيصة...
أم فصولي القمر :icon28:

مرحبااااااا يا حلوووه..

يالله ابدي جهزي .. ماشالله عليك ما جهزتي الى الحين ...

انا خلصت تقريبا وانا معاك بنفس الفتره ...

شريت بربتوزات اشتري 3 قطع تقريبا تايني بيبي عشان المستشفى واول شهر بيكون صغير مره ما راح تكفيه ملابس من 0_3 واشتريت 2 ملابس داخليه تايني بيبي

انا عن نفسي اشتريت 10 بربتوزات من 0_3 بس احس اني كثرت ..

واشتريت 7 ملابس داخليه من 0_ 3

واشتريت 2 صداريه وفوطه استحمام وفوط صغيره ..

ومرضعتين ومصاصه والي يتقسم فيه الحليب ...

اما السرير وحوض الاستحمام الله يخلي الوالده يتجيبهم هديه

باقي الشفاطه حقت الحليب و الغلايه وغساله صغيره لاغراض البيبي

المدس والشنطه ما راح اشتريهم الحين لاني بسافر ويمكن القى اشياء حلوه برى احسن من عندنا

والشامبو وحوسه البيبي هذي راح اخليها قبل الولاده بشوي