ماشوف فيها عقوق ابدا
اذا بتقولين لها عن شي عطيها الخلاصة
اما علاج وتحاليل سلامات انا اللي عايشة عند اهلي ماعلم حد فيهم
منيـــرة
•
الصفحة الأخيرة
فنصيحه خلي الموضوع بينك وبين زوجك فقط او بينك وبين من يكتم الكلام من خواتك .
مو عقوق والعياذ بالله لكن تخيلي وحده ترسل لك خلطات واعشاب لتقوية فرص الحمل او تكلمك وحده عن مستشفى للعلاج عن العقم لك ولزوجك ؟
او يتهور واحد ويكلمكم او يكلم زوجك شخصيا عن مشكلتكم ويحسسكم بالنقص بقصد او بدون قصد منه ويوتر العلاقه بينكم ؟
هذي خصوصيات ماللناس اي علاقه فيها ،، ما اعتقد انك شفتيهم يتصلو على امك يتشكو لهم عن مشاكل حياة عيالهم وانفسهم الشخصيه .
امك اما انها حرمه كبيرة بالسن لان اغلبهم كذا اذا كبرت بالعمر ماتقدر تصبر عن الكلام باي حدث جديد يحصل في حياتهم .. او انها طيبه وتثق بالناس اكثر من اللازم وطبعها ماراح يتغير .
فخلي الحذر والحرص يكون منك انتي ولاتبلغيها بشي لين تتمي موضوعك بخير .
اذا سالتك لاتسكتي لكن لاتكذبي ،، قولي ادعي لنا يايمه يكتب لنا ربي اللي فيه الخير ،، ان شاء الله تتحسن الاوضاع قريب .. فقط اعطيها كلام يخليها تتطمن وماعاد تقلق عنك وتعيد السؤال .
راح تتعبي اول الايام لانك ماتعودتي تخبي عنها شي لكن اصبري واصبري وراح تتعودي ان شاء الله عشان مصلحتك ومصلحة زوجك وامك .
الله يرزقك يارب عاجلا غير اجل وتتحسن اموركم ويرزقك باللي تتمنيه .