لا تزعلين مني
ولا تدعين علي

انت اسرعتي في قرارك وانت تقولين انك صغيره وحلوه وجامعيه وبكر الله يهديك بس رحتي رميتي نفسك لواحد متزوج وزوجته على ذمته ماطلقها و كبير مو صغير مثلك وانت من كلامك رومانسيه وعندك احلام في راسك وهو يوم ياخذك كانت معه زوجته الاولى ماطلقها حتى لو قال بس ماطلقها يعني اخذتيه وهي لسى باقيه على ذمته


وهم وا وقالوا لك بيطلقها لانها هي قالت هي قالت مثل كل الحريم بوقت الزعل بس بعدين تغير كلامها كله وتمسكة فيه اكثر احس انها راح تتمسك فيها اكثر واكثر وماراح تتخلى عنه بسهوله الا اذا هو تركها معلقه

ثاني شيء يقول ماحبيتها ومخليها عنده طيب يوم انه مايبحها يروح عندها ليه يوم لك ويوم لها انا نفسي اعرف اذا راح عندها يعدل في كل شيء او الفراش مايصير لها بس لك انت ابي اعرف هذي النقطه بالذات

القاهرني في الموضوع انت ليه من البدايه تاخذين واحد متزوج لو انه جاء ياخذ منكم وهو مطلق كان اهون بس هو جايكم وهو متزوج وبطلق وبسوي هم واهله واخرتها طلعوا يكذبون خلاص لاعاد تصدقينه ابد وخاصتا يوم قال بطلقها اذا اطلبت الطلاق وهو عارف انها ماراح تطلبه وهو تعبان من مسئلة العدل يبيك ترحمينه وهو كذب عليك قولي انت تعبان حتى انا تعبانه منك ومن اهلك وكذبكم علي طلعتم نصابين ومو قد كلمتكم الحين تستاهل قولي له جعلك بذا الحاله واردىء والله يقهرني الي يجي ياخذ حرمه ثانيه ويشتكي من مسئلة العدل طيب ليه ماانتبهت قبل والا كان طاير والحين نزل على ارض الواقع

احس زوجك يكذب عليك وبيمشي الامور معك لين تتعبين وتملين وماعاد تسئلينه لانه هو قالها لك ماراح اطلقها الا في حالتين
وهذي الحالتين احسها ماراح تصير بسهوله الا اذا علقها وهو عادل بينكم وهي متمسكه فيه لاخر قطره يعني ماراح تتركه بالساهل واحسه هو نفس الشيء ماراح يطلقها بسهوله وبس بيمشي الامور معك واي كلام يقوله لك لاعاد تصدقينه طيب انت واهلك صدقتوه هو واهله يوم قال بطلقها والنتيجه انه ماطلقها حتى لو هي قالت بطلب ترا الحريم كل يوم لهن راي وتقول بسوي وبفعل وهي من جنبها والله

انت احسك ندمانه اشد الندم واحسك جالسه تقارنين بين حياتك وحياة الي في عمرك متزوجات مع رجال غير معددين وطلعات وتمشيات وسفريات والرجال لها لحالها وانت لا ماخذه رجال متزوج من قبل وكذب عليك ورجال محمل بهموم العدل والمشقه الي حاملها ورجال يمكن من الداخل صاير اكبر من عمره بكثيييييييير ورجال ماهو حول الرومانسيه بسبب الظغوط الي عليه لان ترا كونه يصرف على بيتين امر مهوب هين ولا هو بالسهل عليه ابد
وتحسين من داخلك بالقهر وتموتين من القهر والغيظ انهم وشلون قالوا كلام وبعد الزواج انكشفت الاقنعه الكاذبه واولهم زوجك

انا معك بكل كلمه قلتيها انت تبينه لحالك ويكون لك لوحدك وملكك مثل باقي او اغلب الحريم وهذا شيء ما اتوقع بيترجم على ارض الواقع وانت عايشه في الخيال الي اطلبه منك تنزلين ل ارض الواقع وترضين بالي اكتبه وقدره لك الله سبحانه وتعالى
وذا صار عندك انسي انه عنده وحده ثانيه ودلعي نفسك وتدلعي عليه واطلبي انا ميته ودي اسافر بس زوجي ماوده لذلك رضخت ورضيت بالواقع من زمااااااااااان ومن سنين لذلك انت مو لازم سفريات بس اطلعي انت وياه تمشوا وروحي انت وياه لمطعم او كافي او بحر او بر المهم انه يطلعك لانه من حقك انك اتنفسين براء البيت


انا معك وحاسه بالغصه لانه كذب عليك لكن ماباليد حيله الي صار صار وانت حاليا متزوجه وام لطفل والوعود الي قبل صارت سراب
والواحد يمشي قدام مايرجع وراء

واستشيري مواقع خاصه بالامور الزوجيه يمكن تطلعين من الوضع الكئيب الي معيشه نفسك فيه والحزن الي مايخلص والبركان الي في داخلك وودك تنفجرين باي لحظه
ادعي وصلي واطلبي من الله ان يسخر لك زوجك ويخليلكم بنتكم او ولدكم ويديم عليكم الحياة الزوجيه

احمدي ربك انتي في نعمه هي محرومه منها الله يرزقها

تقولين أغار وغيرتي ومن حقي أغار

تقنعين نفسك باسم الغيره

هذي مو غيره اختي لايضحك عليك ابليس

هذي ممكن تسميها انانيه منك , قلة رحمه , قساوة قلب

اي شي سيء غير الغيره

لأن الغيره تدفع لعمل الأفضل والأجمل

مو تخرب بيوت !!!!

نسمه بارده

ما أظن أنك نسمه بارده

انت المفروض لقبك عاصفه قويه

انت لو قرأت وش كتبت ماراح تلاحظين أني حديت زوجي على خراب عش احد

وبعدين يا بنات وشفيكم علي وحده تدعي علي ووحده تدعي لغيري

علامكم!!!

انا قاعده أفضفض وأبي منكم النصح لا أكثر
أحس أني ندمت أني عرضت موضوعي

لهجومكم وتعسفكم

حبيبتي اول شي زواجته تحمل ماهي عقيم دليل سقطت مراتين واتقوا الظلم فان الظلم ظلمات يوم القيامة والله يسعدك بحياتك واعراف تزواج الثانيه عشان العيال وحملت الثانيه وسقطت وحملت الاولى وطلق الثانيه وكانت الثانيه تبيه يطلق الاولى بس شفتي الله مايحب الظلم