خليك مع رأي اخواتك نصيحة لاتظلمين اخوك في هالزيجة وتورطينه
من خلال تجربة مررنا بها فيها نفس الصفات اللي انتي كاتبتها 1-مكشرة فوجه الناس2- ماتحترم ابوها وامها
اقولك ابعدوا عنها
الا اذا هو يبغاها يتحمل نتيجة قراره لكن انتم لاترشحونها مجرد ترشيح
ترى محد بينقهر في النهاية من عوبتها وطولة لسانها وقلة احترامها الا انتم والا الزوج بعضهم يتحمل المرأة ويمشي حياته معها
هذي ماهي محترمة ابوها تحترمكم
وخير حتى لو ابوها هاوشها او قال شئ هي بنظرها تشوفه فضيحه انكم تدرون عنه
كل هذي الاشياء ماتبرر رفعة الصوت عالاب


بعدين فيه نقطة مهمة
اخوك شايف التصرف هذا اللي شافه منها اللي بالسيارة شايفه شئ كبير وعيب
وهي ربما تشوفه عادي
وواضح مافي اي توافق بينهم وبيصير تصادم فكري بينهم

قولي لاخوك مل النقاط اللي قلتيها لنا
وقوليله محاسنها اللي عاجبتك فيها
وهو يقرر
علشان مايحماك مسؤلية زواجه
ولاتحملك مسؤلية زواجها ويدعون عليك
قولي يارب الخيرة ولاتخبين على اخوك شي
وربي يسهل امركم ويكتبلكم الخير وين ماكان

اممممممم استخيروا الله وشوفوا يمكن الاشياء هذه تروح فترة الزواج وتتعلم الحياه وتصير احسن وسالفة انها راسمه عيونها ومكحلتها في السياره عادي وحده و رايحه للناس اكيد بتكون كاشخه هي مافكت نقابها ولاوطلعت شعرها مثلا ولا انها كانت مسويه الشي هذا وهي بسوق عادي كانت بسياره ورايحه للناس فزي ماقلت استخيروا لان كل هالاسباب احسها بسيطه وبسهوله تتعدل باذن الله

ماشاءالله واخواتك مابقو شي فيها
طلعو العيوب كلها حتى الماضي نبشو فيه
افضل شي لكم تخطبو وحدة ماتعرفوها خير شر
لان الواضح ان اخواتك ماحيخلو ولا يبقو في اي وحدة تعرفوها
فخوذو وحدة لاتعرفو ماضيها ولا حياتها عشان مايلقو شي اخواتك يمسكوه عليها

زوجوه يعقل
انتي تقولين تتزوج وتخلف يعقل
مثل اللي يقول زوجوا الولد يعقل
عقلوا الاولاد اللي زوجوهم اهلهم ؟ مو كلهم
لذا مو كل وحده تزوجة عقلت فلا تتدخلين بخطبة لا اخوك ولا احد لاتنصحين باحد
اخوك يبي احد يقول من وامك تروح تخطبها
اذا فيها الزين والشين يقاله
مو انتي تختارين له البنت خلوه هو يختار
واذا صارت مشاكلك بينكم تقولين انااااا السبب انا مدحتها انا وانا زي قريبتي اخرتها ندمت يوم زوجت عمي صديقتها