هل أذهب بأطفالي..إلى .....أم لاأرجو المساعدة؟

الله يختر لك الخير
:26: :26:

انا عن نفسي ما اروح الملاهي ابدا ..

بصراحة لو قبل 10 سنين يمكن افكر لكن الان الوضع صار قلة حيا ..قبل سنة ونص لما رحنا السعودية ورحنا الملاهي ولدي كل شوية يقول ياماما مو هم مسلمين..؟؟!!

اظن اني ما راح اروح الملاهي بعد كدا ابدا ..والفلوس اليي نصرفها في الملاهي نتبرع بيها افضل..وكل ام تقدر تقنع اطفالها بالتبرع صدقيني..

اهم شي تكوني انت مقتنعة انها غلط..

سبحان الله من اسمها ....(ملاهي)...

ما انكر اني كنت اروح واهلي ماقصرو معانا ودونا كل مكان وجزاهم الله كل خير..لكن الاوضاع اتغيرت..

أختي حمرة الورد

جزاك الله خير

لما قريت ردك مسحت ردي خفت لا آخد إثم
وأنا أصلا كنت مترددة

طيب ياليت تذكري البديل مع أطفالك ..إيش تسويلهم
أختي صاحبة الموضوع

أنا بغربة ومن زمان ما أخذت ولدي ملاهي لكن لما اروح السعودية ..بيآخده خاله ..
لكن الملاهي الخاصة بالنساء من زمان مرة مادخلتها

والله المستعان

امل والله اليي رحناها ..الحكير اليي في مكة ..وربي قمة قلة الحيا ولا يخافو الله انهم في مكة ..وطبعا مختلطة.

بصراحة بزورتي ماتعودو على ملاهي ..حتى هنا في امريكا كل العالم يروحو واحنا لا..بسبب انه ابوهم مشغول مرة ..وانا مرررررررة اتضايق من دي الاماكن احس باختناق.

وكان جنبنا متحف للاطفال اذا تعرفيه (بزي ستريت) كنت اروحه مشي منه رياضة لي وتسلية لهم ..وكان مرة رهيب بس قفل قريب ..والله في الصيف بغيت ابكي عليه..

عادة يلعبو بالدراجات والمسبح ومن دي الخرابيط لكن بدائل والله مافي ..وكمان لا اتاري ولا بلاي ستيشن ..والحمد لله احمد ربي عمره محد قال طفشان ..

مرات ضميري يأنبني اني حارمتهم من دي الاشياء اليي متوفرة عند اغلب الاطفال ..بعدين ارجع اقول كيف اطفال العراق والافغان ..واوريهم صورهم عشان يعرفو قدر النعمة ومايبطرو.

ايش فيها لو كان اطفالنا يقضو وقتهم في جمع التبرعات لاخواننا في البلدان المنكوبة؟ ايش فيها لو قعدنا نلعب معاهم العاب تنمي معرفتهم زي لعبة حيوان انسان؟ ايش فيها لو قضينا اوقاتنا معاهم نتكلم عن طفولتنا ؟..

والله سعادة الطفل مع امه تساوي سنين يقضيها في الملاهي.

مرة رتبو للمسلمين رحلة لبحيرة.. والبحيرة فيها زوارق بالايجار ..انبسطنا فيها مرة ..وبط ووز ..ومناظر سبحان اليي خلقها..وكان الزورق يشيل 3 اشخاص ..فكنت انا وزوجي ومعانا معين ..بعدين رحت انا ووحدة بنت من المسلمين واخدت معاذ وميس بالتناوب..

الحمد لله كان يوم ولا ستين ملاهي..

يا اختي بسمة اعذريني اذا كان ردي قاسي ..لكن اليي قاعد يصير مو قليل..بعدين الجوال بالله ايش عرفهم انه فيه كاميرا ,,هدا اذا بينته اليي شايلته..

انا شفته والبنت قدامي صورت ولدي ولا عرفت انه بكاميرا الا لما قالت لي ..كنا احسب انه فيه شي زي العدسة لكن طلع مرة عادي..

هدا شي ..الشي التاني انا دايما اقولهم انا اتضايق من الاماكن المزدحمة اليي مليانة كفار وكلهم يقعدو يبحلقو في كأني جاية من كوكب تاني ..

واسألهم انتو تحبو احد يبحلق فيكم محل ماتروحو ..طبعا محد يحب زي كدا يكفي في الشارع كمان اروح للهنا برجلي..

مساكين روحة السوق تمشية ..وخرجة البريد تمشية ..واذا فتحنا لهم قناة المجد والا الصلاة على النت طارو من الفرح ..

كمان سفرتنا للسعودية هده لوحدها قمة السعادة لنا ..

والحمد لله القناعة كنز لايفنى..

حاولي تقنعي اطفالك انه في الملاهي في شر وفي خير والشر اكتر من الخير ..واغلب الالعاب فيها موسيقى اذا اشتغلت (هدا اليي شفته)..

وحاولي باسلوبك تقربي لهم الفكرة وتوضحيها ..انا مقدرة وضعك وخاصة الدنيا حولك كلها تروح وتلعب وانتو قاعدين..

انا بزورتي بين 3 ونص و7 ونص..ودايما اقولهم الواحد لازم يتعايش مع وضعه ..بابا مشغول مايودينا كل مكان نحتاجه (ركزي على نحتاجه) خلاص احنا نكيف نفسنا على كدا ونستغل اليي عندنا..

طبعا مو دايما يمشي الحال ..لكن تمشية في العصرية تهدي الوضع اذا ثار :)

يا الله قد كدا انا رغاية