هل أراضي زوجي؟

الأسرة والمجتمع

السلام عليكم ورحمة الله وبركاته

غالياتي حكيمات عالم حواء

بأختصار ابي رايكم هل أراضي زوجي ولا أخليه يرضى من حاله

وعشان تحكمون بقولكم مشكلتي معاه وهي

انا جيت عند أهلي في العطله الصيفيه واختي على وجه ولاده

ماقعدت اسبوعين الا قال بجي آخذكم قلت له تونا

ابي اغير جو عند اهلي عشانهم يبعدون عن المنطقه الي اناساكنه فيهااا حدود 800 كيلو

يعني ماجي الا في العطل الرسميه مع ان اولادي صغار مايدرسون بس عشان البعد

وهو مع هذا كله أصر يجي قعد 5 أيام وقال هاذي زياده مني لك

وهو واعدني يتقضى لي للعيد من قبل لايجي ولا تقضى لي ومن اول العطله وهو واعدني اروح للسوق

وساكته ماقلت له شيء قلت مابي منك الا تخليني عند أهلي اغيييير جو واوسع صدري مع خواتي

متى اشوفهم مجتمعين من قبل لايجي وانا احاول فيه ويوم جاء بس مافيه فايده

حسيت اني زي التبع له مالي نفس تبي وماتبي فأصريت على رأيي ماهو بأسلوب الصراخ والمشادات

ولا كلمت ابوي يكلمه لا بس ماتكلم معه الا بالشيء المهم وطول وقتي ساكته ويوم قالي ضفي أغراضك

بنمشي بكيت وهو حس اني مابي بالمره ... فقالي وهو زعلان تبيغين تجلسين أجلسي

أنا اعتبرته اذن منه فرررررررحت وبديت اسولف معه وهو ماعطاني وجه ابدا

ويوم حطني في بيت أهلي استرضيته وحبيت يده ومافيه فايد ه مكتتتتتتتتم مره

المهم راح مشوار مع اخوي ورجع اخوي وعطاني مبلغ قال هذا منه مبلغ مايكفي لشهر الرمضان والعيد

ومع كذا ارسلت له رسالة شكــــر وعقبهاااا رسالتين واتصالات ولايرد علي

مارد علي الا برساله الله لايبيحك ولا يحللك

ومع كذا ارسلت له سامحني لو شايفني غلطانه ولارد الرساله ولاحتى على اتصالاتي

وارسلته رسالة تهنئه بمناسبة شهر الرمضان وبطاقه على ايميله وكتبت في رسال البطاقه

ياليت القلوب تكون صافيه ودخل ايميله وانا توني مرسلتها ويوم شافني متصله طلع على طووووول

وأحب اذكر لكم اني ولا رمضان قضيته عند اهلي ولاعيد من خمس سنوات لانه ماكان مستقر عند اهله

ويوم استقر عند اهله قلت مافيه شيء احاتيه عشانه واتنازل واضغط على نفسي مثل كل مره

وهو عنده مركز في الرمضان والعشر بيعتكف

عشان كذا بجلس غالب الوقت وحييييييده ....

وش رايكم ياأخواتي الغاليات

عطوني من خبرتكم ... وش أسوي أكثر من الي سويته
وهل أنا مخطيه فعـــــــلا
الموضوع هذا متعبني وخاصه ان الشهر داخل وزوجي غير راضي
ارجوكم أذا انا غلطانه عطوني اساليب رسايل اي شيء يخليه يرضى علي ...
ولا يكفي ألي سويته .... واخليه هو الي يركض وراي ...

ارجوكم عطوني رأيكم كأخت لكم
وكل عام وانتم بخير
54
5K

يلزم عليك تسجيل الدخول أولًا لكتابة تعليق.

تسجيل دخول

وتونه
وتونه
الله يصلح ما بينكم ان شاء الله ولا يجي العيد الا وانتم راضين

ما اقدر افيدك صراحه

بس بسالك انتي ما سألتيه ليش هو مب راضي تقعدون ويبغاكم ترجعون خصوصا انك تقولين انه عند اهله
يعني ان شاء الله فطوره وسحوره بيكون جاهز

ورسالته الله لا يبيحك ولا يحللك غريبه ليش ارسلها ما فهمت ليش هذا الرد بالذات ؟
ما أحب الودااااع
ايوة غلطانة

ليه مارحتِ معه
هو اهلك


ان شاء الله ربي يسخرة لك ويهدية
!! نـجـد !!
!! نـجـد !!
حبيبتي ..

انتي غلطــآنه كان رحتي وياه حتى لو ماكان لك خلق ..
يمكنه كان محتاج لك تكونين يمه والاخت اللي تقول فطورة وسحوره بيكون جاهز بس الاكل والشرب
مو كل شي اتمنى تكونين فهمتيني ماقدر اقول اكثر من كذا ...

بعدين حتىآ اهو غلط برسالته الله لايحللك ولا يبيحك من جد أحسها قويه وماكان له داعي يقولها بس أكيد
يومه يرسلها كان متضاااااايق ليش انك مارديتي وياه والواحد يوم يتضايق مايدري وش يقول ..

على العموم الله يحنن قلبه عليك ويخلي لك عياااااااالك ويسعدكم ..


:)
((زوجة رجل طيب))
انا اشوف ياقلبو كان رحتي معاه لان المفروض تعتبريه هو اهلك وناسك يمكن حس بطفش من غيركم واشتقالك وانتي قعدتي عند اهلك وشفتيهم واطمنتي عليهم خلاص يكفي غيرتي جو مو انك مارحتي كان من يوم قال يلا قلتي يلا مكان ماتروح اروح

الله يسخركم لبعض انا اشوف انك غلطانه هو ماحس انك تبغي تقعدي عند اهلك هو حس انك ماتبغيه هو بحد ذاته

نصيحه صالحيه ترى هو الوحيد الي بينفعك
زائرة
الله يصلح مابينكم