هل أرجع لطليقي ؟؟؟؟

بنات أنا انسانة حساسة عشان كذا نادر ماانزل مشاكلي مع اني عايشة بهموم مالها اول ولا تالي هالمرة بستشيركم وان شاء الله اني باخذ برأي الاغالبية طبعا بعد الاستخارة ,, تزوجت واحد قبل سنتين اصغر مني شرطت انه يشوفني نظرة شرعية لاني مترددة خاصة بعد طلاقين لكن الظروف المادية خلتني افكر بالزواج للمرة الثالثة ويعلم الله اني مافكرت بالزواج الا ابي واحد يساعدني بظروفي المادية المهم انه شافني وتمسك بي وشرطت عليه اني مااطلع من شقتي يعني مااختلط بحريمه لان معه مرتين ولا باهله قلت اللي يبي يجيني ياهلا ومسهلا وبحطهم بعيوني وازورهم اما اني اسكن قريب عند اهلك لا ,,, لانهم ماشاء الله عائله كبيرة وله مرة ابو وحريمه الثنتين شقق بجنب بعض ودايم عزايم وانا أخذ علاج نفسي ونومي كثير خفت كل شوي طاب علي احد منهم المهم وافق وفهمت منه انه يبي وحدة يجيها كل فترة يعني بالاسبوع مرة مرتين قال بدفع اجارك وابي اعطيك الف شهري وافقت وتزوجنا وجوني اهله وخواته ومشت حياتنا تقريبا سنه بس كان اذا جاني يجيه رعاف مع الانف يقول لي عشر سنين ماجتني ولا تجيه الا اذا جاني وخاصة اذا دخلنا الغرفة صار يتضايق لاجاني يقول كنت متلهف ابي اجيك بس امسك السيارة جايك تجيني ضيقة انا كنت اتعطر والبس واكشخ وابخر وحركات وليالي رومنسية لاني الحمد لله شاطرة بكل شئ واطبخ انواع الاكل مع انه بعض المرات يقول لاتسوين عشاء بنطلع نتعشى برا بس اقول لا نتعشى بالبيت ونطلع نتمشى المهم ان الوضع تأزم وصارت امه تقول يكون فرحان اذا بغى يروح لك بس يستعد تجيه ضيقة وصار يغيب شهور مايجيني انا بصراحة من الظروف اللي مرت علي قلت بكيفه حتى لو ماجاء انا اهم شئ عندي انه يدفع اجاري ويعطيني مصروف وبعد تقريبا سنه ارسلي بالواتس رساله طويلة مختصرها انه ماكان يتمنى نفترق بس غصب عنه المهم انا مااهتميت يمكن لاني افكر بأجاري وظروفي المادية ,, مر على طلاقي سنه وهلحين له شهور يرسلي يبي يرجعن وكلمتن امه تقول هو متعلق فيك انا ماهمني متعلق ولا ماهو متعلق اذا ابي ارجع برجع عشان ظروفي الماديه بس محتارة اخاف تجيه حالة الضيقة وكل شوي مرة يرجعني ومرة يطلقني انتم وش رايكم ؟؟؟