هل أصارح زوجي؟

جوزي بحبني كتير وهاي صارلنا عشر سنين متجوزين بس بالسنه الأخيره بلشت حس انو بحبني بطريقه تانيه وأسلوب تاني قعداته عالنت علمسنجر تحديدا كترت حسيت في وحده تانيه دخلت قلبو ومحبتو الي صارت الها صار يسهر للفجر كرمال يحكي معها
صرت دور بالنت متل المجنونه وأخيرا لقيت موقع ازا بحط ايميل جوزي بقدر أشوف الي حكو معو وباليوم و بالساعه وازا بضغط على أي واحد حاكي شات معو كان يظهر باتلتفصيل كلشي حكيو سوا حكيت لجوزي هاي المعلومه بس نفى وأكد انو من المستحيل يكون في هيك موقع يمكن فعلا مفي هيك موقع بس المشكله اني عم بقرا اللي بيحكي هو والبنت وكيف انو بحبا اكتر شي بالدنيالا قبلا ولا بعدا بعرف ومتأكده انو بحبني بس حبو ا لهالبنت غير يمكن اكترشي بالدنيا
انا فهمتو اني انا مقتنعه انو ما في هيك موقع بس كنت كل يوم أفوت هاد الموقع وأقرأرسائلو معها بالتفصيل هو ما كان يحكي عني شي ضدي بس كان يحكيلها شغلات تجرح مشاعري هو ما بدو منها شي الا انها تضل رفيقته كل العمر ويحكي معها وأنا ماعاد فيني أتحمل انو وحده تاخد:( من وقتي ووقت ولادي دقيقه وحده فشو بالكم ازا بضل يحكي معها العمر كلو غير حكي الحب الي بحكيلياه
أصارحو اني بعرف كلشي بالتفصيل ولا مشي حياتي طبيعي كانو مافي شي علما صعب هالشي كتير
يا ريت نصائحكم