هل أطفالكم زي بنتي ...أنا تعبت(بنتي والتكييف)

بنات اولا سلام عليكم و رحمة الله و بركاته

ان شاء الله تكونوا انتو واللي تحبوهم باتم صحه و عافيه

بنتي في شهرها الأول كانت كويسه في بيت اهلي نسوي التكييف على الواطي وننام وكان كل شي تمام و كنا نحممها كل يومين مره



لمن رجع بيتي سويت نفس الشي انا ادفي سريرها اللي هو سرير مواليد ويتغطى بمظله واحط على المظله منشفه وشرشف خفيف عشان لا يدخلها الهوا واغطيها بغطاء واغلب الوقت 2 مو واحد
المهم وفوقهم الناموسيه ( كل يوم كدا نفس الحركه)

المهم


لمن جيت بيتي وكملت بنتي شهرين صرت احممها كل يوم لأنه فروة راسها دهنيه وتطلع ريحه

بعد فتره طلع صوت من خشها زي شخير يعني افرازات متجمعه

وموراضيه تروح
رحت للدكتور في الأطباء المتحدون قلي ( هي صغيره مابتعرفش تنف يمكن حاجه وقفت ومش عرفه تخرجها ) قلتله يمكن المكيف السبب ( قلي يادي المكيف اللي متعب الناس)

طنشت وقلت حتروح لحالها وكملت روتيني العادي ترويش كل يوم وادفي سريرها و تنام


الييييييييييييين يوم صحيت البنت الصباح مع كل شهيق و زفير الله يكرمكم المخاط يدخل و يخرج من انفها

حاولت اخرجه بشفاط الأنف و نظفت خشمها بأعواد الأداني ودهنتلها زيت زيتون واحسها مره مكتومه رحمت حالها
وديتها للدكتور بالاداره الطبيه لمستشفى الجامعه

قلي عندها احتقان بانفها و قلي اهم شي خففي الترويش وابعديها عن اتجاه المكيف

المهم هادي الايام صادفت دخولي لاختبار وكنت محتاجه اذاكر فكنت اودي بنتي عند اهلي الظهر واخدها في الليل عشان الرضاعه المهم وقالتلي ماما لاتنيميها بس يومين في المكيف حرام البنت تعبانه

رجعت البيت ونام زوجي بالصاله مشغل المكيف وانا وبنتي نمنا على السرير وفتحت باب غرفة النوم عشان يجينا شويه هوا المهم نومنا يومين على دا الحال

اتحسنت واليوم التالت باتت عند اهلي واساسا امي عشان رجولها توجعها ونصحها الدكتور ماتنام في مكيف علطول المكيف عندها على الواطي

رابع يوم اخدتهاالبيت بعد الاختبار ونمنا حطيتها في سريرها ودفيته زي الطريقه اللي ذكرتها و وطيت المكيف مرررررررررررررررررررررررررررره لدرجة انا و زوجي ننام بدون غطا ونقوم كل شويه من كتر الحر وصحيت الصباح والبنت خشمها رجع شويه يسوي صوت بس مو زي اول يعني على خفيف
واليوم الخامس اللي هو امس نمنا بنفس طريقة اليوم الرابع واليوم صحيت وخشمها مررررررررررررررررررره مسويه زحمه واصوات يوووووووووه انا و زوجي كنا شويه ونفطس من الحر عشانها و خشمها زاد سوء طيب وبعدين؟؟؟


ايش الحكااااااااااااايه ؟؟


انتو واولادكم هل بتناموا بدون مكيف ولا ايش؟؟؟؟؟؟




كيف بتنوموا اولادكم فين موقعهم من المكيف وكيف تدفوا سريرهم؟؟؟؟


هل زيادة تدفئة سريرها هو السبب لأنه احيان تصحا جسمها معرق من كتر التدفئه بس صوتها يسوي اصوات

خلااااااااااااص انا عجزت افهم كيف انومها بمكيف ولا بدون ؟؟

ادفيها ولا لأ ؟؟؟؟؟؟؟؟؟؟؟

قولولي :06::06::06::06: