هل أطلب الطلاق

السلام عليكم اخواتي
قبل كلشي رجاء من المنتدى بعد فترة امسحو الموضوع ولاتطنشو زي كل مرة
مابعرف كيف ابدأ ولا كيف أحكي
انا يابنات عم فكر بالطلاق بس مابعرف ماعم اقدر اطلع هالشييء لزوجي وأصارحو انا والله تعبت من تصرفاتو لم اعد استطيع أكثر مع اني كنت شايلة فكرة الطلاق من بالي بس اخر فترة عم تراودني وبكثرة وهو كب الزيت على النار بأخر تصرف انو مد يده (الصراحة مش الضرب الي فبالكم بس على يدي )بس انا مااتقبل هالشي لكن هو عارف اني بكره هالشيء لهيك يعملو
يمكن شفتو مواضيعي من قبل بس رح ارجع اقول سلبيات زوجي ورح اذكر الا الشيء الي مأذيني كثير وانتو انصحوني
مدمن تبغ مع انو يوقف فترة بس اذا غضب رجع له ويقلي انتي السبب كل مابحكي معو يزعل ويرجع للتدخين ولا التنباك وعمدا علشان يقهرني ولعلمكم انو كان شرط زواجي الوحيد هو يتوقف عن الادمان لكن مرت خمس سنوات وانا على نفس الموال يوقف ويرجع مع انو طبيب قالو وقف بسبب مشكل الانجاب لكن مدري احسو من النوع الي مش طبيعي ومايفهم

ثانياعصبي كثير كثير وانا متأكدة انو جزء كبير من عصبيتو هي التبغ
وثالثا واهم شي الي هو مد يده الصراحة ماعم اتقبل هالشيء ابدا وانا ماأحكي عن الضرب المبرح هو. أصلا لما يكون يمزح يضرب ويدفش
فلما يعصب يصير يدفش ولا يضربني على يدي ويقول اني ماضربتك لأنو مابعرف شو مفهوم الضرب عندو يمكن تكسير العظام مابعرف انا عم كبر القصة ولا هو ضرب ضرب سواء خفيف ولا لا مع انو مرة ضربني ضرب مو خفيف لأنوبوقتها فكرني غلطت على اهلو وانا ماغلطت ولا شي بس عصبت حكيت كلام فاضي وصارت مشكلة كبيرة بس وقتها كان في عرس اخوه ورفض ياخذني لبيت اهلي لأنو خاف من الفضيحة لأنو اخوه كان خاطب اختي قبل 😩
ورجع اعتذر مليون مرة قريب حب رجلي بس انا ماسامحت وادري انو وقتها فقط مكتوب الله الي ماخلانا طلقنا وقتها
ويرجع ويمد يده بعدها ولما يحس اني بدي اروح لأهلي يرجع يعتذر ويحلف حتى اني دخلت اهلوو فالموضوع بس قالو لي لا تطلقي وهو هيك عصبي بس حنون ومن هالخرطي بس ابنهم ادري مارح يوقفو معي ضده حتى لو نصحوه والمشكل احس انو مارح يتغير انو خلاص تعود يجرحني ويعتذر واسامح وامشي الحياة
بس انا هالمرة خلاص احس عيوني تغمضو ماعم فكر بشي غير الطلاق
بس كاإجابية حابة اذكرها انو نحنا زوجين طاقتنا حلوة وبيناتنا حب ومنسجمين وهو مامقصر معي بشي بس هو جرحني كثير وانا طفح بيا الكيل
ادري انو حكيي مخربط بس حاولت لخص مشاكل خمس سنوات على قدر المستطاع وماذكرت كلشي
بس لعلمكم مشكلتي الكبيرة معاه او بالأحرى سبب أغلب مشاكلنا الي تكن كلها هي التدخين يمكن تقولو انا جبت الهم لحالي واغلب الشباب مدخن بس انا رافضة التدخين رفض نهائي مع انها عدت خمس سنوات يوقف ويرجع بس انا مصرة كثير انو يوقف نهائي حتى اخر مشكلة بسبب التدخين يعني باختصار
تدخين ثم عصبية ثم ضرب
المهم انصحوني وضعي يستدعي الطلاق
ولا الزم بيتي وامشي الحياة للعلم ماعندي اطفال