السلام عليكم ورحمة الله
أول شي أبي أعرفكم عن نفسي .. أنا آنسة جامعية وعلى مشارف الثلاثينات
ما أقول عني ملتزمة .. بس الحمد لله ما أطلع من البيت إلا محتشمة و ما أحب الاغاني ولا الغيبة حتى لو أغتبت أنا بداخلي ما أكون مرتاحة والوالدة الله يحفظها ربتنا و علمتنا على المحافظة على الصلاة و قيام الليل حتى لو بس نصلي الشفع والوتر
المهم إني أنا الوحيدة اللي باقية إلى هالعمر وكل اللي بسني من زميلات الدراسة أو بنات العايلة متزوجات من زمان وأنا مثل كل البنات حلمي إني أتزوج وارتبط برجال صالح و إن الله يرزقني بالذرية الصالحة
مثل ما قلت لكم إني مو ملتزمة بس أتمنى شخص ملتزم وعاقل ومحافظ على الصلاة عشان يساعدني في تربية عيالي أبي شخص يذكرني إذا نسيت أو تهاونت في الطاعة
يعني والله كل طموحي بشخص يساعدني عشان أكون أفضل من كذا وعشان نربي عيالنا أحسن تربية مو واحد يكون فتنة لي ...
المهم إني أنا للحين محد تقدم لي مناسب أو بالأحرى محد قبل فيني :(
كل اللي يجون يا إما أكون أنا أكبر من ولدهم أو مواصفاتي الشكلية ماتعجبهم وأنا تعبت أبي أتزوج وأكيد أنتوا عارفين وتحسون فيني ودي يكون لي بيت وعيال مابي أكبر أكثر من كذا وأنا أحس إني على هامش الحياة ومالي أي قيمة :(
المهم إن ولد جيراننا أكبر مني بكم سنة ومن زمان وهو ناوي يتقدم والأسبوع اللي فات سمعت إنه خلاص معزم وراح يجي بأقرب وقت ... والمشكلة إن هذا هو الشخص الوحيد اللي أحس أنه شاريني بس مو هذا مواصفات الإنسان اللي أتمناه ...
وعشان ما أظلمة راح أقول لكم إيجابياته أولا اللي سمعته إنه خدوم و أمين وماياكل حق أحد بس بنفس الوقت الله يهدية لسانة متبري منه والشي اللي خلاني أنفر إنه دايم يشتم ويلعن في أبوه .. على أساس إنه كان بخيل ومهمل فيهم بس حتى لو هالكلام صحيح هذا مايسوغ له يلعن أبوه هذا عقووووق وغير كذا في ناس من داخل عايلتهم قايلين إنه مايصلي ولا يدري وين المسجد وما أدري هل هالكلام صحيح ولا لأ بس اللي خلاني أتأكد إن هالكلام طلع من وحدة مسكينة وعلى نياته فمستبعدة أنها تكون كذبت وخاصة إن هو صاحب شخصية قوية وجذابة وكثير من إخوانة الأصغر منه يقلدونة في التهاون بالصلاة وغيره وأنا خايفة .. مابي لو قبلت فيه عيالي يتاثرون بابوهم ...
والله أنا محتارة ..
ساعات أقول أوافق وأحاول أصلحه ولو ما قدرت أخليه وأعيش أنا حياتي وأربي عيالي أحسن لي من أكون عانس
يعني المختصر وعشان أوضح لكم المشكلة أكثر ,,,
أحس قلبي يقول وافقي طالما إن هذا الشخص الوحيد اللي قبل فيك ويبيك
بس عقلي رافض الفكرة نهائياً مو هذا الشخص اللي أتمناه , طول عمري وأنا أتابع البرامج الأسرية وأتمنى أنشأ بيت مستقر ومثالي زوج صالح وأبناء مطيعين ومؤدبين ودي يكون القرآن دايم شغال في بيتي والصاة هي أهم شي عند أفراده ودي أشوف زوجي كل شوي طالع للمسجد وبار بوالدية وكل هالأمور ما أنوقع إنها متوفره في هالشخص خاصة إن من طبائع عايلتهم إن الأب ماله أي دخل في عياله دايم يتذمر منهم وده يفتك منهم بأي شكل دايم في الإستراحات ومع ربعة والمسؤلية كلها على الأم وأنا خايفة يكون هو مثلهم طالما أنه واحد منهم
شوروا علي الله يرضى عليكم ولا أحد يقول لي إستخيري .. الإستخارة أمر مفروغ منه إن شاء الله بس أنا أبي إستشارة
وآسفة على الإطالة لكن شرحت لكم كل شي بالتقصيل لأني أبي رأي محايد
في ناس علاقتهم طيبة مع هالشخص وأهله ويقولون لي وافقي وفي ناس بالعكس لهم مشاكل معهم ويقولون لي بتندمين وأنا أحس أني بين نارين ومحتاره
وجزاكم الله خير مقدماً
أنوثه..! @anothh_3
محررة
يلزم عليك تسجيل الدخول أولًا لكتابة تعليق.
الله يحقق مناك يااااااارب
ياعيوني انتي اذا حسستي نفسك انك ماراح تقدرين تتقبلينه والله لو صار دره ماراح تتقبلينه
حسسي نفسك انه معاك بيتعدل ويتغير
اهم شي مايكون انسان حشاش او متعاطي او يشرب وباقي الاشياء تتغير
لان المدمنين ماعاد يصير عندهم اراده الله لايبلانا
ياعيوني انتي اذا حسستي نفسك انك ماراح تقدرين تتقبلينه والله لو صار دره ماراح تتقبلينه
حسسي نفسك انه معاك بيتعدل ويتغير
اهم شي مايكون انسان حشاش او متعاطي او يشرب وباقي الاشياء تتغير
لان المدمنين ماعاد يصير عندهم اراده الله لايبلانا
وشي ثاني الي تشوفينه في البرامج الاسريه ولقاءات لاتصدقينه لكل حياه زوجيه مشاكل بس الناس وتعاملهم معاها يختلف
يعني ممكن يجيك ملتزم ماعنده اخلااااااق
وممكن انسان عاااااااادي وقمة في الخلق
يعني ممكن يجيك ملتزم ماعنده اخلااااااق
وممكن انسان عاااااااادي وقمة في الخلق
الصفحة الأخيرة
والله يكون معاك