بنات انا محتاره ومو عارفه شسوي .... انا متأخره علي الدورة 3 ايام واحس بمعظم اعراض الحمل .... اول يوم من تأخر الدورة الظهر نزل علي افرازات بنيه وبالليل صارت بيضاء عادي
ثاني يوم الصبح حللت بالجهاز المنزلي وطلع لي خطين واحد غامج والثاني يادووب يبان وبنفس اليوم رحت سويت تحليل دم وطلعت النتيجه سلبيه
وباليوم الثالث سويت تحليل الدم الهرموني وبعد ساعه طلعت النتيجة وكانت نسبة هرمون الحمل 5.02 وقالت لي الدكتورة النتيجه لا سلبيه ولا ايجابيه وتقول يمكن عمر الحمل اسبوع بس علشان جذي النسبة قليله ويمكن مافي حمل وتنزل الدورة بعد كم يوم مع ان عمرها ما تأخرت علي... وقالت لي انتظري اذا مانزلت عيدي التحليل مره ثانية بعد اسبوع
وانا احس بخوف لاني اول مره يصير معاي جذي واحس ان نفسيتي تعبانه .... شرايكم بنات شتتوقعون
بنات انا محتاره ومو عارفه شسوي .... انا متأخره علي الدورة 3 ايام واحس بمعظم اعراض الحمل .... اول...
لا يضيق صدرك ياقلبي ولا شئ ..
أنا كنت متزوجة لي سنتين ومابقى احد يسالني عن الحمل ؟؟
ورى ما حملتي ورى ما حملتي ؟؟
لدرجة خالتي ( أم زوجي ) قالت لي يوديك اعالجك ؟؟
وإذا اجتمعوا يوم الخميس قاموا ويفتحون الموضوع ..
والمشكلة والداهية الحين إن العيب في زوجي مو فيني أنا ..
انا رحت للمستشفى وكشفت وكل شئ طلع سليم ..
ورحت وحده تعالج وكشفت علي وقالت مافيك شئ ..
المهم ... إني زوجي عنده دوالي ..
ومحتاااج عملية ..
ونسبة الحيوانات المنوية ضعييييييييييييفة جداً ..
والدكتور قايله لازم عملية ..
(( هالكلام ما يدري عنه أحد لا من أهلي ولا من أهله إلا أنتِ الحين )) قولي قسم خخخخخخخخخخ
ومن قاله الدكتور هالكلام وأنا ادعي ربي ليل نهار إني احمل ..
وخاصة صلاة الليل .. وكثرة الاستغفار له سحر عجيييييييب ..
والصدقة .. لا تقولين مبلغ قليل اللي تقدرين عليه ..
المهم .. جلسنا فترة .. واهله مازال يزعجوني بهالشئ ..
لدرجة اني قلت له واجلس اصيح في الليل من القهر ..
وقرر الدكتور العمليه له على الأسبوع الجاي ..
وأنا قلت له لاتقول لأحد أبدددد ..
بنقولهم بنسافر وأنا برافق معك في المستشفى ..
وإذا طلعت بالسلامة بروح لفندق الين تخف ونرجع للبيت ..
وخلاص ماراح احد يدري ..
المهم وانا طول هالفترة وانا ادعي ربي قايمة قاعدة ..
وأنا اجلس انظف ادعي وانا اغسل ادعي ..
وانا امشي في السوق ادعي ..
وانا اروح افتح باب الشارع والله كنت ادعي ..
يعني كل وقتي كنت أدعي ربي ..
المهم تأخرت عني الدورة .. ومو من عادتها ..
ومن كثر ما رحت احلل واطلع مو حامل استحيت اقوله ..
قلت خليني اصبر ..
المهم .. شفت ان لون البول متغير واحس بدوخة واستفراغ اذا قمت الصباح ..
وشريت اختبار تحليل الحمل وسويته في البيت وهو مايدري ..
وجلست انتظار النتيجة .. صح هي دقيقتين .. كنها عندي سنين ..
وطلع خطين ..
والله الدنيا ساعتها مو شايلتني من الفرحة ..
وجلست احمد ربي واشكره ومو مصدقة اللي اشوفه ..
وكان زوجي وقتها طالع مو في البيت ..
وقلت ماراح اعلمه اخاف اني ما صرت اشوف زين ..
ورى بيتنا على طول مستوصف واتصلت على مرت أخوه (( بصراحة كنها أخت ))
علاقتي معها قوية .. صايرين قريبين من بعض ..
وقلت لها طلع خطين .. تعالي معي ابي اروح للمستوصف احلل ..
المهم .. اطير انا وياها ..
وسحبوا مني عينة الدم .. وقالت انتظروا عشر دقايق ..
اطول عشر دقايق مرت علي ..
وبعدين جت الممرضة ونادت على اسمي ..
وقالت : مبرووووووك إنتِ حامل ..
يوووووووه بغيت احب راسها ..
ورحت محل ملابس الأطفال جنب المستوصف وشريت اللي شكل رضعة كبيرة
وفيها أغراض البيبي ..
ورجعت للبيت ولقيت سيارة زوجي عند الباب ... وانا ماعلمته إني ابطلع من البيت من الفرحة
ودخلت وهو معصصصصصصب ..
قال لي : وين كنتي ؟؟
قلت : رحت اشتري لك هدية ؟؟
قال : وش هديته ؟؟ بعدين وش المناسبة ؟؟
وطلعت له الهدية (( الرضعة الكبيرة )) قلت له تفضل هاذي هديتي لك ؟؟
هو استغرب وجلس ينااااظرني !!!!
وقال : لا يكــــــــون !!!
قلت : إيـــــــه أنا حــــــــــــامل ..
والله فرح مسكيييييييييييييييين مررررررررة ..
وزوجي عااااد يحب الأطفااااااال مررررررررة ..
وراح يبشر خالتي وهي بعد فرحت ..
وبعد أسبوع تقريباً زوجي توه طالع من المسجد وشافه الدكتور ..
وقاله : وينك ؟؟ ليش ما جيت لموعدك عشان العملية ؟؟
قال زوجي : خلاص الحمد لله ماراح اسويها ؟؟
استغرب الدكتور منه ..
وراح زوجي وخلاه ..
والحين بنتي عمرها سنة وتسع شهور ..
والحمد لله على كل حال ..
معليش طولت عليك وقلت قصتي بالتفصيل ..
عشان لا يضيق صدرك ولا فيه شئ يعجز الله سبحانه ..
(( كن فيكون )) ..
والحين لي خمس سنوات وانا متزوجة ..
والحين ابي اعود بنتي على الحمام _ الله يكرمكم _ ؟؟
احسها كبرت على البامبرز بس ما ادري وشلون ؟؟