
جود وعهود @god_oaahod
عضوة نشيطة
هل أنا طبيعية والا جاني تبلد أحاسيس؟؟؟؟
صبايا بدخل في الموضوع على طول أنا متزوجة لي عشر سنين عندي 4 أطفال والخامس في الطريق بإذن الله بعطيكم نبذة عن زوجي عشان تفهمون قصتي زوجي مريض سكر وضغط له 6 سنين هو اساساً شخصيته انتقادي يدور الزلة على أي شئ ينتظر مني الغلط وحتى لو ماغلطت يركبني الغلط انا من النوع اللي احب أنجز شغلي بكيفي وعلى مهلي هذا طبعي طبعاً احاول قد مااقدر انه مايمسك علي شئ في بداية زواجي كان لما ينتقدني ويهاوشني ابكي وبعدها تطور الموضوع وجاني تبلد هالفترة لا أحس جاني شئ مو طبيعي صرت اطنش ولاازعل تلاقينه يهاوشني ويقول ردي علي واقول مالي نفس اناقش او اقول انا مبسوطة ولاودي انكد على نفسي اول كنت ازعل ثلاث ايام اربع ايام وألحين والله يابنات انه يهاوشني من هنا تلاقيني اقرأ كتاب والا اسولف واتس والا اجهز لسهرة ع فلم بروووود فوق المستوى اليوم صارت مشكلة بسيطة سويت عشاء وكان من ضمن مقادير الاكل كتشب وزوجي طالع داخل يأكل ومرررة اعجبته الطبخة لما جلسنا ع الاكل قال فيه زي طعم السكر انا قلت من حسن نية كتشب وزعل وليش ماقلتي المقادير من اول ليش تلفين وتدورين هو يأكل الكتشب بس ماادري وش فيه قلب فجأة قلت انت ماسألت وش المقادير وقام وقفل الباب بكل قوته انا الامر عندي عااادي اكلت وغسلت مواعيني وجلست اسولف مع اختي وهو زعلان بعدين جاء يعتذر قلت عادي لاتعتذر انا ماعاد يهمني شئ صرت اخذ الامور بهداوة يعني انا مستغربة من شخصيتي كنت حساسة والحين يابنات صرت ثلج كأني عايشة لحالي بعض الاحيان اقول طبيعي من كثر الدق وبعض الاحيان اقول لاانا شخصيتي تطورت لأن اقرأ كثير وخاصة في تطوير الذات او قصص اللي احس فيها زيادة في الثقة اللي مثلي تقولي وهل انا طبيعية او لا...
49
10K
يلزم عليك تسجيل الدخول أولًا لكتابة تعليق.

الله يعطيك العافية يالمزيونة فعلاً انا ماصار الموضوع عادي بس بالعكس أحسه عاجبني ماعاد احس بقهر ولاغبنه عايشة حياتي بهدوء وراحة..


زوجكك زي زوجي
وانا مثلك ههههه ازعل ع طول واقعد 3 ..4 ايام
ومابعد وصلت لمرحلة التبلد ليتهاا تجي
احس عادي وانا متزوجه لي سنتين
وانا مثلك ههههه ازعل ع طول واقعد 3 ..4 ايام
ومابعد وصلت لمرحلة التبلد ليتهاا تجي
احس عادي وانا متزوجه لي سنتين

ام فهارس
•
طبيعيه وتعجبيني
الرجال يبيك علطول حساسه وتزعلينزوتراعين مشاعره اهنيك انا لي ١٨ سنه متزوجه وزوجي مثل زوجك وتوني الحين اطنش وعيش يدورون الغلط واذا مافيه يخلقونه وكله جالس الوحده انا بمل صراحه عايشه مع بناتي مبسوطه اطبخ وسولف واكل وهو يمشي ويطالعني بعين وكني عدوه لاني مارزقت بولد حاقرني وماينام معي ويعاملنيدوكني عدوه والله اني مرتاحه كذا معليش فضفضة بس خليك كذا مشي امورك والي يحب زوجك واذا طلع مشكله طنشي وعيشي
الرجال يبيك علطول حساسه وتزعلينزوتراعين مشاعره اهنيك انا لي ١٨ سنه متزوجه وزوجي مثل زوجك وتوني الحين اطنش وعيش يدورون الغلط واذا مافيه يخلقونه وكله جالس الوحده انا بمل صراحه عايشه مع بناتي مبسوطه اطبخ وسولف واكل وهو يمشي ويطالعني بعين وكني عدوه لاني مارزقت بولد حاقرني وماينام معي ويعاملنيدوكني عدوه والله اني مرتاحه كذا معليش فضفضة بس خليك كذا مشي امورك والي يحب زوجك واذا طلع مشكله طنشي وعيشي
الصفحة الأخيرة
اذا في البدايه الشي او الامر ممكن يكون شاذ او غير مالوف للعقل او الجسم فتلقائيا الجسم يكونرده فعله عفويه
اذا تعودتي على الشي خلاص صار الامر عادي
الله يهديه زوجج