هل أنا فعلاً مالي رأي ؟

مراحب بنات
ابوي يوم انخطبت من ناس برى العائلة سوى عزيمة لكن يوم تملكت ماعزم حتى اخوانه ولا جدي
بس بلمكة خواتي سوى عزيمة و عزم و تكلف يمكن عشانه من اهلنا


لكن اللي قهرني اكثر ان اتصلو على ابوي قالو ما بنسوي حفلة زواج و قالو ابوي اللي تبونه سوه
و لا قالي انتي موافقة او لا
ولا خبرنا حتى
جلسنا ننتظر عشان نعرف الموعد امي اتصلت على الام و سالت عن موعد الزواج و سكرت وصرفت بعد كم يوم رجعت تتصل قالت حنا متفقين مع ابوكم من شهرين ان مافي حفلة فالبيت 💔
المشكلة ماخبرني و انا جالسة ادور مصورة و كوشة قالت امي لا حنا نبي زواج و نبي نفرح 💔
قامت اختي الصغيرة جمب امي صرخت و قالت لااااا ياخالة نبي حفلة !!!!
تخيلو متفشلة و زعلانة ابي حفلة مثل غيري و من كلام اختي الحين يحسبوني انا
عاد للحين ماردو




و كمان في مشكلة صارت يوم الملكة و كنت زعلانة و سمعو بكاي كنت اوقع و ابكي و زعلانة بسبب موقف من ابوي


ماخبرني بملكتي وقد حطيت موضوع
تخيلو صاحية من النوم
قالو 5 دقايق ويجون ماحد حولي رحت نظفت وانا ابكي
و امي تصلح القهوة
و انا خلصت رحت ابكي 😭😭
قالو محد جاي غير الرجال رحت اخذت فراشي ونمت و جو يصحوني قالو يلا يلا تجهزي الحريم بالطريق
لا مجهزة لبس ولا تسبحت ولا شلت
ما كنت ادري وين ابدا فية وفالطريق بعد ؟
توكلت عالله واخذت شور لجسمي و شعري طلعت استشوره وانا وجهي احمر من البكى
قالو خلاص ماراح يجون والله كنت ادعي يارب ما يجون و لا ادري اش اللي خلاهم يهونون


بس المملك و خطيبي وابوة
المهم ابوي دخل علي وانا زعلانة لان كانت امي تسالة عن موعد الملكة
جاء و ناقشني عن مهري قال الناس رافضين يدفعون لك
قلت في نفسي ايش هذي البجاحة جايين يملكون و يختارون مهري بعد
قال نزلي خليه كذا قلت خلاص اللي تبية
راح نزله اكثر من اول قال خلية كذا
قلت سو اللي تبغاه ما يهمني شيء ابد
كان همي بس ارجع انام بعد اللي شفته
المهم ماطلع ابوي الا اخوي جاي يقول خلاص قل لهم المهر اللي تبيه هنا ناظرت ليش يقول ابوي ما بيدفون واخوي يقول قل لهم خلاص تناقض يعني مادري ابوي نزل من نفسة والا ايش


اصلا ما يهمني المهر و الله لان امي اللي طلبته
ولا طلبت اكثر من اخواتي اللي قبلي معر بسيط جدا نفس كل البنات
رضيت و حاولت انسى اللي بالملكة
لكن ليش يحرموني فرحة الزووووووووواج !
هل لي حق اني امانع والا ارضى و اسكت !!!
ليش وانا بنته مثل خواتي كل زواجاتهم قال لا لازم حفلة !!!!!


مره متضايقة ولا ابغى اعاتبة اكتفيت وقلت لاني تقنع الام