هل أنا مجنونة أم غبية؟؟؟

بدون مقدمات بقولكم سالفتي وقولوا لي رايكم وأنصحوني وإلي مثلي تقولي وإلي حابة تساعدني لازم تقرأ كل قصتي عشان تفهمني وتقدر تنصحني

أنا وحدة متهورة ومتسرعة وماعندي صبر نهائي وعصبية وكل شي أبيه بسرعة(بقولكم بس عيوبي لأني حابة أصلحها) بس المشكلة الكبيرة ماهي هنا رغم كل ماسبق يسبب لي مشاكل
أنا مشكلتي الكبيرة هي كالتالي :وحدة بالواقع أعترفت لي فيها وقالت بصريح العبارة أنت مجنونة إلي تجرت تقولي بالواقع أنت مجنونة بس وحدة ووحدة ثانية من صديقاتي قالت لي أنا أحسك غبية (رغم أن فيه بنات غيرها يقولون أنت ذكية) ويابنات أنا بديت أعرف مشكلتي الحقيقة من خلال النت لما أسولف مع بنات المنتدى كثثثثثثثثثثثثثثثثير سمعت منهم أنت مجنونة أنت مو صاحية أنت غبية وأكثر من بنت قالت لي هالكلام وهذا يدل أن المشكلة فيني مو فالناس

أنا هنا عرفت أن فيني شي مو طبيعي وقلت لازم أسأل وحدة من هالبنات إلي بالمنتدى إلي تسولف معي بالخاص وأقولها ليش حكمتي علي إني مجنونة ؟؟؟وسألتها قالت لي أنت مدري شلون تدخلين بموضوع وإذا جيت بركز معك في هالموضوع طلعتي لموضوع ثاني وأركز بالموضوع الثاني تطلعين لموضوع ثالث وتقول أحسك ماتفكرين قبل تقولين الكلام يعني تقولين الكلام بدون تفكير
وسألت وحدة ثانية وقالت أنت ماتثمنين كلامك
وسألت ثالثة قالت دخولك بموضوع وخروجك منه لموضوع ثاني يخووووف تقول أشك في قدراتك العقلية إذا دخلتي بموضوع وطلعتي لموضوع ثاني
وسألت رابعة وقالت أنت تقولين كلام ماينقال يعني ماتثمنين كلامك (أنا أحس كلامي عادي ) بس فعلا أنا من غير ماأحس أدخل بموضوع وأطلع لموضوع ثاني وأدخل وأطلع وأدخل وأطلع بكذا موضوع ولا أدري الا يوم قالوا لي بديت أركز على نفسي
بالواقع سألت إلي قالت لي غبية قلت ليش وش الشي إلي خلاك تحكمين علي إني غبية ؟؟قالت أحسك ماتستوعبين بسرعة ونفس الوضع بالنت فيه بنت قالت لي أحسك ماتستوعبين بسرعة وأحسك غبية
ووحدة بالنت بعد قالت أحسك غبية لأنك وأنت تقولين لي مشاكلك أحسك ماتقدرين تتحكمين بالمشكلة تعيشين بمشكلتك سنين وهذا يدل إنك غبية

أنا هنا قلت الحمد لله قالوا لي عيوبي عشان أعدلها وقلت لو أنا غبية الغباء ماله علاج ولو أنا بس مجنونة الجنون يمكن له علاج رحت وسويت أختبار قياس الذكاء وأنا متوقعة إني غبية مية بالمية بس يوم طلعت النتيجة أنصدمت طلع معدل ذكائي أكبر من معدل ذكاء الناس العاديين يعني واصل لدرجة العبقرية المهم ماصدقت إختبار الذكاء وقلت لو أنا فعلا ذكية شفت هالشي بحياتي الواقعية وتأثير هالذكاء علي أنا حتى ماقدر أحل مشاكلي ومرات أتصرف بتهور بدون ما أحس بنفسي رغم إني كبيرة

أكيد تقولون طيب الحين وش تبين منا ؟؟؟
أبيكم تقولون لي حل لمشكلتي إلي أدخل بموضوع وأطلع وأدخل وأطلع وأدخل وأطلع بكذا موضوع في نفس الوقت الناس تتضايق من هالشي فيني وللأسف محد صرح لي بعيوبي الا قلة جدا
ومن فيكم مثلي وتعدلت أبي أكون عاقلة وشخصيتي متزنة مابي أصير متهورة العصبية أمرها محلول بس أبي أعدل هالشي فيني وأحس بنفسي وأنا أسولف مو أنسى نفسي وأقعد أدخل وأطلع بكذا موضوع والناس تنقد علي

أبي أذكركم أحمدوا ربكم على العافية ولا تتطنزون علي يبلاكم الله