هل أنا مغفلة ؟؟؟

السلام عليكم ورحمة الله


بأعرض مشكلتي بشكل مختصر وأتمنى أجد بينكم الحل أو النصيحة



تزوجت أخو صديقتي من حوالي 4 شهور


كانت فيه كل الصفات اللي تتمناها أي عروس .. من الطيبة والحنان والذوق والتعامل الراقي

كذلك عقله كبير و مثقف ولله الحمد ( هو مطلق وأنا مطلقة ) ..


لكن كما يقال ( الزين مايكمل )


بدأ بعد أيام من الزواج يمهد لي و يعترف لي بماضيه في المكالمات والعلاقات مع البنات وإنه كان وكان وكان .... الخ

طبعا علاقات تلفون وماتعدت ذلك أبدا وأنا واثقه من ذا الشئ


المهم مع الوقت اكتشفت انه مازال على نفس الحال و المكالمات والترقيم مستمر


والأدهى والأمر إنه مازال على علاقة اتصال مع طليقته .. وكانت تجي على جوالي اتصالات يحذروني من علاقاته ..

ولما واجهته بالأمر قال إنها الآن محرمه عليه وتعتبر مثل أخته ( تحسونه وقح صح ؟ )


توالت الظروف و حصلت بعض المشاكل و بالفعل ترك مكالماته مع طليقته


بعد كذا بقى عندي مكالماته مع البنات .. ماني عارفه اتصرف معه فيها


مع الوقت أصبح يجاهر أمامي إنه يكلم وحده .. وتمادى الوضع وصار يطلب مني أقفل التلفون علشان يكمل معهم


( طبعا هو عايش في مدينة وأنا في مدينة بسبب ظروف عملنا )



أعرف إنه يحبني وماقصر في حقوقي بشئ .. بالعكس يدور راحتي ورضاي


وأنا ماقدرت أشد معه أكثر وتركت الأمر لضميره وفي كل نقاش أذكره إن ربي ممكن يبلاه في أخواته أو فيني ونصير نكلم شباب ,, ومع كذا ما يتعظ ولا يخاف


كل مره يكرر كلامه إنهم مجرد تسلية وتضييع وقت وإنه أنا الأساس ومايسوون شعرة من راسي

و بكل مره أيضا يبرر أفعاله إنه تعود ومحتاج مني الصبر علشان يترك هالعادة


الحين خفف كثير ومابقي معه إلا ثنتين " خطير زوجي "


انا عارفه إنه يحاول يرضيني .. لكن بنفس الوقت ما أستحمل القى جواله انتظار واعرف انه يكلم غيري


ممكن القى عندكم حل ؟



*********************

كتبت الموضوع بسرعه .. ربما إني محتاجه أفضفض .. ويمكن ابي احد ينصحني


لو فيه أخطاء او كان غير مرتب .. سامحوني