هل أنا وزوجي غريبين في هذا الزمن فعلا ً ( بيتنا يخلو من الستالايت)

أخواتي

لا أعلم هل انا غريبة أم محظوظة لأن بيتي لا يوجد به دش ولله الحمد والمنة :)

اذا جلست بين الحريم وصاروا يتكلمو عن مسلسلات واشياء طبعا ً ما ادخل معهم في السواليف لأني باختصار مدري وش القصة

واذا حاولت وحدة تدخلني معهم قلت :مدري ماعندي دش
طااااارت عيونهم

والسؤال المعتاد : غريبة قولي والله ماعندكم دش ؟؟!!

طيب وزوجك !! وعيالك !!

واذا قلت لهم هو اللي ما يبغاه طارت عيونهم اكثر واستغربوا اكثر
واستشف من ملامحهم انهم يكذبوني


وزوجي بالعمل

يتعرض لنفس الأسئلة : ماعندك دش ؟؟؟!!!!!!!!!!

ولأن مظهره عادي وما يظهر عليه الاتزام الجميع يستغرب


القصة من البدايه

من تزوجت ماكان عند اهلي دش من الاساس فكان الوضع بالنسبه لي عادي
يمكن ذاك الوقت ما كان الدش بكثرة زي هالوقت بكل بيت
مع ان ما صار لي 7 سنوات متزوجة
بس من سكان القصيم


ما اكذب عليكم كنت اتمنى ان زوجي حاط بالبيت دش
<< كانت تموت بالمسلسلات

وكم مرة تناقشت معاه ويرفض ويقول لي خافي ربك كيف نحط دش ببيت المسجد ( كنا مستاجرين بيت المؤذن )

المهم مشت الأمور عادي

وركبنا المجد :)

وربي اروع جهاز طلع بالدنيا

قنوات متنوعة ومنتهى الرووووعة

تخلو من النساء والموسيقى وهذا اهم شي

اطفالي اعمارهم الان 6 - 4 سنوات

تخيلوا اذا شافوا اي لعبة لازم يقصرون الموسيقى

وربي ساعدتني المجد بتربية أطفالي من نواحي كثير

الاخلاق عالية يارب لك الحمد
يكرهون الموسيقى جدا ً

وعشان اوضح لكم الصورة

ترى لا انا ولا زوجي ملتزمين

فقط نحاول ان نبتعد عن الحرام قدر الامكان

يعني لا تفكرون بيتنا حلقات ذكر

بيتي يحتوي على جميع وسائل التسلية والترفيه والألعاب الراقية :)

لكن الدش ( الستالايت ) برى المنزل وللأبد بحول الله
مع العلم انو من الأساس غير موجود لكن ماراح يشرف بحول اللي ماتنام عينه

والأمور من احسن ما يكون يارب لك الحمد والفضل

كل ما سمعت العالم تتكلم عن شي فضائي اصير مثل الأطرش بالزفة

زمان كنت احس بالخجل

لكن الان احس بالفخر

واقول للي يتكلمون بكل فخر وبصوت عالي

اقول لهم ( تصدقون مدري وش تقولون ماعندي دش )

وماعلي من نظراتهم واستغرابهم

صرت افتخر من جد

لأني احس العالم بوادي وانا وزوجي وعيالي بوادي ثاني :)

أتذكر قول الرسول صلى الله عليه وسلم ( طوبى للغرباء )

واحس اني فعلا ً من الغرباء بهالزمن

وربي مدري وش قصة شاعر المليون
ولا ادري وشي ناقتي هاللي هبوا فيها العالم

ولا البرتقاله اذكر قبل كم سنة الحريم يتشكون منه وانا زوجي حاط رسه ومرتاحة ( يارب لك الحمد ماشاء الله تبارك الله )

ولا مهند هاللي سووا لنا سالفة عشانه

ارتحنا من طاش برمضان

وارتحنا من اشياء كثييير
ممكن لو عندي دش شفتها غصبن عني

واطفالي تعلموا وتربوا على المجد
لا موسيقى
لا مقاطع فاضحة

اطول التلفزيون وانا مرتاحه

لا تقولون انتي معقدة والدش بكل بيت و و و

وربي كل شي يطلع تكسبين فيه اثم

مجرد شوفتك لأشياء بسيطة تعتقدينها عادية تراك تستاثمين بدون علمك

طيب بعطيكم مثال ( نشرة الأخبار )

خلينا نشوف كم اثم فيها ونترك المسلسلات والبرامج على جمب لان ماراح نحصي آثامها

حرمة كاشفة ومتبرجة
الرجل يبتسم للمرأة

مؤثرات موسيقية بين كل خبر والآخر

عندما ترين المرأة المتبرجة والمختلطة برجل وتسمعين هذي الموسيقى فأنتي آثمة
وعندما يرى ويسمع زوجك فهو آثم
وعندما يشاهدونها أولادك وبناتك البالغين فهم جميعا ً آثمون

يعني حملتوا أوزار من نشرة اخبار

والباقي الله يكون بعون الجميع

مسلسلات وكلبات وعار اكاديمي وسخافات مالها اول ولا تالي

وحصيلة الذنوب تمشي وتزداد

ونحن في غفلة


باختصار شديد

كل امرأة يخلو بيتها من الدش فهي في فضل عظيم من رب العالمين ونعمة تستحق وافر الشكر لرب العالمين
قد أمنت نفسها وزوجها وأولادها من ذنوب كثيرة وسترين نتيجة قلة الذنوب على حياتك وسعادتك

:):):)

تمنياتي للجميع بحياة زوجية سعيدة للأبد

وياليت اذا في احد من الغرباء اللي ما ببيوتهم ستالايت يخبروني ..