موضوعك جدا خطير و كل وحدة تفكر في ذي النقطة زي انا مثلا قبل شهر ونص كنت اخلي بنتي عند امي طول اﻻسبوع ﻻني طالبة جامعة وماعندي احد يمسكها اﻻ امي وكانت تجيني شغالة مرتين في اﻻسبوع مرة تغسل وتكوي ومرة تنظف البيت يعني ماكنت ﻻ ام وﻻ سنعه وﻻ اعرف شي في التدبير و شغل البيت بس تقريبا صار لي سنة وانا متابعة عالم حواء ومعجبة بكل البنات اللي هنا الله يعطيهم العافية ماشاء الله عليهم كلهم كنت كل شوي بلبس و لوك غير يمكن في اليوم اغير اربع خمس مرات غير اﻻهتمام بالشكل الخلطات و الماسكات كان هذي اهتماماتي حتى الجامعة مدري عنها ماشية على الشي اللي ينجح وبس فجأة كذا قررت اتغير بنتي ماتحبني وﻻ تعرفني تموت في امي وهو شي طبيعي هي اللي قايمة فيها وكانت دايم تمرض معها ربو و جسمها نحيف ومامشت وديناها يمين ويسار وماخلينا احد وفي بعض المستشفيات الله يصلحهم فجعونا قالوا ضمور في المخ والحمد لله تطمنا من ذي الناحية في النهاية وديناها عند طبيبة شعبية شافتها وقالت ان بنتك مشتهية ياخالة وش مشتهية ضعيفة صغيرة قالت انتوا ادرى قلنا شكلها مشتهيتنا و دعيت الله ان ربي ييسر لنا نجيبها عندنا رحت الحضانة رفضوا وكنت متضايقة بعدين صدفة دقيت على حماتي اخت زوجي بسلم عليها اﻻ هي تحلف يمين اﻻ اجيب بنتي عندها بالرغم اني ماقلت لها بس سبحان الله تيسرت من عنده وهذا كيف دخلت بنتي في حياتي .....>>يتبع
موضوعك جدا خطير و كل وحدة تفكر في ذي النقطة زي انا مثلا قبل شهر ونص كنت اخلي بنتي عند امي طول...
وبعدين اول شيء اصحى قبل الفجر بعشر دقايق اصلي الوتر وادعوا بما شئت من امور الاخره والدنيا ولعيالي وزوجي واهلي وجميع المسلمين مع تلاوه القران بخشوع بعدها يذن الفجر آصلي اتجهه لمطبخ على طول اسوي ساندوتش لكل واحد من عيالي مع حليب وسوي قهوه او كبتشينوا ,,وبعدين اصحي عيالي اتوجه بهم للحمام يقضون حاجتهم اكرمك الله وبعدين انظف وجيهم بالصابون وافرش سنونهم عن رائحة الفم // والبسهم على طول واللي يعرف يلبس ملابسة اعطيه يلبسهم وبعدين يعرفون السستم يتجهون لطاولة الطعام وكل واحد يعرف اكله اكون مقسمتهم كل واحد واللي تبعه وبعدين بعد ذالك اتقهوى انا وزوجي واللي عنده ترديد ايات من عيالي يرجع يذاكرهم مره اخرى وبعدين اضع بكل شنطة واحد من عيالي شنطة فسحة متكاملة مع فستحي احط 3 حبات لان اطفال ويجوعون انوع فيها يروحون للمدرسة وزوجي يروح للدوام عقب كذاا انا ماركم الشغل ابدد كل شيء بوقته علشان افتك من الشغل بعد كذا انا اجلس اتفضى لنفسي يعني اسوي حمام سونى مو دايم بالاسبوع مره اضع بجسمي سنفره كاب وابداء بالتليك والفرك واضع بشعري بلسم او شمع لاني انا مسوية فرد برازيلي وبعدها واجلس ساعه تقريباا بالبانيو اتفرك واربص بالموية وبعدين اطلع وادهن جسمي كله بكريم جرجنز لشد الجسم اوشوفي في اشياء غير او فازلين لتوحيد اللون الوردي والبس واتوجة الى المطبخ اسوي الغداء انا طبعي بالدجاج مو كل يوم اطلع دجاجة واقطعها لاا امسك 10 دجاج يكفي اسبوع اقطعهم وابهرهم واحطهم بالفريزر وهذا يوفر وقت وخلاص هذا دجاج الغداء والكشنه كذااالك اخلط بالخلاط طماط وبصل واحطه بقدر كبير اصلحة واقسمه باكياس بالفريزر يومي وكذا اختصر الوقت ويطيح عني حمل علشان بس احط الكشنه والدجاج واكب الموية وبعدين احط بعض الاضافات ليمون اسود و فلفل ...الى اخر ربع ساعه اكب الرز وكذا ينتعي موضوعة بس التجهيز الاخير للرز شكل الطبق بيض شرائح طماط او زبيب // طبعا الغداء ماياخذ وقت وانا استخدم الكاتم لان ماحب المطرسة بالطبخ ولا احب تطلع ريحتي كشنه وطبخ بسبة غذاء !!
وبعد كذا اجهز سلطة خفيفة انوع بالسلطات او إيدام او اي شيء مع الغداء جلي كريمة وبعدين عقبها اصلي الضحى واقعد ارتب اذا فيه ترتيبات وبعدين اجلس عند التلفزيون او اشوف لي طبخة خفيفه حلا او اي شيء مع الشاهي اسوية او اخذ لي غفوه والاغلبية غفوة الظهر عقبها يجون عيالي انظفهم والبسهم بجامات واغديهم وبعدين ابعدهم تماما عن مصدر الازعاج يعني يجلسون بالغرفه امام التلفزيون وكل واحد معه جهازه بعدها يجي زوجي ونتغداء وننام الى العصر بعدين نصحى وبعدين اسوي عصير لعيالي مع حلا او اي شيء علشان يصحصون للمدرس وبعدها يجي المدرس يدرسهم وانا وزوجي نتقهوى الى المغرب بعدها تشوف شيء نطلع له نغير اونجلس جلسة عائلية واعشيء عيالي المغرب علشان العشاء اجباري ينامون اصلن هم ينامون لانهم صاحين من الفجر بعد كذاا اجلس انا وزوجي واهيىء الجو له واتكشخ واتزين واتعطرر عطر هادىء منعش نجلس نستمتع بالوقت ونتعشى او نطلب من براء بس مو دايماا نادرا المهم نجلس الى 1 بليل وعقبهاا ننام وهكذاااا وفيه نقطه عن غسل المواعين عندي غساله مواعين ثانياا استخدم الصحون الورقية الملونة افضضضل بكثيرر واسرع وافور خصوصا عيالي حتى الكاسات بلاستيك ملاعق بلاستيك
اتمنى اني افدتكم