هل أنتي موظفة ؟ وقدرتي تستغنين عن الخادمة؟ اذن تعالى هنا

كل شئ له مميزات وعيوب اكيد جلسة البيت لها مميزات والطلعه لها مميزات
لكن الحضانه احسن من الخادمه على كل حال
والطفل بتتوسع مداركه بس بيفقد اشياء الراحه
الخلاصه طلعتهم من عمر يوم لحضانه احسن من جلستهم مع خادمه
وحتى يوم كان خادمه اودي الصغار الحضانه بس اختاري وحده زينه وبالتوفيق

شوفي ياقلبي/اتوقع مافيه موظفه عندها خادمه ومرتاحه!وخاصه انها بتترك عيالها عندها لو كانت تثق فيها مهما كان!يعني الحضانه اكيد احسن واريح نفسيا لكن هل كل موظفه تقدر تشيل عيالها قبل الدوام للحضانه؟يبي لها سواق وطلعه ورده وانتي وحظك احيانا وهوابوهم يرفض!!غيرجيتك من الدوام وشغل البيت يعني اذا تقدرين ترتبين امورك واهم من هذا كله ان زوجك بيتعاون معك ويصبر......

الحضانه افضل من الخادمه مليوووووون مره<<مهما كانت مساوئها

تولان
شمعه
غدوري
الله يسلمكم ويسلم لكم غاليكم يااارب

بس ماقلتوا ليعن تجاربكم ، يعني الطفل لما تجيبينه من الحضانه مرتاح يبان عليه الثقة بالنفس او الانكسار مثل مايكون مع الخادمه لوحدهم

شوفي حبيبتي من تجربه أكثر من 20 سنه
الحمدلله انا عندي خمسة الله يحفظهم
والان الحمدلله والمنه كلهم كبرو
ومن يوم كنت طالبه حتى اصبحت موظفه ثم تركت الوظيفه
ما فيه يوم من الأيام خليت عيالي او بناتي مع الخادمه00

مهما كانت طيبه وكويسه قدامك0000 ما تضمنين وش يصير اذا طلعتي من البيت
(لا تقولين احط كميرا) اذا فات الفوت ما ينفع الصوت (هذا مثل)00

والحضانه احسن لهم واريح لك وكل شي على المكشوف
وطبعاُ الان اغلب الحضانات العاملات فيهن سعوديات وعليهن مشرفات00

وبصراحه ينتظم نوم الطفل ، يكون اجتماعي، يحب الأطفال، يطلع معك
ويرجع معك،، لو حصل اي مشكلة لا قدر الله بالحضانه فيه مشرفه ترجعين لها
وفيه مديره 000
لكن لو كان بالبيت اههههههههههههههههههي حدث ولا حرج من اللف والدوران والكذب
من الخادمة لو صار للطفل شي (فيه ضربه،صياح مستمر)اسهل كلمة تقولك (ماأدري) أو (كان عادي)


والأم هي المسئولة عن اطفالها ، تعبت في الحمل ، يجب ان تتعب بالتربية
ما توكل خادمه 0000 جايه من بلد انتي ما تعرفين وش كانت ظروفها000